إصدار قرار الإبتعاث واستفسارات [ المرحلة العاشرة ] ( 10 )

راجع القسم هذا وبإذن الله راح تحصل الاجابه عن استفسارك بالتفصيل

إجراءات الفيزا والقوانين الأمريكية U.S Visas & Laws

طيب وعشان الفيزا الكنديه والا نفس الاجراءات،،؟!

السلام عليكم
حجزت تذكرة عند الطيار و وصلت بلد الابتعاث و لله الحمد.. و لكن تم رفض طلب اصدار التذكرة لما كنت في الطيارة هههه
و السبب "عليك ارفاق الجواز والفيزا لك وللمرافق + ارفاق بطاقة العائلة"
الحين لازم اطلب من جديد ولا الخدمة جد خرطي؟ حالة طلبي تحت الاجراء

دوبي سجلت في الموقع و مو عارفة فين اسال و فين اكتب المهم بسأل هنا و حتى مو عارفة كيف حيجي الرد. المهم..

و الله الي يجاوبني رح ادعيله من كل قلبي و الله يا عالم نفسي بالي شوية يهدى و انام الله يسعدكم و يوفقكم الي يجاوب يجاوب بالتفصيل الملل على كل شي و شكرًا من قلبي مقدما

انا طالبة ٣ ثانوي الحمد لله رب العالمين اللغة عندي ما يحتاج و دارسة في مدرسة انترناشونال من ٦ ابتدائي

الزبدة اني كل ما اقرأ عن الابتعاث يقولو اول سنة لغة لغة لغة. طيب انا مابا أضيع سنة عالفاضي! ابدخل جامعة على طول كيف ممكن أسوي كدا



و هاذي شوية أسئلة أتمنى من كل قلبي الاقي رد لاني اقسم بالله ما انام الليل من كتر التفكير..

١/ المكافئة ليا و للمحرم تكفي و لا لا؟ للعلم اني اقدر أمسك نفسي و انظم أموري المالية

ع حسب الولاية والمدينة .. تكفي بالراحة
٢/ فين اقدم عالابتعاث؟ كيف اقدم؟ متى اقدم؟ كم تاخد الاجرائات؟ متى اسافر و ابدا دراسة؟

تقدمين عن طريق موقع وزارة التعليم العالي السنة الجاية .. المرحلة الحادي عشر

٣/ المرحلة العاشرة كلها تخصصات طبية و كل الي اعرفهم طالعين هندسات ! كيف يغيرو التخصص لانو انا ممكن ادخل هندسات لسا ما قررت + هل هي صعبة ولا لا (حكاية تغيير التخصص)

بالنسبة للبكالوريوس اي نعم تخصصات طبية .. انا رايح تخصص طبي وبغير هندسة بعد سنة اللغة .. فيه كثير ناس غيروا تخصصاتهم .. لكن الله اعلم يوافقوا ولا لا مو متأكدين ١٠٠٪

٤/ الامتحانات:

*التحصيلي الي بالانقلش.. SAAT دا زيو زي العربي؟ + في له كتب ولا لا؟

ما عندي خبر عنه ولا معلومات تقدري تبحثي عنه ..

*ال SAT الامريكي..انا already عملت واحد.. حيفيدني في التقديم ولا لا؟ و كم لازم اجيب فيه ؟ و متى المفروض اختبره؟

اكيد حيفيدك بقبول الجامعة بس اعتقد انه لطلاب الماستر .. تأكدي

*اش احسن اختبر: توفل TOEFL ولا اليتس IELTS ؟ و في الاتنين كم لازم اجيب؟ و متى المفروض اختبره؟ علما باني اقدر اختبرهم الاتنين دحين

م تفرق التوفل لغة امريكية والايلس بريطانية .. تجيبي ع حسب الجامعة اللي تبيها كم تطلب .. اختبريه ف الصيفية افضل ..

٥/ مابا ادخل جامعة كل من هب و دب دخلها. ابغا جامعة على مستوى: اش الجامعات القوية في تخصصات الهندسة: chemical engineering, industrial engineering, biomedical engineering و العلوم الطبية؟

ادخلي على تصنيف شنقهاي او التصنيف الامريكي للجامعات وشوفي تفاصيل كل جامعة وترتيبها .. والاهم من ذا كله تكون الجامعة السنة الجاية متاحة لك من الوزارة ولالا

٦/ أفضل ولايات و مدن بالتحديد من ناحية:

*الجو (مو صقيع و بارد، أدور عالجو المعتدل الي شتاءه محتمل)

يلزمك تبحثي لأنك تتكلمي عن ٥٠ ولاية وداخل كل ولاية مدن متعددة ..

*الامان ثم الأمان ثم الأمان لاني بنت و طالعة باكالاريوس باذن الله (ملاحظة بابا او اخوية حيكونو معايا)

ادخلي على موقع .. Best places او city data .. فيها كل التصنيفات للامان او المعيشة او او او ...

*بابا حيتقاعد السنة الجاية لما اطلع سو.. الناحية المادية مرة حتكون مهمة.. أدور ولايات رخيصة او متوسطة (اهم شي اهم شييي قوة الجامعة الي فيها)

فيه ولايات كثيرة رخيصة .. غالبا الوالايات الجنوبية والوسطى هذي تكون رخيصة ..

٧/ شوفو من الاخر انا وحدة مستعجلة. ابا اخلص اوراقي و اطلع في اقرب وقت ممكن. اش الأشياء الي أسويها الي ممكن تعجل سفري؟ قصدي اذا امتحانات او اي شي كدا ممكن يسهل و يسرع طلعتي.

ولا شيء تنتظري لين تفتح المرحلة الحادي عشر في شهر رمضان اظن بعد م تتخرجي من الثانوي ..

٨/ التأمين الطبي موجود صح؟

اي نعم موجود وعلى حساب الحكومة ..

و الله الي يجاوبني رح ادعيله من كل قلبي و الله يا عالم نفسي بالي شوية يهدى و انام الله يسعدكم و يوفقكم الي يجاوب يجاوب بالتفصيل الملل على كل شي و شكرًا من قلبي مقدما

هل فيه احد قبله معهد باوريغون لان او مغلقه لان انا قدمت على معهد موجود بسفير لان كوميونتي وكاتبين بموقع المعهد الملحقيه رافضه القبول ؟! هل فيه احد قبلوه باي معهد باوريغون من المرحله العاشره؟