إصدار قرار الإبتعاث واستفسارات [ المرحلة العاشرة ] ( 10 )

أمور المقابلة أمور بسيطة، بالبداية: المقابلة عادي تكون بالإنجليزي أو العربي، فإذا كنتِ تبغي المقابلة تكون بالعربي فالموضوع جدًا عادي وسلس، ولاتحسبي عليه حُسبان
ثانيًا: نعم الأطفال مسموح لهم بالدخول
وبالنسبة لسؤالك الأخير: إذا أُصدرت الفيزا تستلميها من فرع أرامكس، وراح يرسلوا لك قبلاً برسالة لإستلامها

بالتوفيق

مالهم دخل بالمرافق اهم شي انه غير موظف واذا يدرس يكون متفرغ ب اعتذار او تاجيل من الجامعه
مرافقك يمكن بس يصير معه مشكله اذا يبي يكمل جامعه هناك
الافضل ياخذ ملفه من الجامعه يمكن يحصل هناك فرصه ويدرس
اهم شي جيبو ورقه تثبت الفصل + برنت الاحوال انه طالب عشان ينزل له المكافاه

كذا ماجاك على جنب في اليسار طباعه اضغطي عليها
اذا مافي انتظري الى نهايه اليوم يمكن ترسل ايميل

السلام عليكم
اخواني انا بعد ما جهزت كل شي من فيزا واصدار قرار ومرافقي اخوي رفضوا جهه عمله اعطائه اجازة عشان يروح معي .. لانه عسكري وبسبب اوضاع الحرب الحين فمنعوا
راح اوي بنفسه للوزارة واعطوه نموذج تغيير محرم ورفع الطلب من بعد العيد ع طول هالكلام والى يومكم ذا ولارد ومابقى شي ع تاريخ اغلاق القرارات .
حسبي الله ونعم الوكيل. اللي عنده حل يفيدني

الحل يا اختي انك تراسلين احد هالايميلات:

hsangari@mohe.gov.sa

hshussain@mohe.gov.sa


وارفعي طلب قرار جديد مع مستندات المحرم الجديده وخطاب سبب تغيير المحرم

ودت علي هالة اليوم، قالت ما ينفع تطلبين اصدار قرار جديد فيه شي اسمه معاملة تغيير محرم!

طلب مستندات المرافق و برنت الاحوال و ارسلت خطاب موجه لوكيل الوزارة .. بس مدري وش بيصير بعدها ؟ هل بيطولون متى بياخذ وقت مدري
غادة انتي ارسلتيلها الخطاب ولا طلبتي قرار جديد و طلعلك؟

و يااااااارب تتسهل الامور .. دعواتكم موعد الدراسة بعد شهر و ودي تتسهل و ارتاح اخلص كل شي من بدري

الحمد لله أصدر لي قرار الابتعاث عقبال البقية 🌷
بس سؤال ، هو ما المفروض يكون في أي ختم عالقرار أو توقيع ؟ لأنه ورقتي مو مختومة و لا موقع عليها

الحمدلله ومبروك عليك، وعلى موضوع التوقيع والختم على القرار، الكل أُصدر له القرار بدون توقيع أو ختم، فلاتحاتي، وبالتوفيق.

يا اخوان تم اصدار قرار ابتعاثي قبل اسبوع لكن حصلت على فرصه وظيفية مناسبة وابغى الغي البعثة فطلبت خدمة الغاء البعثه وحاولت ارفق خطاب موجه الى مدير الابتعاث لكن يطلع لي خطأ لا يمكنك الطلب بعد طباعة قرار الابتعث ... هل في مشكلة لو خليت الوضع على ما هو او لازم الغي البعثه ؟؟

اتوقع أن البعثة تعتبر لاغية إذا مرّ على إصدار قرار الإبتعاث ثلاثة أشهر بدون السفر، لكن إن شاء الله الباقي يفيدونك إذا كان موضوع إلغاء البعثة موضوع إلزامي أم لا، وبالتوفيق لك في الوظيفة إن شاء الله