إصدار قرار الإبتعاث واستفسارات [ المرحلة العاشرة ] ( 10 )

حكومي - وزارة الصحة

السلام عليكم

أنا حالياً فأمريكا مع الوالده للعلاج

هل أستطيع إصدار القرار وأنا متواجده فأمريكا

ولا لازم أرجع بعدين أصدر القرار ؟؟

وجزاكم الله كل خير ~

عذرا اخوتي بس هل فيه مراحل بعد المرحلة العاشرة يعني استمر اجمع فلوس

وعليكم السلام ورحمة الله وبركاته
حياك الله ..

ياليت تراجعون هذا الموضوع قبل كتابة أي موضوع:
قوانين كتابة المواضيع و المشاركة في منتدى مُبتعث
لأن عنوان الموضوع للأسف غير مناسب .. الأمر الآخر يوجد موضوع بخصوص إستفسارك !!
لذا, يعتبر مُكرر !!

ياليت تراجعون المواضيع الموجوده مسبقًا قبل كتابة أي موضوع حتى تعم الفائدة للجميع:
http://www.mbt3th.us/vb/forum203/thread463091.html

بالتوفيق ,

الله يسعدككككك قول آمين
وربي ريحتني



طيب انا اللي سألتهم يقولون الالتحاق بالبعثه صعععب !!!!
يقولون اذا قبلوك تروح على حسابك وبعدين تلتحق !!

يبون يحطموني ؟؟؟
او م عندهم معلومات ؟؟
او ايش السالفة ؟



طيب اخوووي
لو قبلوني ان شاء الله راح ادرس على حسابهم على طووول ؟ من اول يوم ؟

طبعا انا رايح ادرس جامعة او لغة فقط ..
مو طب ولا هندسة ....إلخ


ولو م درست كويس لا سمح الله وش يصير ؟
يرجعوني او استمر بالدراسة ؟

آآآخر سؤال ..

اذا كانت درجاتي عاليه اللي هي الثانوي والقياس ..
راح يقبلوني على طول ؟ م فيه اي شيء يعيق الابتعاث ؟؟



انتضر ردك ..

- - - مشاركة محدثة - - -

لا يا اخووووي

مو حالم


انا اتمنى اتعلم اللغة بالشكل الصحيح والسليم
واذا طلعت برا راح اتعلم اكثر بعد توفيق الله


يعني مجرد امنيه
واتمنى تتحقق ..

اذا توافرت فيك الشروط تنقبل على طول في البرنامج وعلى حساب الوزاره كل حاحه حتى الفيزا اللي تاخذها من هنا وتدفع فلوسها بيدفعوها لك اذا رحت اللهم بس السكن الوزاره مو متكفله فيه

انت متلخبط في معلوماتك
تقديم على البرنامج وقبولك لانك مستوفي الشروط شي وهذا يعتبر زي حالتنا المرحله العاشره والمرحله القادمه 11

والحاقك شي اخر الالحاق هو حق اللي ماتحققت شروط البرنامج عليه ورفضوه يروح على حسابه الخاص ويطلب الحاق بالبعثه

اتمنى فهمت الفرق بين المصطلحات
بالنسبه للدراسه هم يبتعثوك على اساس انك تدرس لغه وبعدها جامعه
ثاني حاجه بالنسبه للمستوى يااخي خلك طموح وقول انا اقدر
اذا ماجبت درجات لك فرصتين او اكثر بالضبط ماعرف المهم يعطوك كورس زياده ترفع فيه معدلك
المهم انك تتخرج بمعدل عالي ماتسوى عليك ابتعاث وغربه وحالتك حاله وبالاخير تنجح في مقبول وكثير راحو ورجعوا معدلهم مقبول كذا حرام ضيع سنوات عمره على الفاضي وضاع مستقبله مين بيوظفك في مقبول هنا امتياز وماحصلوا وظايف لكن ربك يرزقك ان شاء الله
انت الحين خايف من شرط العمر والنسبه والقدرات وكل هذا الشروط منطبقه عليك وباذن الله المرحله القادمه تنقبل فيها اذا ماتغيرت الشروط وتروح على حساب الوزاره
وماتحتاج للالتحاق انك تسافر برى وتطلب التحاق المعلومه هذي صحيحه لو كانت عندك خلل في الشروط ورفضوك المرحله القادمه وانت مصر على الابتعاث اعمل كذا
لكن انا اقولك ماتحتاج الشي هذا الا اذا ماتقدر تستنى المرحله الجايه وبتطلع الحين الشهور القادمه ذي

وبما ان دراستك انقلش كمل فيها حتى تختصر على نفسك مرحله اللغه وطول الفتره هذي اختبر ايلتس او توفل الايلتس اسهل طبعا
حتى تكون مستعد اذا فتحت المرحله القادمه
اتمنى انك اطلعت على الشروط والتخصصات موجوده في خانه السنه العاشره موقع وزاره التعليم العالي



بالتوفيق يارب

أولاً؛ مافيه قبول في المرحلة العاشرة، لان انتهى التسجيل فيها !

ثانياً؛ الإلحاق بالبعثة ( أن تدرس على حسابك الخاص فترة ثم تطلب الالتحاق بالبعثة ) له شروط ! ليس عشوائياً 😃 في الأسفل الشروط ؛
http://www.mohe.gov.sa/ar/studyaboar...t-Mission.aspx

ثالثاً؛ (( طبعا انا رايح ادرس جامعة او لغة فقط ..
مو طب ولا هندسة ....إلخ ))
لم أفهم ماتقصد !
من شروط الابتعاث التابع لبرنامج الملك عبد الله - رحمه الله- أن تدرس تخصص موصى به.. يعني ذلك استحالة وغير منطقي أن تبتعث لأجل اللغة فحسب !

رابعاً ؛ فرضية ان لو مادرست كما يجب ! ماعندي علم فيها للأمانة.. ( لكن الملحقية تتابع سجل درجاتك بشكل دوري ) هذا ماأخبرونا فيه وقت الملتقيات ..

خامساً ؛ الابتعاث له شروط أخرى إضافة إلى الدرجات النهائية ( ثالث ثانوي + قياس لدرجة البكالوريوس ) ، إذا استوفيتها كاملة ! بإذن الله مافيه شيء يعيق الابتعاث ! لأنه برنامج ضمن شروط ومواصفات وليس عشوائياً.!!!

اتمنى أني قد افدتك.. بالنسبة للمعلومات تستطيع التأكد منها من موقع وزارة التعليم - التعليم العالي في حال الشك !

موفق ..

 المشاركة الأصلية كتبت بواسطة norah.h

اذا توافرت فيك الشروط تنقبل على طول في البرنامج وعلى حساب الوزاره كل حاحه حتى الفيزا اللي تاخذها من هنا وتدفع فلوسها بيدفعوها لك اذا رحت اللهم بس السكن الوزاره مو متكفله فيه

انت متلخبط في معلوماتك
تقديم على البرنامج وقبولك لانك مستوفي الشروط شي وهذا يعتبر زي حالتنا المرحله العاشره والمرحله القادمه 11

والحاقك شي اخر الالحاق هو حق اللي ماتحققت شروط البرنامج عليه ورفضوه يروح على حسابه الخاص ويطلب الحاق بالبعثه

اتمنى فهمت الفرق بين المصطلحات
بالنسبه للدراسه هم يبتعثوك على اساس انك تدرس لغه وبعدها جامعه
ثاني حاجه بالنسبه للمستوى يااخي خلك طموح وقول انا اقدر
اذا ماجبت درجات لك فرصتين او اكثر بالضبط ماعرف المهم يعطوك كورس زياده ترفع فيه معدلك
المهم انك تتخرج بمعدل عالي ماتسوى عليك ابتعاث وغربه وحالتك حاله وبالاخير تنجح في مقبول وكثير راحو ورجعوا معدلهم مقبول كذا حرام ضيع سنوات عمره على الفاضي وضاع مستقبله مين بيوظفك في مقبول هنا امتياز وماحصلوا وظايف لكن ربك يرزقك ان شاء الله
انت الحين خايف من شرط العمر والنسبه والقدرات وكل هذا الشروط منطبقه عليك وباذن الله المرحله القادمه تنقبل فيها اذا ماتغيرت الشروط وتروح على حساب الوزاره
وماتحتاج للالتحاق انك تسافر برى وتطلب التحاق المعلومه هذي صحيحه لو كانت عندك خلل في الشروط ورفضوك المرحله القادمه وانت مصر على الابتعاث اعمل كذا
لكن انا اقولك ماتحتاج الشي هذا الا اذا ماتقدر تستنى المرحله الجايه وبتطلع الحين الشهور القادمه ذي

وبما ان دراستك انقلش كمل فيها حتى تختصر على نفسك مرحله اللغه وطول الفتره هذي اختبر ايلتس او توفل الايلتس اسهل طبعا
حتى تكون مستعد اذا فتحت المرحله القادمه
اتمنى انك اطلعت على الشروط والتخصصات موجوده في خانه السنه العاشره موقع وزاره التعليم العالي



بالتوفيق يارب

ششششششكرا لك اختي

الحين عرفت الفرق بين الابتعاث والالتحاق ..
وبالنسبة للمستوى مستواي ان شاء الله كويس ... لكن انا اسأل فقط .... عشان آخذ معلومة

انا عاد اكمل دراستي هنا بما ان تخصصي انقلش

لكن انا اقول هناك افضل
عشان اختلط بأهل اللغة واتكلم اللغة كل وقت



الله يسهل الامور ان شاء الله وابتعث ..

شكككرا لم مرة آخرى

 المشاركة الأصلية كتبت بواسطة manal1992

أولاً؛ مافيه قبول في المرحلة العاشرة، لان انتهى التسجيل فيها !

ثانياً؛ الإلحاق بالبعثة ( أن تدرس على حسابك الخاص فترة ثم تطلب الالتحاق بالبعثة ) له شروط ! ليس عشوائياً �� في الأسفل الشروط ؛
ط¶ظˆط§ط¨ط· ط§ظ„ط¥ظ„ط*ط§ظ‚ ط¨ط§ظ„ط¨ط¹ط«ط©

ثالثاً؛ (( طبعا انا رايح ادرس جامعة او لغة فقط ..
مو طب ولا هندسة ....إلخ ))
لم أفهم ماتقصد !
من شروط الابتعاث التابع لبرنامج الملك عبد الله - رحمه الله- أن تدرس تخصص موصى به.. يعني ذلك استحالة وغير منطقي أن تبتعث لأجل اللغة فحسب !

رابعاً ؛ فرضية ان لو مادرست كما يجب ! ماعندي علم فيها للأمانة.. ( لكن الملحقية تتابع سجل درجاتك بشكل دوري ) هذا ماأخبرونا فيه وقت الملتقيات ..

خامساً ؛ الابتعاث له شروط أخرى إضافة إلى الدرجات النهائية ( ثالث ثانوي + قياس لدرجة البكالوريوس ) ، إذا استوفيتها كاملة ! بإذن الله مافيه شيء يعيق الابتعاث ! لأنه برنامج ضمن شروط ومواصفات وليس عشوائياً.!!!

اتمنى أني قد افدتك.. بالنسبة للمعلومات تستطيع التأكد منها من موقع وزارة التعليم - التعليم العالي في حال الشك !

موفق ..

شككككرا لك اختي على الرد

انا اعرف ان القبول للمرحلة العاشرة خلاص انتهى .. لكن بسأل عشان اسجل بالمرحلة القادمة ان شاء الله
بالنسبة للألتحاق انا ما ابي التحق ..! ابي ابتعث على طول على حساب الدولة

انا اقصد بكلامي هذا (( طبعا انا رايح ادرس جامعة او لغة فقط ..
مو طب ولا هندسة ....إلخ ))

اقصد انا بروح ادرس للغة فقط ..

الحين انا ادرس جامعة تخصص انجليزي اول سنة ..
كيف اختار التخصص لما ابتعث ؟؟ وانا ادرس تخصص انجليزي ؟

يعني يحطون تخصصات واختار منها او كيف ؟؟

وانتي وش تقصدين ب (( تخصص موصى به )) يعني اختار تخصص الآن ؟ او لازم شهادة للتخص او ايش بالضبط ؟؟

يعني لازم طب ؟؟؟ او هندسة ؟؟ او او او ؟؟؟



اقرب مثال على حالي الآن ....!

انا طالب جامعي اول سنة
ابي ابتعث للخارج

شلوووون ؟ ايش اقولهم تخصصي ؟؟؟؟ ااقول ( طالب جامعي تخصصي انجليزي ) او ايش ؟؟


اتمنى م طولت عليك

وانتضر الرد

العفو .. ولو الناس للناس والكل بالله 😊..

إذا كنت ترغب بالابتعاث على حساب الدولة مباشرة؛ ف عندك المرحلة الحادية عشرة .. انتظرها واذا كنت مستوفي شروطها اعتبر نفسك مقبول بإذن الله .. شروطها مشابهة للمرحلة العاشرة والمراحل السابقة ..

ثم أنه مافيه ابتعاث للغة فقط !
إليك خطوات لترتيب أفكارك :

١- يجب أن تحدد تخصص أنت ترغب فيه.
٢- تنظر لشروط المرحلة الخاصة بالابتعاث، هل تخصصك مطلوب من ضمنها ؟
إذا نعم، أكمل للخطوة التالية.
إذا لا، يعني أنك لا تستطيع التسجيل في البرنامج.
٣- تسجل في البرنامج، بحكم أنك مستوفي الشروط .
٤- تستعد للبحث عن جامعة أو معهد .. وتكمل اجراءات ابتعاثك ..

سؤالك عن ماهية التخصص الموصى به !
يعني أن يكون التخصص الذي أنت تريد دراسته موجود ضمن قائمة حددتها الوزارة مسبقاً .. وكل مرحلة تختلف عما قبلها من ناحية التخصصات..
مثال :
المرحلة العاشرة ، حددت الوزارة مجموعة تخصصات لكل من البكالوريوس - الماجستير - الدكتوراة - زمالة - الزمالة الطبية

هذا رابط يوضح التخصصات المطلوبة للمرحلة العاشرة ؛
http://www.mohe.gov.sa/ar/studyaboar...S10Majors.aspx

لو فرضاً حددت تخصص تصوير فوتوغرافي .. وحبيت تدرسه !!! تشوف هل هو موجود ضمن القائمة ام لا .. اذا موجود يعني ذلك قبولك..
ليس موجود ! يعني انك ماستوفيت شرط !

أخيرا؛ كونك طالب جامعي ! أنت في أول سنة الآن؟ يعني أخر شهادة معك ( شهادة الثانوية العامة) .. ولو حبيت تسجل في المرحلة القادمة ! بيطلبون آخر مؤهل دراسي معك .. وآخر مؤهل هو الثانوية ! وليس مؤهل جامعي لأنك لسى طالب ماتخرجت ! ف تسجيلك في المرحلة القادمة بيحسبون لك الثانوية فقط ؛ ماراح تستفيد من دراستك الجامعية الآن ! ..

اتمنى ان تصل المعلومة .. موفق