من المرحله العاشره وباقي ما اخترت معهد وتبي تبدأ تقديم نقاط أساسيه لا تغفل عنها

June 11th, 2015, 10:16 AM

بسم الله الرحمن الرحيم
بسبب كثرة الاستفسارات اللي دايم ارد عليها بنفس الرد وبعض الاستشارات اللي تجيني عالخاص من ناحية المعاهد حبيت اكتب الموضووع للناس المتأخره وبدأت إجراءات حاليا عن نقاط لازم الواحد يركز عليها عشان لايتعب عالفاضي ولا يوصل لنقطه ويحصل نفسه لازم يرجع من البدايه :
اولا الكل عارف انه المعاهد المعتمده والمتاحه هي من قائمة المعاهد الموصى بها وحتلاقي نفس المعاهد في قائمة سفير في بروفايلك لمن تجي تطلب ضمان مالي

طبعا حاليا بما انه التقديم على الضمان المالي مفتوح منذ مايقارب خمسه اشهر في معاهد اتكدست لذلك تحصلها في قائمة الملحقيه موجوده وغير متكدسه بس لمن ترجع لملفك عشان تطلب ضمان مالي تحصل المعهد غير موووجود لييه لانه الوزاره محدده عدد معين لكل معهد اذا وصل العدد المحدد تحصل المعهد اختفى من القائمة
((( طبعا بعد فترا ممكن تلاقي معهد ما كان موجود باقائمة انضاف بعد اسبووع او يوم او شهر ذا معناته انه في واحد من المجموعه الاولى اللي طلبت ضمان مالي للمعهد واحد منهم طلب ضمان مالي لمعهد اخر فلذلك يوجد مكان شاغر في المعهد الاول واول ما احد يطلب ضمان مالي للمعهد ورجع العدد يكتمل تلاقي المعهد يرجع يختفي )))

يعني بالعربي خلي اعتمادك على قائمة المعاهد الموجوده بالقائمة اللي بملفك لمن تطلب ضمان مالي

نقطة واحد
((( اول مافتح التقديم للضمان المالي كان يمديك اكثر من ضمان مالي وصار الواحد يطلب اكثر من ضمان فالوزاره رجعت عقدت الوضع انه لمن تطلب ضمان مالي ثاني يعني عندك ضكان اول وحاب تطلب ضمان ثاني لمعهد اخر لازم تشررح اسباب طلب ضمان مالي ثاني ترسله معا المرفقات طريقته تكتبه في ملف وورد ولمن تجي تحفظه تحفظه بصيغة PDF وترفقه معا المرفقات وعاد الشي يرجع للموظف يقتنع ولا لا بعدإرادة الله )))

نقطة اثنين
((( عند طلبكك ضمان مالي تاكد انك تطلب بالطريقه اللي هيا للغه والدرجه العلميه وضمان موجه ل جهةة معينه بحيث انه المعهد يكون موجوود بالقائمة لو المعهد اللي مو موجوود لاتتعب حالك شووف غيره واذا تبى تنتظر انه يرجع في مجال اذا ربي اراد انه واحد يكنسل طلبه للمعهد ويرجع بس الاحتمال الاكبر انه محد حيكنسل والامر راجعلك )))

نقطة ثلاثه
((( طبعا اذا كان عندك أكثر من ضمان مالي لازم يككون قبولك اللي جايبو موافق لاسم اخر معهد تم طلب ضمان مالي له عشان لايرفضوو اصدار قرار الابتعاث )))

نقطه اربعه
((( بسبب التاخر اللي حاصل قبل لاتطلب ضمان مالي للمعهد تاكد من التقويم حق المعهد وانه في اترام دراسيه يمديك تقدم عليها قبل نهاية السنه 2015 طبعا الشي دا مخلي عدد المعاهد مرررا قليل طبعا المعاهد اللي المستوى فيها اربعه اشهر بس حتكون المعاهد اللي كل شهرين مستوى متاحه امامكم طبعا دون التوضيح بمستوى المعهد )))

نقطة خمسه
((( حاول انك تشووف اذا في احد قدم على نفس المعهد من قائمة البحث بالمشاركات باسم المعهد ابحث عشان تشووف اذا المعهد طالب شهاده بنكية ومو معترف بضمان الوزاره للناس اللي ماعندها مقدره )))


الخلاصه اختيارك للمعهد يكون من قائمة ملفك بسفير
تاكد من مواعيد المعهد بعضهم يكون متاح التقديم بس يقلك مكتفين
الضمان المالي يكون موافق لاخر معهد تم جلب القبول منه عشان لا يرفضوو طلب اصدار قرار الابتعاث

والله يوفق الجميع

• نشر عبر تويتر
• نشر عبر فيسبوك
• نشر عبر جوجل