إصدار قرار الإبتعاث واستفسارات [ المرحلة العاشرة ] ( 10 )

موضح كل شي يخص فتح الملف والاجراءات قبل وبعد اصدار قرار الابتعاث والوصول وخلافه .. مكتوب ومشروح بشكل جيد في المواضيع المتخلفه في هذا المنتدى
برنت الاحوال هو للمرافق ...ايضا ان كان المرافق بسن دراسي ببكالوريوس فالملحقيه ما تطلبه منطقيا

الافاده تكون بمشاركتك وردك على استفسارت الاعضاء لانك مريتي بتجربة للتو ومنها تفيدينهم
وموفقه وشكرا لك

كان عندي ذا الاستفسار من قبل
قالوا لي البعض ان تقدري تطلبي الخدمة في الموقع وتروحي وكالة البعثات في الرياض ويصدروه لك ان شاء الله
بالتوفيق .. وقول لنا وش يصير معك

عند اصدار القرار لازم الورقة اللي المرافق بيطلب فيها الاجازة من العمل ، وبعد اصدار قرار الابتعاث تاخدو الاجازة الاصلية حيكون مكتوب فيها مدة البعثة

السلام عليكم و رحمة الله و بركاته .. من زممان عنكم انشغلت بامور السفر المهم حابه اقولكم كم شغله مهمه .. قبل السفر كنت ناويه اسافر قبل بداية دراستي بثلاث ايام كحد اقصى و الحمدلله اني ما سويت كذا .. اضطريت اني اساافر قبل معهدي باسبوع عشان السكن خفت يروح علي المهم اني بقول لازم اي احد بيسافر لازم يسافر قبل مدة دراسته تقريبا باسبوع كحد ادنى و خاصة اذا ما كان يعرف احد بالمدينه اللي رايحلها عشان يمديه يعرف طريق معهده او جامعته و يستقرر و يعرف النظام الجديد اللي بيعيش فييه و اهم شي لحد يسافر و هو ما حجز السكن حقه نصصصصصصصيحه السكن اهم شي و ثاني شي قد ما تقدر انك تتعرف على ناس يدرسون بنفس مدينتك عشان لما توصل ما تضيع و يساعدوونك لانك لوحدك اكيد راح تلاقي صعوبه .. الحمدلله انا اللحين بايرلندا و استقريت و فتحت ملف و الله يسهل للجميع .. فيه نقطه حبيت اوضحها اللي هو برنت الاحوال للمحرم طبعا ما دريت عنه الا قبل ما اسافر بيوم و ارسلت هنا اسال عنه و للاسف ما لقيت و لا اجابه سافرت و وصلت و رحت للملحقيه و الحمدلله ما طلبوه و لا شي و فتحت الملف بدون اي صعوبه طبعا انا ارفقت الاوراق المطلوبه من قبل اسافر و كملت فتح الملف بالملحقيه هنا بايرلندا كمان فيه شغله واجهتني بمطار جده انو طلبونا تصاريح للسفر لي و لاخوي قالوا انتم ما تسافرون ما معاكم تصاريح بغيت انجلط اش التصاريح هذي اللي طلعت اللحين المهم قالوا روحوا مكتب الضابط و تفاهموا معاه قال الضابط لازم يحضر ابوك قلتله معاي صح وكاله قال لازم تصريح من ولي امرك للسفر لك و لاخوك المهم الحمدلله الضابط كان طيب و كلم ابوي بالجوال و اخذ حسابه ابوي بابشر و طلع لنا التصاريح و احنا واقفين يعني لا تنسون سالفة التصاريح و الله يسهل للجميع اتمنى من المشرفين اضافة موضوعي عشان الكل يستفيد او على الاقل يضيفون هرجة التصاريح عشان لحد يتورط .... اللي بدبلن وينكم خلونا نتقابل او يمكن نطلع بنفس المعهد .. و بس هذا كل اللي صار اتمنى اني نفعت احد

يا جماعة ضروري ناخذ الشهادة من الرياض ؟
مافي طريقة ثانية ؟ يرسلوها بالبريد أو شي ثاني
لازم يعني تستلمها بنفسك ؟