فحص السل وتطعيم الحصبة الالمانية

غريبة ! دا فحص وتطعيم بسيط .. ايش الأماكن الي رحتها؟ شوف اي مركز صحي اطبع الفورما حقت الكشف ووريهم

طيب وين المراكز اللي تسويها؟

اللي يعرف يعلمني لان رحلتي بعد بكرة

اروح مركز حكومي ولا خاص؟

ايوا المركز الصحي تبع الحي حقكم .. إذا عندك ملف افتحوا من الصباح وقل لهم انو سفرك قريب ... وحاول معاهم عاد الله يعينك التطعيمات غالبا بتكون يوم واحد ف الاسبوع ..


لو مستعجل روح الخاص اليوم

انا من جدة و كان مطلوب مني فحص السل و تطعيم الحصبة و درت كل مستشفيات جدة ما خليت ولا مستشفى و كلهم قالو مافي ، حتى المركز الرئيسي الخاص بالتطعيمات قال لطعوني و في النهاية قالو مخلص التطعيم ما عندنا
المهم فحص السل ماهو في الا في مستشفى الدرن ! الي جمب مدائن الفهد في الجنوب
و الحصبة الالمانية لو قصدك ال Meningitis ؟
انا اخدتها في مستشفى السعودي الالماني
دفعت كشفية فوق الدور الرابع اعتقد عند دكتورة عامة اسمها ايمان و كتبتلي التطعيم و اخدتو عندهم !
نصيحة يا اخي لا تقعد تدور في كل المستشفيات روح خدها من الاماكن دي و ارتاح ترا مافي غيرها

الله يعطيك العافية


هل يحتاج احجز مواعيد لها ولا كلها في نفس الوقت

واذا تقدر تديني الاسعار اكون شاكر لك

شوف بالنسبة للحصبة الالمانية طلعت على طول و سويت كشف ب ٢٤٠ بعد الخصم عشان بابا في الخطوط
و على طول دخلوني عالدكتورة و ختمتلي اوراقي و كتبتلي التطعيم و كل شي
و رحت اخدتو في نفس الساعة
التعطيم اعتقد ب ٨٠ و الابره لها سعرها غير عن سعر التطعيم
يعني نقول ماراح تعدي ٦٠٠ ريال ان شاء الله
بالنسبة للدرن او السل تروح في نفس الوقت و تدخل على قسم التوبركلوسس قسم الرجال و يعطوك الابره و ترجعلهم بعد يومين يختمولك الورقة
مكااااانهم مررررررررررررررررره بعيد الله يعينك
و بالتوفيق

ما عندك شهادة تطعيم؟ غالبا الأطفال كلهم يطعمون ضد الحصبة والدرن والحصبة الألمانية والسعال الديكي والتيتانوس والدفاريا. إذا عندك شهادة تطعيم ترجمها وارسلها للمعهد وخلاص.