شرح طريقة التقديم على السفارة الأمريكية - [ المرحلة العاشرة ] ( 10 )

طيب ورقة dc-160 هاذي ايش!

DS-160 هو الابلكيشن اللي عبيتيه اون لاين

و

DS-160 confirmation هي ورقه التاكيد اللي فيها رقم الابلكيشن وصورتك والباركود

بالموعد بس تحتاجين ورقه التاكيد لا تطبعين الابلكيشن نفسه

اي هاذي موموجوده هي مع الايصال مع بعض مدبسه اظن وومالقيتها
بس ورقة الموعد موجوده !! الحل اللحين

مرحلة التدقيق اخذو صوره من الوثيقه مو الاصل .. مافيه اي جهه تاخذ منك الاصل تضل معاك
والسفاره ماتحتاج الشهاده

انا اخذت الاصل وطبق الاصل بالاخير ما اخذوها ولا حتى شافوها من بعيد

اذا رحت للسفاره اهم شيء يكون بيدك هالاشياء ودققي فيهن وانا اكتبهن لك

1- الجواز ( بدونه خلك ببيتكم )
2- الاي توني الاصلي اللي جاب من المعهد نفسه عن طريق الشحن ( سمعت انه الكوبي عادي يعني نسخه اللي وصلتك منهم بالايميل بس منب متأكد ولازم توقعين فيه بالخانه المخصصه للتوقيع )
3- رسوم سيفيس
4- ورقه سامبا الصفراء
555555- وانا ما كررت رقمممم 5 الا انه اهميته تجي بعد الجواز الا وهو نموذج ds-160

6666- وهذا يجي بعد الجواز والدي 160 من ناحيه الاهميه واللي هي ورقه الموعد او حجز الموعد

اشياء اخرى تاخذها معك للاحتياط الوثيقه والسجل عادي يكون طبق الاصل بس خذ الاصل مانتب ناقص او ناقصه مشاكل هناك




اول ما تدخل حي السفارات ثم السفاره للامريكيه تعال قبل موعدك بنص ساعه لانك بتاخذ طابور وكل ما تأخرت تراك بتاخذ رقم بعيد وبكذا بتتأخر ' بعد ما تصف بالطابور بتقعد 20 دقيقه لين يدخلونكم واحد واحد الجوال والمفاتيح وكل شيء ما عدا فلوسك حطهن بالموتر ' بعدها لما يعطيك رقم بتجلسين مع العالم وتشوفين شاشه فوق يعلمك اي رقم واصل وكل رقم ياصل يعلمكم اي كاونتر لازم يروح يعني انتي 10 تشوفين بالشاشه رقمك وجنبه كاونتر 1 او 2 الخ ثم تروح للكاونتر وتطلب او يطلب منك اي توني وجوازك ونموذج دي اس 160 ويحطهن بمجلد معين لا تحركه ابد ' بعدها بتجلسين وتنتظرين نص ساعه لين يبدون يدخلونكم للقنصليين عشان يقابلونكم حسب الارقام اللي اخذتوها اول شيء طبعا المقابله ما تاخذ 50 ثانيه حتى جاوبه بدون فلسفه وامش طبعا بياخذ منك اول شيء المجلد اللي صفصفته لك ذيك الموظفه او الموظف وبس وتطلعين

طبعا احب انوه انه لما تكونين بالطابور اول ما تجون عادي يكون معك اغراضك هم يحفظونها لك لين تطلعين طبعا بتقابلين وحده بالشباك بتاخذ منك الموعد والنموذج والجواز ثم تصفطهن يشكل معين وتدخلين وراح تقابلين لبنانيه بتاخذ منك ذولي وتدخل البيانات ثم خلاص تنتظرين الكاونتر يجي رقمك بالشاشه


الموضوع ترى بسيط كأنك بنزهه وهناك بيعلمونكم التعليمات مافيه شيء مبهم ابد واخيرا الفيزا ما تاخذ شغل يوم يومين الا وهم داقين عليك ارامكس عشان تستلمها منهم حسب الفرع اللي حددتوه وقت تعبئه الابليكيشن ' القلق الوحيد ان معاملتك تكون تتغير حالتها في موقع السفاره لامور او عمليات اداريه كذا راح تبطي حتى يصدروها لك بس قليل تصير وغالبا تصير للي سافرو قبل '



موفقين

أنا مرحلة باكلوريوس، المتقدمين لمرحلة الباكلوريوس كانت تُأخذ منهم الأصل من وثيقة التخرج أثناء التدقيق،
أتوقع انك ماستر، ومثل ما سمعت من كلام الأخوان هنا أن الأصل لاتُأخذ من الماستر..




مشكور، كفيت ووفيت، بالتوفيق لك في تحقيق مبتغاك.
لكن بغيت أستفسر هل أنت مرحلة بكالوريوس؟ لأن مثل ما وضحت في كلامك أن معك أصل الوثيقة،
وفي الإيصال إللي أعطونا معاه أثناء تسليم الأصل مكتوب
"تُسلم الأصل عند إصدار قرار الإبتعاث"
ومرحلة إصدار الفيزا تكون قبل إصدار قرار الإبتعاث، و من متطلباتها -مرحلة إصدار الفيزا- الوثائق،
فالأسلم والأحوط إنّي أستلم الأصل الآن قبل
إصدار القرار لتجنب مشاكل السفارة أو تأخير الفيزا، وغيرها
فأحد عمل من قبل مثلي ومشت أموره تمام؟
فقط أبغى أتطمن...

السلام عليكم ،،
موعدي ان شاء الله بكرا ومعايا والدي ،،
انا فيزا دراسية وهو سياحية ،،
هل الفيزا تطلع مع بعض ولا كل واحد لوحده ،، وتتوقعون تتاخر السياحية ولا لا ؟
وشكرآ 