محدّث / الاستفسارات حول ملتقيات المبتعثين - [ المرحلة العاشرة ]

بصراحه في اشياء قالها الدكتور محمد العيسى غير عن اللي صاير فالواقع ..

احنا البنات الصوت ماكان واضح عندنا ومع سواليفهم راحت علينا كثير من الاستفسارات وصار يطقطق علينا ويحششر كمان 😒👋

في وحده سألت عن الدبل ميجور وقال مسموح 😶 واللي اعرفه انهم مايسمحو فيه !! هل هذا بدايه من هالمرحله مسموح او كلام بس؟!

صراحه حسيتو بس يبغى يخلص منا اجاباتو تسكيته .....

اهم شي ارتحنا من اول يوم باقي بكره الله ييسرها ...

انا من الشرقية وافكر احضر ملتقى جدة بالرغم من اني لم انتهي من مطابقة الوثائق بسبب وجودي خارج المملكة في الفترة السابقة و حاولت ادخل على متابعة الطلب لكن لا استطيع حجز موعد للملتقى
اخشى اسافر لجدة بس ما استفيد ..
هل في حل للمشكلة اذا ذهبت للرياض للوزارة لمطابقة الاوراق هناك؟ وهل من الممكن الحضور لملتقى جدة بدون تسجيل؟

ياليت احد يفيدني جزاكم الله كل خير

ياعالم فهمونا اش الوضع انا البرنامج الثامن المجموعه الثالثه على كلام موظفات الوزاره اليوم ان المحاضرات الي وصلت على الايمل تبع المجموعه الثالثه لغوها ودمجوها مع المحاضرات الاساسيه لذلك كان خروجنا اليوم الساعه ٢ الا عشر دقايق بدل الساعه ١٢ السؤال هل نرجع لمدنا ومانستنى الاربعاء والخميس ولا راح يحاسبونا عليها صراحه الوضع جداً ملخببببطط

تنحسب لك خلاص ان شاء الله انا نفس برنامجك التاسع وكنت مع المجموعه الاولى الظهر ومارحت وحضرتها مع المجموعه الثانيه والمشرفات قالوا هالشي فالمحاضره يعني ان شاء الله مايحتاج لانها نفسها تنعاد ...
موفقه ...

السلام عليكم
اسعد الله صباحكم
هل بالملتقى تدقيق بالوثائق اقصد للذي لم يكمل بعض الوثائق كجوازات السفر للمبتعث و المرافقين و ماهو العمل في حال لم يتمكن من تجديدها قبل الملتقى
شكراً

اليوم انا شفت في قسم البنات وحده طابقت اوراقها قبل المحاضره والثانيه نسيت ملف اوراقها وجات اخذتو ...يعني ان شاء الله يمديك تلحق الخبر صار تدقيق عندهم للبعض في ايام الملتقى ..

بالنسبه للموعد مايحتاج تحجز عشان تجي لان ماراح تفتحلك فصفحتك لان راح موعد التدقيق ولو تقدر توكل احد يدقق بدالك هنا يكون احسن بكثير ....هذا اللي اعرفو..

الله يسهل امرك ويكتب لك الخير ....

وعليكم السلام
الملفات الناقصه ترفعها بعد الملتقى لما تفتح لك في صفحتك ايقونات خاصه لكل ملف ... طالما قدرت تحجز للملتقى وتغيرت حالتك لحضور الملتقى فاوراقك كمبتعث كامله وباقي الاوراق تقدر ترفعها ان شاء الله ....

السلام عليكم
هل يوجد أحد من الذين حضروا ملتقيات الخبر تغيرت حالته ؟ وإذا تغيرت فتغيرلت إلى إيش
وشكرا

لحد الان لا يوجد الا يومي الاربعاء والخميس فقط

متأكده انو مولازم المحاضرات الاضافيه احضرها ع موعدي

عشان اليوم كلهم بيقولو مانعرف اسألي الوزاره والوزاره تقلي اسألي التنظيم