أخ جديد ومحتاج مشورتكم (بصراحه)

April 5th, 2015, 12:48 AM

السلام عليكم ورحمة الله وبركاته


أخوكم طالب في جامعة الامام محمد بن سعود الإسلاميه - تخصص حاسب آلي - قسم علوم حاسب
أبكون صريح جداً معاكم عشان تفهمون وضعي 100% .. واتمنى تتحملوني

أنا إنسان ولله الحمد لدي خبره كبيره جداً في الحاسب الآلي .. من يوم كنت صغير كنت ولله الحمد عبقري في الكمبيوتر بالنسبة لعمري
خصلت الثانويه العامة علمي ( حكوميه ) بنسبة 87% تقريباً
أختبرت التحصيلي وقياس
قياس اخذت 79%
والتحصيلي 69% بحكم أهمالي لهذا الاختبار

تقدمة لجامعة الامام والملك سعود
كل الجامعتين قبلوني مسار علمي

الوالد شاور بعض الاقارب وقالوا الامام افضل في تخصص الحاسب
واستعنت بالله ودخلت هذه الجامعه
لكن للاسف .. لم يكن فيها ما كنت أطمح له ..
تسلط الدكاتره المغاربه والتونسيين والمصاريا بحكم انهم شبه مسيطرين على القسم
والله ان الدرجه تطلع منهم كانك ماخذ واحد من عيالهم
غير موضوع التهزيء وانتم مفروض تطلعون تدرسون خياطه او اي شيء .. انتم فاشلين .... الخ
اضف لها عنجهية الادارة .. القرارات غير واقعيه ابدا
اضف لها .. اللي يحط الاسئله شخص قاعد على مكتبه 24ساعه .. مايدري وش الماده ولا وين وصلنا
الكثير الكثير من الاشياء الغبيه




عموماً .. انا انسان عندي كرامه زايده شوي .. ما ارضا احد يتكلم علي او على تربيتي مهما كان هذا الشخص ..
واجة الكثير من المصاعب والمشاكل الجامعية بعضها بسبب وبعضها بدون ..
والمحصله النهائيه .. كل زملائي واقاربي اللي في عمري بيتخرجون قريب وانا في المستوى الثاني الان
والمعدل 2,55

وبصراحه قعدت فتره طويله افكر .. وصلت لدرجة اني تعبت من كثرة التفكير ..
انا ايش قاعد اسوي ؟
هل الطريق اللي قاعد امشي فيه صح ؟
هل معدلي بيرشحني لوظيفه ؟
وإذا هذا هو معدلي الان .. كيف إذا تخرجت ؟
؟
؟
اسئله كثييييييييرة زي كذا
وصلت لمرحلة بغيت اقدم اوراقي اطلع من الجامعه
حسيت اني قاعد اضيع عمري في اشياء ما بتسفيد منها

ماتتخيلون وش كثر كنت افكر .. لدرجة اني ماصرت اركز مع اهلي اذا قعدت معهم .. طول الوقت افكر ..
تعرفون .. لان هذا مستقبلي .. وهذي حياتي

جتني فكره
قلت ليه ما اطلع بعثه واتفرغ تماماً للدراسه ؟ ( بحكم اني انشغل كثير مع الاقارب والاهل هنا )
الحمدلله انا اقدر اجمع لي مبلغ لكم شهر دراسة لغة الين يضموني للبعثه ( إذا الله يسرها )

فكرة بـ كندا .. وقريت عنها كثير .. وفي الاصل انا احب هذي البلد
وودي ادرس فيها واعيش ..

فـ وش رايكم بالموضوع ؟
افكر ادرس حاسب آلي او إدارة أعمال ..

أدري طولت عليكم .. بس حبيت تعرفون حالتي 100% عشان تحكمون تمام

وشكراً مقدماً
وآسف على الإطاله

• نشر عبر تويتر
• نشر عبر فيسبوك
• نشر عبر جوجل