نتائج الاعتراض + حالات معلقة حتى الان - [ المرحلة العاشرة ]

يا اعزائي الموضوع تراه يمر على لجنة مكونة من كم دكتور المعاملة ما تمر على اكثر من واحد في اللجنة يعني القرارات فيها الكثير من عدم التوافق. أنا عايشت الوضع هذا عند ترقية البعثة من بكالوريوس الى ماجستير قبل ثلاث سنين ودخلت عندهم في الدور الرابع في الوزارة وتصايحنا ولا لقيت منهم لاحق ماغير باطل. انصح الي لاسمح الله يجيه في المستقبل إيميل بالرفض انه ما يوقف ولا يستسلم! سووا الي سويته يطلع الوزارة يمر على الفوزان وغيره والله جلست ٨ ايام في الرياض من الصبح قبل لايفكوا الوزارة الين مواقف السيارات الظهر مع المسؤولين الين الله يسرها وأخذت حقي. المهم أنكم تتوكلوا على الله ولا تستسلموا وصدقوني لأحد ياخذ كلام الموظفين الصغار ولا بعض الدكاترة يعني شف من الحبيب فيهم والصق له وتعال بالسياسه و إن شاء الله تتيسر. والآن مع تغيير الوزير حيصير غربله للطاقم كله إن شاء الله فاستبشروا يمكن تلاقوا كم واحد يبوا يسوي خير قبل لا يمشوهم زي ما حصل معي. المعذرة عالاطالة لكن والله أني مقهور لقهركم وودي اننا كلنا ننقبل وتمشي امورنا سهاله إن شاء الله..

هذا الكلام اذا كان رجال .. بس ترا احنا البنات صعبة علينا لو نضمن ان الحريم عندهم سالفة كان سافرت للرياض وتفاهمت معاهم ..

بس صعب اروح للرجال وخاصة ان الموضوع بيدهم ولا الحريم ماغير يصرفو ..

دام قبلو صاحبتك بأذن الله انك مقبوله تفائلي
واحنا بعد تخرجنا ماقعدنا كذا والله دورات ولغه درسنا بس تعبنا بلا نتيجه وفكرنا بالابتعاث كحل لتحسين مستوانا ووضعنا والابتعاث موب سهل يكفي غربه ومصاريف والخ

ليش سبب رفضهم لك قبل ثلاث سنوات مع انو حد علمي هالسنتين الاخيرتين هي فيها تعقيدات
احنا بعد تغير الوزير نقول يارب يعيدو النظر بقرراتهم بس برضو الحمد الله على كل كل شخص ماياخد الا رزقه
وهذا حقك ورزقك مكتوب لك فأخدته

مااااتناااازلت ابدا عن حقي وبحثثثثت وسويت رجه الا انو كان هذا ردهم


هههههه هذي الحيله غير ممكن اطلاقاً ومستحيل كلمتين بالتويتر وسكرو جوالاتهم ونسو كل حاجه ...

على قولة اميمتي الغاليه اذا ذولا ظلموك خالقهم ماراح يظلمك ويضيع تعبك ...
والحمدلله على كل حال ....

باقي ان شاء الله يوافقون على الاعتراض وان ماوافقوا خلي احد من محارمك يروح لهم وينشب لهم ويتفاهم معهم

هم يبون يبنون للعالم انها وزاره توب وماتغلط بس ماعليكي منهم اعطيهم من الآخر على وجيههم ورسلي لهم كل معلوماتك ووثائقك ومعلومات ووثائق صاحبتك وخلنا نشوف هالفروق السبعه اللي بتطلع منهم بكاشين
جد مالك الا كذا علميهم ان الحق حق

الا صادقة والله ما نسمع غير العجب من البنات الي يستفسروا في قسم الحريم. الله يعينكم إن شاء الله وماتوصل لدرجة انكم تحتاجوا تراجعوهم في الوزارة. يجي القبول إن شاء الله ولو أتأخر. طول انه ماجاكم رفض معناته وضعكم أحسن وفيه أمل كبير بالقبول بحول الله

سبب الرفض كان توصية كيدية من مشرف دراسي مؤقت بأنه مايوصي بالترقيه لي بعد ما قل أدبه علي والكثير من الزملاء ورفعنا عليه شكوى ما كمل أسبوعين ومشوه لكن للأسف التوصية ما مسحوها وماكانت باينه في نظام سفير فقط للوزارة. الحمدلله على كل حال. هذا الابتعاث وهذي قصصه

الى جميع المتضررين من امتداد التخصص
راضييين عن وضعكم؟