محدّث / الاستفسارات حول ملتقيات المبتعثين - [ المرحلة العاشرة ]

مو موجوده كمان ،، لاتركيا ولا المجر جايبين لهم خبر 😀

أعتقد أن مدير البرنامج الدكتور الفوزان لما قال "أنتم المتميزون!!"
كان يقصد "أنتم المنكوبين. أنتم المنحوسين!!!"
بصراحة قائمة متميزة وجبارة فعلاً
تشكر إدارة البرنامج على هذا التعقيد والتخبط الغير مبرر .
الأهم من هذا قائمة كهذه استحالة أن تكون ارتجالية
بل احتاجت لفترة كافية حتى تُنجز بالتعاون مع الملحقيات الثقافية
يعني كانوا أعطونا خبر طالما أنها جاهزة سلفاً بدل هالمفاجئات؛ احتراماًلنا ولوقتنا الضايع!
برنامج الابتعاث أقر بأمر سامي كـ مكافأة من الملك لأبناءه
عقدوه بطريقة تدعو للقرف والملل وكأن تكاليفه تصرف من جيوبهم!
ليتنا نرى هذه الجهود الجبارة في جامعاتنا الوطنية ومشاكلها
في إيجاد الحلول لتخصصات استغنى عنها سوق العمل
في تخريج كوادر مؤهلة تحصد التطلعات والآمال التي تبنى عليها.

الله يصبركم يا أهل العاشرة
مأجورين على الصبر وطلب العلم بإذن الله.

يعني بعد ماحطو من ضمن الاختيارات المجر رجعو حزفوها بالجامعات المتميزه كيف كدا انا مو فاهمه يعني دحين المجر بح
بعد مارتبت اموري وليا احد يقربلي هناك استغفرالله العظيم . طيب مايمديني اعترض او اي شي ؟

-

الله يعينا جميعا ،
اللي أستغربته أن الجامعات تم تحديث القائمة

والمعاهد اللي جالسة بتسكر مو جايين ينزلوا القائمة الجديدة..
المفروض ينزلوها صراحة، في كم معهد في بالي أبي أأكد تسجيلي ومو قادرة عشان اخاف تصير متكدسة

آمييييييييييييين يارب ومن يقول بالتوفيق ان شاء الله وسعيده لانك لقيت الاجابات اللي تبحث عنها واحنا هنا عشان نعين ونعاون والا مو كل شي نعرفه


شكرا على المعلومة الرائعة


الله يعطيك ألف عافيه شكرا جزيلا


فعلا حتى انا سبق وذكرت بأن إحدى الموظفات قالت لي بعد الحاحي بالسؤال عليها بأني لست مطالبة بحضور أي شي غير اللي اخترت موعده يعني البرنامج اللي اخترناه واخترنا وقته هو بس اللي إلزامي علينا أما غيره لا

يعطيك العافية Distraction
عندي تعليق حول قائمة """الجامعات المتميزة""" وبالتحديد الجامعات الـــكــــنــــدية "المتميزة" على حد تعبير الوزارة
هذه القائمة نوعاً ما عشوائية
يوجد جامعات في القائمة لاتمت للتميز بصلة !!!!!! فيي حين انها تخــلو من جامعات معروفة استبعدوها بالرغم ان لها سمعتها و تميزها


كـ مثال ((فقط)):
عندما تبحث عن افضل الجامعات في علوم الحاسب الآلي من المصادر الرسمية مثل Forbes أو Shanghai او حتى Mclean
لا ارى وجود الى جامعة
University of Saskatchewan
التي وضعها الوزارة ضمن قائمة "جامعاتها المتميزة"
فهي جامعة غير معروفة كثيراً مقارنة بالجامعات الاخرى -- طبعاً لا اقصد التقليل من قدرها , ولكن عند المقارنة فهي ليست الافضل!

كذلك لم يسبق لي ان سمعت ان
University of Guelph
انها من التوب في علوم الحياة !!! مع ازالة McMaster من هذه القائمة
اي ان قويلف افضل من مكماستر في هالتخصصات.. وطبعاً لو يسمعوكم هيئات التعليم الكندية تنقصون من مكماستر في العلوم ممكن يكنسلون قبول المبتعثين السعوديين ههههههههه

أكاد اجزم لو اي كندي اطلع على هذه الجامعات رح يضحححححححححكككك ويقول انها مزحة

قائمة عشوائية غير مدروسة
وانا متأكدة ان الملحقية الثقافية بكندا لها رأي آخر وبالنهاية سيتم الابتعاث لكندا في كل الجامعات

وكلمة حق يوجد بعض الجامعات في القائمة حقاً من التوب مثل UofT و مكماستر و مكيييل وبريتش كولومبيا و يورك ومونتريال في اغلب التخصصات..
يعني الحمدلله انهم ما استبعدوهم ولا بتكون مصيبة ههههههههههه

الله يكون بالعون

كيف لخبطو أنفسهم !!!
الان أصبح الخطأ على المرشحين !!
الملتقيات فقط في ثلاث مدن .. ايش عرف أهل أبها والمدينة مثلا أن ملتقى الرياض بيكون قبل تدقيق مدنهم
مافي شيء يجبر المرشحين يحضرون في جدة .. الوزارة من البداية أعطتهم الصلاحية في اختيار المكان المناسب للملتقى وكثيير حالات عندهم أهل و أقارب في الرياض فاختاروها كموقع للملتقى
لهم كامل الحق يتذمرون لأن مافعلته الوزارة ببدء الملتقيات قبل انتهاء تدقيق جميع المرشحين ماهو إلا فوضى

عندي استفسار يعني دحين خانة الجامعات المتميزه الموجوده . بكدا الغت وجود بعض المدن زي مثلا المجر دحين ملغيه ولا كيف نظامهم ؟
يعني بيضحكو علينا من ناحية الجامعات المتميزه وهيه اصلا لاهيه متميزه ولاشي شكلو . من كلام الاخت توته

ياناس دحين انا مسجلة طب ف تركيا وف الجامعات المتميزة دي اللي نزلوها مافي من ضمنها دولة تركيا من الاساس 😕
ايش الهررجة !!
ممكن يرجعو يضيفوها ؟ ولا خلاص هيا دي الدول بس والغو تركيا !

كلامك صحيح 100000 % بلا شك.
خاصة في هذه النقطة:
ههههه قائمة عجيبة والله.
أعتقد أنها منجزة باتفاق مع الملحقيات الثقافية لاتصالها المباشر بتلك الجامعات
لكن يبدو أن بعض الجامعات لم تتفق مع سياسة الوزارة أو الملحقية الثقافية مثل جامعة دالهاوسي
لذلك لم تدرج في القائمة!
البرنامج يتجه للحضيض ومايحدث مهزلة حقيقية
لكني لا ألومهم لعدم وجود جهة رقابية فعالة وصارمة على البرنامج!
لهذا الوضع صار "سلطة".

Good luck!