محدّث / الاستفسارات حول ملتقيات المبتعثين - [ المرحلة العاشرة ]

اتوقع الاغلب يحتاج لغة .. مارح يجبروك تسافر بشهر معين بس المفروض قبل ما تقفل المرحلة العاشرة تكون اصدرت قرار الابتعاث .

بعد اسبوع لاسبوعين تنفتح ايقونات في حسابك في برنامج سفير ..
تتضمن قائمة المعاهد للي تختار منها معهد وتحصل على الضمان المالي الخاص بالمعهد
بعد ما تجيب القبول .. تقدم على التأشيرة .. وبعدها تصدر القرار وتتوكل
والله يعافيك ويعافي كل المسلمين

السلام عليكم ورحمة الله
عندي سؤال بس اذا ممكن احد يجاوب
الحين طلاب الطب الوزارة تجيب الينا قبول حق لغة لو احنا ؟

انا اعرف كم واحد مسجلين دون الايلتس اذا طلعوا الخدمات باقولك ويش يطلع معهم

اللهم امين يارب

يعطيك العافيه والله يسهل لنا امورنا يارب

الداغري قال في الملتقيات يقدروا طلاب امريكا على السفر وبداية الدراسة في يناير!!!

عندي استفسار..
تضاربت الأقوال منذ بداية الملتقيات في الرياض كون المحاضرات للدول اجبارية أو لا..
لي زميلة حضرت كافة المحاضرات العامة في الخبر، لكنها غابت عن المحاضرة الخاصة بألمانيا و بولندا من ضمن برنامجها..
بوقتها سألت المشرفة و قالت إلزامية، و بملتقيات جدة قالوا إلزامية.. بس مدري..
هل تم تأكيد ذلك فعلا وقت الملتقيات من الداغري؟

اليوم صارت شوي لخبطة, البرنامج المفروض ينتهي الساعة 11, لكن فاجأنا الدكتور بأنه في وقت راحة 15 دقيقة و بعدها محاضرة. وقت المحاضرة قالو انها "محاضرة اللغة الانجليزية" فاستغربنا, الكثير مننا رايح لالمانيا و شرق اسيا و بقية اوروبا و الدراسة بلغة البلد فهل المحاضرة لنا ام لطلاب ثانيين؟ بعدها طلع الدكتور قال انه لحضر محاضرة اللغة سابقا يمشي, و اللي ماحضر يجلس, رجعنا وضحنا له انه نحن طلبة دول غير متحدثة الانجليزي و قال "ممكن تغيرون رأيكم تطلعون امريكا" طالب قال له لا و فرد عليه و قال "ان كانت دراستك مهي بالانجليزي خلاص" و مشو الطلاب حقين اوروبا و بقو حقين نيوزلندا, و مدري وش الوضع بيكون هل بيخصموها او شي اضافي بالجدول. كلها كم يوم و نكتشف

راح يحطوك في دولة ماحدّ يبيها، هولندا كثير يبونها

نعم الداغري أكد إنها إلزامية و تؤثر بالنسبة
اللي محيرني الان كيف بيحسبو نسبة من حضرو ملتقيات الرياض لأن معظمهم ماحضر هالمحاضرات بسبب عدم تنظيم الوزارة وابلاغهم مبكراً ..

حسب كلام الملحق الالماني اليوم شرط الايلتس ٥ هو من هولندا نفسها اما باقي الدول من الوزارة.. وبعد دراسة اللغة بالتحضيرية لازم تجيب ٦.٥ ايلتس عشان تدخل الجامعة.
أنا حاط: هولندا - ألمانيا - المجر
ومرتاح جدًا لهولندا ولكن شكلي أبحول لبولندا بسبب ان نظام البكالوريوس والماستر في هولندا مختلف عن باقي الدول.