إصدار قرار الإبتعاث واستفسارات [ المرحلة العاشرة ] ( 10 )

انا عارفة انو كابلن بس الضمان المالي اللي اعطوني اياه بعد الملتقى ضمان اكاديمي وليس لغه ف احتاج ضمان لغه عشان اقدر اقدم في كابلن ومو راضين يقبلو طلبي

السلام عليكم ورحمة الله
أولا حابه اعرف اذا أحد عنده خلفيه كيف أقدر أأجل البعثه أنا طلبت الضمان وجاني بس ماراسلت المعهد ولاكملت لأن زوجي حاليا مايقدر يطلع معاي وجاتني الرساله بسرعة اكمال الاجراءات وماني عارفه ايش اسوي لأنه مافي خيار في الخدمات الإلكترونيه لتأجيل البعثه ولمن بحثت عن التأجيل قريت انه لازم اكون مطلعه قرار الإبتعاث عشان أقدر أأجل هل هذا الكلام صحيح؟
ثانيا بالنسبه لزوجي هو عسكري وفي الفتره الحاليه صعب انه ياخذ اجازه، هوه لسى ماارسل طلب بالإجازه لإنه المفروض يرسل بعد ماأكون انا طلعت قرار الإبتعاث ويرفقه مع الطلب لكن احنا نبغى نستنى الفتره هذي حتى يهدأ الوضع في الدوام عنده وتتحسن ظروفنا كمان وأبدأ انا اكمل اجراءاتي عشان مااطلع الفيزا وكذا ونسبة انه ياخذ اجازه ضعيفه وبعدين اضطر أأجل الدراسه وكذا، سؤالي هنا لمن اروح اقدم طلب تأجيل هل يقبلون اجازة زوجي كعذر وبس والا يطلبون إثبات يعني خطاب من جهة العمل برفض الإجازه -لأنه عشان اجيب الخطاب لازم أكون طلعت قرار الإبتعاث زي ماقلت قبل وأنا ماودي أطلعه الحين- ؟
أرجو من يعرف أي معلومه لايبخل علي وأكون لكم من الشاكرين
وبالتوفيق للجميع يارب وعذرا عالإطاله

السلام عليكم
متى آخر موعد لاصدار قرار الابتعاث؟
انا دراستي تبدأ31 أوقست متى اصدر القرار؟؟

انا طلبت اصدار القرار قبل اربع ايام وللحين ماردوا علي ، ودراستي باقيلها ١٢ يوم وتبدأ وماني عارفه شسوي !!؟

السلام عليكم ..

حاب استفسر هل السجل التجارية والموسسة تؤثر على اصدار القرار ؟

لنو عند موسسة وعلى اسمي عمالة

يا اخوان انا عندي استفسار: انا مقبول للماجستير في المرحلة العاشرة وبما اني كنت مبتعث سابق للبكالوريوس فأنا غير مطالب بالإلتحاق بالمعهد, لكن احتاج اني ادخل واتدرب على اختبار GMAT او GRE من معهد كابلان.

السؤال الأول: كم الفترة المسموحة لي من الوزارة او الملحقية بالإلتحاق في هذا المعهد للتدريب في الإختبارات اعلاه؟ هل هي 6 شهور او 3 شهور فقط؟

السؤال الثاني: هل الوزارة تقوم بإصدار لي ضمان مالي موجه لهذا المعهد؟ ام متطلب اني ادفعه من حسابي الشخصي ثم اطالب بالتعويض؟؟

يعطيكم العافيه

السلام عليكم
هل احتاج الاي توني الاصل لما اقدم للفيزا ولا نسخه تكفي ؟

يكتفي بنسخه.. الأصل ضروري بالمطار ..

في ناس كثير هنا بالمنتدى قالوا انهم راحوا بالصوره وماقالوا لهم شي

السلام عليكم
حصلت على قبول من جامعة لدراسة الدكتوراة بدون الحصول على ضمان مالي من قبل الوزارة
لم احصل على ال I-20 وفيزا حتى الان
اريد اولا التأكد من قبل الوزراة هل توافق على الجامعة لانها ليست من الجامعات المتميزة
ما هي الخطوات الافضل اتبعها حتى اتأكد من قبول الوزارة لهذه الجامعة حتى اكمل اجراءات الفيزا وغيرها

مع الشكر