بخصوص التوصيه

لابد يكون الظرف مختوم ،،
الظرف تحطي فيه التوصيات فقط دون الوثيقه والسجل ،،
الوثيقه والسجل لها ظرف خاص ،،
الأفضل بكل تأكيد التوصيه المقاليه وتكون موقعه من الدكتور ومختومه ،،
براحتك وأتوقع ماتفرق تكون الثلاث التوصيات بظرف أو كل توصيه لوحدها بظرف .

وعليكم السلام
التوصيات أختي لازم تكون مقالية, وكل توصية لحال بظرف وسلامتك
وبامكانك ايضا اخذ ايميل الدكتوره لجل ترسل التوصيه عن طريقها مباشره للجامعه اريلحك
موفقه

شوفي حبيبتي التوصيات مقاااالي وفيها ايميل الدكتور وطريقه للتواصل معاه يعني وتكون التوصيات الثلاث مختلفه عن بعض مو كل الدكاتره نفس نموذج التوصيه حرف حرف .. وتحطيها بضرف ابيض التوصيات فقط وتختميها من على لسان الظرف وختمه من ورى كمان اضن .. هذا كلو من كليتك .
بعدين تروحي لعمادة القبول والتسجيل تختمي وثيقه وسجل اكاديمي طبق الاصل وتحطيها بضرف ابيض وييختمولك ع لسان الظرف وكمان ورى .. فيه كليات طيبه يعطوك ظرف خاص بالجامعه لو ماعطوك عادي حطي ابيض الكبير انتي..

خلي العماده يختمولك ع ظرف التوصيات من برا برضو>>وحده بالجامعه تشتغل قالت ذي الحاجه بس ماضن مهمه

سوي كم ظرف انا سويت 10 بس باقي ماكملت

أنا أخذت توصيات مقالية من ثلاث دكاترة سويت لها سكان وارفقتها اثناء تعبئة ابلكيشن التقديم، طبعا بعض الجامعات قبلتها وبعضها رفضتها وقالو لازم تكون من الدكتور مباشرة يعني اعطيهم ايميله وهم يراسلونه وياخذون التوصية منه بشكل مباشر. المشكلة للأسف بعض الدكاترة يسحبون وما يقدمون التوصية الا لما تزعجهم بالايميلات وخوفك اذا سويت كذا ما يكتب شي زي الناس. وهم معذوين تخيل انت تقدم اقل شي على خمس جامعات بتقعد كل جامعة ترسل ايميل وكل شوي كاتب لك توصية من جديد. المفروض الجامعات الامريكية تقدر الشي هذا ويقبلون التوصيات الورقية اللي نقدمها لهم. وانا اشوف ان التوصيات شي شكلي وكل احد يقدر يجيبها من دكتور مسوي كويس بكلاسه. اذا التوصية ما كانت من دكاترة معروفين عالميا أو من شخصيات كبيرة (مدير الكلية او الجامعة او وزير مثلاً) لا اتوقع ان الجامعات بتعطيها ثقل في قرار القبول بس ياخذونها تحصيل حاصل فالمفروض انهم ما يطولونها وهي قصيرة ويقبلون اللي يجيهم واذا شكوا ان الطالب مزورها يتواصلون مع الدكتور ((تأكد ان الدكتور اذا كتب التوصية يحط ايميله)).

اتمنى اكون جاوبت على بعض تساؤلاتك.

معك حق ،
خصوصًا ان بعض الجامعات صارت تاخذ موضوع التوصيات تقليد فقط للجامعات الكبيرة