إصدار قرار الإبتعاث واستفسارات [ المرحلة العاشرة ] ( 10 )

الحين حاولت اصدر القرار وقوبل بالرفض من الموظف انا مرفقه صك الوكالة ورفض الطلب وطلب صك حصر الورثه ؟ مادري يعني وش الفايده منه !
انا قبل مااطلع الوكالة كاتب العدل طلب كل هالأشياء عشان يصدر الصك ليش التعقيد وللحين انتظر الرد منهم
دعواتكم

السلام عليكم

أنا قدمت عالمعهد الحمدلله و تم قبولي , بس الان ابغى أأجل البعثة !!
بس ما لقيت في الموقع أيقونة تأجيل , هل معناه إني ماقدر أأجل ؟؟ و بإنتهاء المرحلة تتلغي بعثتي ؟

و شكرا جزيلا ..

وعليكم السلام

ماراح تلاقين ايقونه لانه عدم سعيك لانهاء باقي الاجراءات من فيزا وتذاكر واصدار قرار يعتبر تأجيل من قبلك
نعم بانتهاء المرحله تنلغي البعثه
لذلك قبل لاتنتهي المرحله اسعي لانهاء باقي الاجراءات وتذكري انه قرار الابتعاث مدته 3 اشهر من تاريخ اصدارك له وبعد كذا ينتهي .
العفو .

ألسلام عليكم ورحمة الله وبركاتة
أعضاء المنتدى المحترم أنا لدي مشكلة معقدددددددة جدااا جداااا حاليا أرجوكم أريد حل وإجابة شافية

أنا خريج بكالوريوس PHYSICAL THERAPY علاج طبيعي وقدمت ع جامعة CONCORDIA UNIVERSITY WISCONSIN ماستر في REHABILITATION SCIENCE اللي هو إعادة التأهيل وهذا الماجستير مخصص لأخصائيين العلاج الطبيعي مثلي أو أخصائيين العلاج الوظيفي طبعا أنا لما طلبت الضمان المالي جامعتي من ضمن الجامعات المعتمدة ولذلك وافقوا وأرسلوا لي الضمان قدمت وإنقبلت وجاني ال I-20 وقدمت ع السفارة وإنقبلت وإستلمت الجواز والتأشيرة ومكتوب في التأشيرة إسم الجامعة الخلاصة إني يوم طلبت إصدار قرار الإبتعاث قوبل بالرفض والسبب (( عدم الموافقة عليك احضار قبول لغة فقط او احضار قبول اكاديمي في تخصص ( physical therap ) مشروط بلغة من احد الجامعات المتميزه في المرحلة العاشرة )) والمشكلة عندما بحثت عن الجامعات المتميزه في تخصصات الطب والصيدلة والعلوم الطبية في موقع الوزارة لم أجد إسم جامعتي فأرسلت لهم إيميل أن الماستر اللي مقدم عليه هو فرع من تخصصي وما إلى ذلك المهم ألحين وش أسوي هل لو غيرت الجامعة وقدمت على معهد فقط للغه سيرسلون المعهد I-20 جديد لي والتأشيره عندي مكتوب فيها إسم الجامعة مااااااا ادرررري كييييييييف النظام أرجووووكم موضوعي جدا معقد ي ليت أحد يفيدني فيه ولكم جزيل الشكررر

نصيحة اخويه لو انك في الرياض انقز لوكالة البعثات وبتنهي امرك بأذن الله واشرحلهم موضوعك وان شاء الله تتيسر

السلام عليكم
استخرجت فيزا كنديه للدراسه ومكتوب في مدتها 6 اشهر فقط هل هي صحيحه؟

أوكي, انت جبت العيد عشان اكون صريح معاك (لدرجة أني صفعت وجهي وانا أقرأ), المفروض تبحث بحث مكثف قبل ما تلتزم بشي بذي الاهمية فمهنتك.

عندك مشكلتين:
1- مشكلة مسمى التخصص, اذا انت واثق ان ال Rehabilitation Science فرع من ال Physical Therapy, اذاً هذي مشكلة سهلة وتحتاج تواصل بسيط مع جامعتك عشان يغيرولك خطاب الى قبول في Physical Therapy (بس الخطاب عشان الوزارة تطلعلك قرار الابتعاث).

2- جامعتك, هذي المشكلة الي انت من جد لازم تقلق بشأنها, جامعتك Concordia University Wisconsin ماهي في قائمة الجامعات المتميزة (ليش؟ لانها جامعة ماهي مصنفة, يعني حتى ترتيب على امريكا ماعندها, وتراها جامعة متدينة. نصيحة: 100% ابعد عن الجامعات المتدينة اذا ودك جودة تعليم, جامعة الملك عبدالعزيز ولا سعود احسنلك اذا بتبتعث لذي), مايمديك تقدم الا على الجامعات من قائمة الجامعات المتميزة, المفروض تكون عارف ذا الشي من الملتقى. جزء من الغلط على الوزارة لانهم وافقولك على ضمان مالي لجامعة ماهي من القائمة.

طيب ايش تسوي الحين ؟
-أمسك قائمة الجامعات المتميزة, ودورلك فيها على جامعة ثانية يكون تاريخ التسجيل فيها لفصل الـFall 2015 باقي متاح.
اختار الجامعة الي تناسبك , هذي قائمة أفضل برامج الPhysical Therapy في أمريكا, اختار جامعة من القائمة ذي, وبعدين اتاكد اذا هي موجودة فقائمة الجامعات المتميزة عشان لاتغلط الغلطة مرتين. لما تلقا الجامعة الي تناسبك اتسجل فيها, ولما تنقبل فيها كمل الاجراءات الطبيعية للابتعاث. أعتقد بتضطر تلغي فيزتك وتطلع فيزا جديدة لان الفيزا حقك عليها اسم جامعتك, ما اعرف ايش هي الاجراءات حق الفيزا لما تغير الجامعة, اتواصل مع السفارة عشان تعرف وش تسوي (عندك خدمة ارسال ايميل للسفارة الامريكية في سفير التقديم).

-في حالة حظك كان سيئ و طلع ان كل الجامعات لفصل Fall 2015 انتها التسجيل فيها, حاول شوف اذا يمديك تقدم على فصل الـ Spring 2016.
نفس الكلام, حاليا محد متاكد متى المرحلة العاشرة بتنتهي, لكن اذا بتنتهي على سبتمبر انسا سالفة التقديم على Spring 2016, اما اذا حظك كويس والمرحلة طلعت بتنتهي على اخر السنة (زي المرحلة التاسعة) اذا كل ماعليك هو انك بتضطر تصدر قرار الابتعاث حوالي شهرين او شهر ونص قبل بداية الدراسة (1-10 يناير).

-اذا ولا شي ممكن من الي ذكرته ولسا ودك تبتعث, اذا جهز نفسك للمرحلة الحادية عشر من الابتعاث.

والله يعينك

السلام عليكم عندي استفسار
محرمي موظف اهلي وهوا بيتقاعد شهر اوكتوبر طبعا حقي المعهد السمستر يبدا يا جون او اكتوبر واكتوبر بيكون بالسنه الجديده الي هوا شهر محرم ما اعرف لو بلحق على البعثه او لا رحت كلمت الوزاره وقلتلهم قالولي خليه يجيب استثنائي اربعه سنين عملو قالو مافي استثنائي الا سته شهور فسالت الوزاره من جديد عادي اكمل ل اكتوبر واسافر لانو بيكون تقاعد بشهر اكتوبر طبعا مافي اجابه زي الثانيه ومافي احد قال انو ايوا عادي او لا ايش اسوي ذحين؟

انا دراستي بجولاي ٧ اصدر قرار الابتعاث الحين ؟!

تاريخ دراستك بعد شهرين واربع أيام, صلاحية اصدار قرار الابتعاث 3 شهور, يمديك تصدر قرار الابتعاث الحين.
أنا دراستي تبدا 1 جولاي وقرار ابتعاثي أصدر اليوم.