محدّث / الاستفسارات حول ملتقيات المبتعثين - [ المرحلة العاشرة ]

.لو سمحتم حقين ملتقى الرياض وش صار عليهم

في احد تغيرت الحاله عنده

انا حضرت الملتقيات العامه وللحين ادخ اشيك ما تغيرت حالتي متى يفتح التسجيل عالخدمات

مدري ايش اقول الصراحة قمة الاستهتار والمهزلة وعدم النظام وغياب الترتيب وفوضى كأنو مو ملتقى !!!
برنامجي التاسع يبدأ من ساعة 4 عصرا طبعا حضرت من 3 ونص ولقيت طوابير عند الباب استنيت شويا ودخلونا طبعا ماتحتاجي الا بطاقة هويتك عشان تسجلي الدخول .. وبدأت المحاضرات وماجات الساعه 6 الا يسير تخبيص وكلام انو لازم نحضر المحاضرات الاضافية بعد العامة في نفس اليوم طيب وحقت الاربعاء والخميس الاضافية ؟ سألت كم وحده وما الاقي جواب كل وحده تصرف من راسها مشرفة ولا غيرها كلامهم مو واحد كل وحده تقول حاجه كأننا بزوره
المهم خلصت من محاضرتي العامه وجيت ابغا اسوي تسجيل خروج وقبل ماسوي تسجيل خروج قلتلهم على المحاضرات الاضافيه دحين كيف ؟ قاللولي اطلعي فوق وأسألي طلعت الموظفة قالت تحضري اليوم الاضافيه والاربعاء والخميس خلاص ماتحضري وكان عندها جدول المحاضرات وقالت شوفي قلتلها طيب واللي ارسلتو على الايميل دا ايش قالت ماعليكي منو !! قلتها كيف اتغير الموعد وماتقولو من بدري وكيف ترسلو ايميلات غلط وكتير بنات زيي المهم عصبنا ووحده قالتلها على مسؤوليتك قامت سكتت وبعدين جات موظفة مسؤوله شكلها اللي كانت ترد على الاسئلة في القاعه ونادت الموظفات ودخلو معاها الغرفه زي ربع ساعه ورجعت خرجت لنا وشرحت لنا الوضع الملخبط دا وقالت انها كلمت وكيل الوزارة ومدري مين واستفسرت منو قالت اللي برنامجها التاسع وعندها محاضره عامه وخلصت تمشي قلتلها انا حقتي المحاضره الخاصة اربعاء وخميس وقالولي احضريها كيف قالت بنفس موعدك تحضري اربعاء وخميس وطبعا اغلب البنات دخلو المحاضرة الاضافيه حسب كلام الموظفات لهم قلنالها ماتنحسب دي يعني قالت لا ولازم يحضرو في موعدهم وعلى كلامها مشيت وسجلت خروج ورجعت بيتي
نمت وصحيت لقيت موعد محاضرتي حقت قبول اللغة حقت يوم الخميس اتغير موعدها ليوم الثلاثاء 6.50 ههههه قمة اللخبطة قاعدين يلعبو معانا ولا ايش
المهم بكره راح احضر من 4 المحاضره العامة وبعدها دي الخاصة حقت اللغة على حسب رسالتهم واخلص وامشي بس يبقالي محاضرة التأشيرة عندي يوم الاربعاء نستنى متى يخلو موعدها هههه عشان هما ناس مو مرتبين اساسا ولو سوولي فلسفة زايده راح اطبع المواعيد اللي ارسلولي هيا واحملهم المسؤولية
وترى صح الخبر حق العنقري

سامحيني دوبي شفت ردك😔
انا برنامجي التاسع والمحاضرات لازم تحضري كلو زي مارسلولك مايسير تغيري ان شالله تكوني جيتي

اتوقع اللي برنامجهم التاسع المجموعة الأول م حصل لهم اي تغيير ف الموعد ، لأن م جاني اي شي

انا البرنامج التاسع المجموعه الاولى واتعدل ل6:50 يعني بعد المحور الاساسي

طيب جاني نفس تعديلك حتروح على التعديل ولا الايميل إلي هوا 11:20 الصبح

نفس الكلام عندي ..

طيب ايش راح تسوي!!!

ممكن اروح اشيك عندهم الساعة 11 😅😅 اذا ماجاتني الرسالة

إذا جتك حتروح على المسج ولا 11