شرح طريقة التقديم على السفارة الأمريكية - [ المرحلة العاشرة ] ( 10 )

صحيح الفيزا تاخذ لها حوالي اسبوعين من بعد المقابله ؟؟؟
ياليت اللي عنده خلفيه بهالخصوص يعلمني
لان موعد دراستي بنهاية اغسطس وموعدي بالسفاره ب5 من الشهر :/ :/ :/

لا ، تاخذ يومين ثلاث وتطلع اذا امورك تمام ، اذا عندك نقص تاخذ اسبوع ..

يعطيك الف عافيه

السلام عليكم
انا من الاشخاص اللى ضربت الارقام القياسيه بالانتظار طبعا موقابلتي كانت في 18 اغسطس 2014 اللى فات قبل سنه تقريبا وانا طالب فيزا سياحيه وابغى ادرس بمعهد دوره شهرين بساعات قليله طبعا القنصل بجده قالي فيزتك مقبوله وتاخد اسبوع الى اسبوعين وطبعا ماكنت اعرف بافلام التاخير ولادخلت منتديات عن المتاخرين والمتعطلين وبعد كلام القنصل اشتريت تذكره غير مسترجعه ب 8000 تقريبا لانه اجازتي محدده وراحت عليا على اساس كلام الامريكان سيف واسبوعين يعني بالكتير ...المهم ارسلت ايميل قبل يومين بانه طلبي له سنه تقريبا فردوا عليا اليوم يبغون مكان الولاده وصوره من جواز الوالد ...هل احد صار معه نفس الشي وكيف اتبث مكان الولاده وصورة جواز الوالد كيف ارسل صوره منه هل الجواز كامل ولا بس مكان الصوره ..وهل هدخل بفيلم اجراءات اداريه على الوالد بعد ؟؟؟؟؟؟؟؟؟؟

الله يكوون في عونك .. هذي الاجراءات تحصل لبعض الناس مالك الا الصبر
بس عموما هي اجراءات روتينيه وتدقيق يمكن بسبب سفراتك السابقه او معلومات دخلتها اثناء تعبئه الابلكيشن او تشابه اسماء

عموما بما انه ماطلبوا منك اثبات لمكان الميلاد فقط اذكر مكان ميلادك اين كان او ممكن تستخدم الهويه كاثبات
وبالنسبه لجواز الوالد فقط الصفحه الاولى من الجواز .. ووالدك ماله علاقه بالاجراءات اللي تحصل لك ولا تأثر عليه

فقط أبغى اتأكد، الضمان المالي إللي نحضره معانا يوم المقابلة للسفارة مختلف عن الضمان إللي إستخرجناه للمعهد، صح؟
الضمان المالي الخاص بالمقابلة نطلبه من "خدمة طلب إيميل للسفارة الأمريكية" وليس "خدمة طلب الضمان المالي" صح؟

لا غلط
نفس الضمان اللي طالبته قبل تجيبينه للسفاره
وخدمة طلب ايميل للسفاره الامريكه هذي الخدمه مانحتاجها دامك مقبوله في امريكا وماراح تستخدمينها

إذَا خدمة طلب إيميل للسفارة "الأمريكية" ما الفائدة منها؟

مامنها فايده ولا تستخدم اصلا

مشكورين جميعًا،
إنشغل بالي بهذه الخطوة لأنها كانت مذكورة بالموضوع كخطوة خامسة
لكن دام مامنها فايدة، فنأخذ منكم الكلام الأكيد، بالتوفيق لكم في تسهيل الأمور.