إصدار قرار الإبتعاث واستفسارات [ المرحلة العاشرة ] ( 10 )

الكشف الطبي للدول الأوربية فقط ..

لا يشمل المبتعثين إلى أمريكـا

دوبي سجلت في الموقع و مو عارفة فين اسال و فين اكتب المهم بسأل هنا و حتى مو عارفة كيف حيجي الرد. المهم..

و الله الي يجاوبني رح ادعيله من كل قلبي و الله يا عالم نفسي بالي شوية يهدى و انام الله يسعدكم و يوفقكم الي يجاوب يجاوب بالتفصيل الملل على كل شي و شكرًا من قلبي مقدما

انا طالبة ٣ ثانوي الحمد لله رب العالمين اللغة عندي ما يحتاج و دارسة في مدرسة انترناشونال من ٦ ابتدائي

الزبدة اني كل ما اقرأ عن الابتعاث يقولو اول سنة لغة لغة لغة. طيب انا مابا أضيع سنة عالفاضي! ابدخل جامعة على طول كيف ممكن أسوي كدا



و هاذي شوية أسئلة أتمنى من كل قلبي الاقي رد لاني اقسم بالله ما انام الليل من كتر التفكير..

١/ المكافئة ليا و للمحرم تكفي و لا لا؟ للعلم اني اقدر أمسك نفسي و انظم أموري المالية
على حسب الشخص و الولاية اللي أنتي رايحتها

٢/ فين اقدم عالابتعاث؟ كيف اقدم؟ متى اقدم؟ كم تاخد الاجرائات؟ متى اسافر و ابدا دراسة
؟

من موقع سفير التقديم .. المرحلة العاشرة كان في شهر شوال .. إجرائات المرحلة العاشرة أخذت ٥ أول موعد متاح لإصدار القرار كان في شهر ربيع الأول
٣/ المرحلة العاشرة كلها تخصصات طبية و كل الي اعرفهم طالعين هندسات ! كيف يغيرو التخصص لانو انا ممكن ادخل هندسات لسا ما قررت + هل هي صعبة ولا لا (حكاية تغيير التخصص)

نعم التخصصات جميعها طبية للمرحلة العاشرة في طلاب يسجلون احياء أو كيمياء أو فيزياء في مرحلة اللغة يجيبون قبول في الهندسة و يغيرونه تالي من الملحقية
٤/ الامتحانات:

*التحصيلي الي بالانقلش.. SAAT دا زيو زي العربي؟ + في له كتب ولا لا؟

ما بعرف ._.
ال SAT الامريكي..انا already عملت واحد.. حيفيدني في التقديم ولا لا؟ و كم لازم اجيب فيه ؟ و متى المفروض اختبره؟
كمان ما بعرف :"(
اش احسن اختبر: توفل TOEFL ولا اليتس IELTS ؟ و في الاتنين كم لازم اجيب؟ و متى المفروض اختبره؟ علما باني اقدر اختبرهم الاتنين دحين

نفس الشيء تقريباً بس في أمريكا مو كل الجامعات تقبل الآيلتس في الآيلتس معظم الجامعات تقبل ٥ للبكالوريوس بس اذا تبي جامعة قوية لازم تجيبي ٦.٥ أو أكثر
٥/ مابا ادخل جامعة كل من هب و دب دخلها. ابغا جامعة على مستوى: اش الجامعات القوية في تخصصات الهندسة: chemical engineering, industrial engineering, biomedical engineering و العلوم الطبية؟

تقدري تعرفينها من تصنيف شنغهاي

٦/ أفضل ولايات و مدن بالتحديد من ناحية:

*الجو (مو صقيع و بارد، أدور عالجو المعتدل الي شتاءه محتمل)

شوفي موقع city data
الامان ثم الأمان ثم الأمان لاني بنت و طالعة باكالاريوس باذن الله (ملاحظة بابا او اخوية حيكونو معايا)
نفس الشيء موقع city data يفي بالغرض
بابا حيتقاعد السنة الجاية لما اطلع سو.. الناحية المادية مرة حتكون مهمة.. أدور ولايات رخيصة او متوسطة (اهم شي اهم شييي قوة الجامعة الي فيها)

ولاية آلاباما رخيصة و فيها جامعات قوية أغلى مدينة شفتها مدينة بوسطن في ولاية ماساشوستس
٧/ شوفو من الاخر انا وحدة مستعجلة. ابا اخلص اوراقي و اطلع في اقرب وقت ممكن. اش الأشياء الي أسويها الي ممكن تعجل سفري؟ قصدي اذا امتحانات او اي شي كدا ممكن يسهل و يسرع طلعتي.

امتحان الآيلتس أو التوفل هذا اللي أعرفه

٨/ التأمين الطبي موجود صح؟

موجود و لله الحمد
و الله الي يجاوبني رح ادعيله من كل قلبي و الله يا عالم نفسي بالي شوية يهدى و انام الله يسعدكم و يوفقكم الي يجاوب يجاوب بالتفصيل الملل على كل شي و شكرًا من قلبي مقدما

بالنسبه لتغير التخصص
في خانه مكتوب فيها
الدرجة العلمية:

ممكن اعرف شنو اكتب فيها مع العلم اتي خريجة ثانوية

ارجو منكم الاجابه