تجمع طلاب و طالبات العلوم الطبية - المرحلة العـاشرة ( 10 )

الله يعطيك العافيه

السلام عليكم ، صباح النور

انا مسجل في ملتقى الدارسون على حسابهم الخاص من قبل شهرين عاد امس ارسلولي ايميل ندعوك لحظور الملتقى عاد فيه بالاسفل رابط مطلوب التسجيل فيه لما أدخل الرابط يطلعلي احط رقم الهويه بعدين يطلعلي انك غير مسجل بالابيانات !! علما اني راجع من امريكا عشان احظر هالملتقى ومابقى عليه الى اسبوع .

اللي صارت له نفس المشكله يفيدنا ❤️

لو تسمحلي بعطيك نصيحه أخوي :
دائما إجعل اهدافك وطموحاتك عاليه .
أقل درجه في الطموح بينها وبين الفشل درجه واحده = إما نجاح بأقل درجه في النجاح أو رسوب
والطموح العالي بينه وبين الفشل درجات كثيره = فإن لم تصل إليه ستصل إلى أقل منه قليلا ولاكن لن تكون عرضه للفشل
فأجعل طموحك وأهدافك عاليه فلا تفكر بمجرد انك تاخذ شهاده سهله وترجع لان اذا هذا تفكيرك أنصحك إنك ماتروح لأن مافيه شي سهل بالدول الثانيه وخصوصا للتخصصات الطبيه

أتمنى انك ترفع سقف طموحاتك ولا ترضى بالقليل لأن الحكومه ما قصرت مع أي أحد ولو تدرس بأرقى جامعه في العالم سوف تتحمل هي كامل التكاليف ، حتى مصروفك الشخصي تأخذه من الحكومه .
أحد اصدقائي من الجنسيه السودانيه عمره 35 سنه ولم يتزوج حتى الآن لمذا ؟ لانه يجمع نقود منذ سنوات ليكمل دراسته ، حرم نفسه الزواج وقلل المصروف على أهله من أجل تحقيق حلمه في الدراسه

ونحن الدوله تدفع لنا كل شي وتعطينا راتب أيضا ومع ذلك لايمكن أن نفكر بالإجتهاد ولو قليلا .... ! لماذا
سامحني يا أخوي بس والله هذا الكلام قلته لأخواني قبل أقوله لك ، هذا لاني اعتبر أي واحد هنا أخو لي واحب أنصحه مثل أخواني

وشكرا ، ، ، ،

انا تخصصي تمريض وبكمل الماجستير ان شاء الله

وللحين والله مثلك ما ادري ايش شروطهم وللحين ا اخترت التخصص

انا تخصصي بكالريوس تخدير بس التخدير مافيه الا بدرجة الماجستير
لذلك بدرس في البداية بكالريوس تمريض و بعدها بقدم على ماجستير التخدير لكن مطلوب مني سنة خبرة اقدر اخذها في كندا والا لازم ارجع هنا واشتغل ؟
و يستاهل كل هالسنوات كلها والا ؟ من حيث قوة التخصص و كذا

اقدر اخذ بري ميد احياء بعدين اقدم على ماجستير تخدير والا لازم ادرس طب ؟


بهذلوني هالوزارة وفي الملتقيات محد جاوبنا بخصوص التخصصات اللي حطوها ضمن البكالريوس وهي اساسا ماجستير

كيف تخصصك باكلوريوس تخدير ومافيه الا بالماجستير ؟ أجل من وين ماخذه شهادتك
اكتبي مؤهلك والدرجه العلميه اللي تبين تدرسين فيها وبعدها سؤآلك بعدها حتى أفهم عليك

متخرجة من الثانوي و اخترت لما قدمت على الابتعاث تخصص التخدير و لما بحثت اكثر شفت انه مافيه بكالريوس تخدير فقط ماجستير

الحين فهمتك ،
بالنسبه لتخصصك فعلا مشكله كيف حاطين باكلوريوس تخدير وهو تخصص فرعي ،،،!
انا لو مكانك بآستفسر من قسم الإستفسارات حتى تاخذي الجواب الشافي الوافي .

وبالنسبه كقوة تخصص من رأيي الشخصي إذا تقدري تغيري غيريه لاني أشوف من نظرتي حرام فيه كل هالسنين
واذا ماتقدرين تغيرين لاحول ولا قوة إلا بالله

سألت ب اكثر من مكان و حتى في الملتقى لكن محد جاوبنا و كانوا يقولوا لنا اسألوا الفوزان !

الاغلب انني بغير مع كسرة خاطر كبيرة لان دخل لقلبي هالتخصص

والتخدير ما كان التخصص الوحيد الفرعي فيه اكثر من تخصص كانوا حاطينها بكالريوس لكنها في الواقع ماجستير !!

ودي آقولك على تخصصات معينه بس لازم آكون حيادي