التجارب مع مراكز مطابقة الوثائق - [ المرحلة العاشرة ]

شغل مرتب ما أخذ الموضوع الا عشر دقايق

بالمناسبة ما طلبوا الوكالة 😊

الحمدلله خلصت تدقيق ما اخذ مني ١٠ دقايق شويين الطلاب طلبو مني كل الوثائق الي رفعناها + السجل انقلش وما طلبو استمارة التقديم بس يطلبون موعد الحضور مو لازم تطبعونها وريتهم بالجوال مع اني جاي قبل الموعد بساعة ومشوني

خلصنا مطابقة والحمدلله يسرها ربي لولا ان البرد ذبحنا 

ع فكرة الحمدلله مافي زحمه ممكن لانه اول يوم لذلك تيسرت الامور لكن الله يعين اللي بيطابقون مستقبلا اذا كان فيه زحمه !! عدد الموظفين جدا قليل !

1.استماره الطلب حسب المرحله
2.اصل و صوره من الوثيقه
3.اصل وصوره من السجل الاكاديمي
4.صوره من الجواز وبطاقه الاحوال مع وجود الاصل
بس ما طلبو استماره الطلب

ياجماعه .. بس حبيت انبهكم يوم التدقيق
طريقه التدقيق اوراقكم كلها (الصور) تجمع في ملف يطابق ثلاث مرات كل مره موظفه مختلفه
وانا لاحظت انه التدقيق يختلف من موظفه لاخرى
مثال:
- بعضها مثلا ماحرصت تسالني عن هويه المرافق واللي بعدها طلبتها مني
- استماره طلب الابتعاث ماخذوها مني ،، بس سالت اخر موظفه اللي تاخذ الملف اذا تبيها قالت ضروريه طبعا
- وحده من الموظفات ماخذت موافقه ولي الامر ولا سالت عنها الى ان سلمتها لها
- بطاقه العائلة الموظفتين الاولى والثالثه ماسالوني عنها لكن الثانيه طلبتها
فكل وحده ترجعلي الاوراق الغير مطلوبه "بنظرها" والثانيه ترجع تاخذها

** خلاصة الموضوع يوم التدقيق احرصوا كل شي يكون كامل (الهويه + الجواز + بطاقه العايله + هويه المرافق وجوازه وصك الاعاله او الوكاله او ولايه .. الخ)

وارجع اقول صور طبق الاصل غير مطلوبه

تجربتي بالمطابقه (بيانات المحرم غير الزاميه + الوكاله ماجابوا لها سيره مرافقي اخوي وابوي ولي امري + عطوني ورقه فيها نفس الاشياء اللي قدمنا فيها + مطلوب الاصول + صور عاديه+موافقة ولي الامر لازم حقت المرحله العاشره ) الالزامي فقط اللي كان بالتقديم + يوجد طابعات ولابتوبات + الات تصوير

الشكر الجزيل لكل من قدم تجربته هنا مع أول مراكز مطابقة الوثائق
خالص أمنياتنا لكم ولمن ينتظر بالتوفيق .
سيغلق الموضوع مؤقتاً حتى يبدأ موعد الدفعة الثانية غداً إن شاء الله ..

السلام عليكم .. وأسعد الله صباحكم.

ولله الحمد تم الإنتهاء من عملية المطابقة بكل يسر وسهولة.

ملخص ما حدث:

أولاً:
تذهب للإستقبال وراح يسألونك أوراقك كاملة مع صور منها .. اذا كانت الاجابة نعم راح يعطونك نموذج تعبيه وتحتفظ فيه.

ثانياً:
جهز أوراقك على النحو التالي:
- الهوية وصورة منها.
- الجواز وصورة منه.
- الوثيقة وصورة منها.
- السجل الأكاديمي وصورة منه.

لا تدبسون الأوراق لأنهم راح يطلبون إزالتها.

ثالثاً:
راح تجلس بمكانك وأمامك ثلاث موظفين وراح يطلبون منك تتقدم لأحدهم وتبدأ تقدم له الأوراق بحسب الترتيب اللي ذكرت سابقاً بالإضافة للورقة اللي أخذتها من الإستقبال بعدها راح يأخذ منك الصور ويحطها بمجلد ويرجع لك الأصول وراح يطلب منك الموظف تتوجه لداخل الصالة لإكمال الاجراءات.

رابعاً:
الأن معك مجلدين .. الأصول والصور.
بتروح لموظفين إثنين وبتعمل نفس الإجراءات.

الأصول راح ترد للطالب وراح يحتفظون بالصور.


الأهم هو الحضور بالزي السعودي لأنهم أبعدوا كذا شخص.
لا تنسى تطبع ورقة الموعد وكذلك ورقة الطلب.


بالتوفيق لكم جميعاً

الحمد لله خلصت التدقيق الوضع سهل جدا وﻻ اخذ 10 دقايق لاحد يتوتر ويتحمس الوضع ابسط مما تتخيلون وتعاملهم جدا راقي وكمان اعطوني قهوة يدرون اني مواصل ودايخ يبوني اصحى ههههههههههه

معلومة جديدة كل واحد يقدر يطابق اوراقه بأي مدينه يبيها بدون موعد ياخذ الوثائق والمستندات ويروح
اليوم حصلت امامي