استفسار عن إغلاق المرحلة العاشرة

الله يعينك ياختي
ليت من الاعضاء احد يفيدك

إن ما يمديك و بتصرفي فلوس من جيبك, خلاص أقعدي ببيتك أفضل, و هذا كلام الوزارة, بخصوص الإغلاق.

و إن عزمك قوي, لا تتخلي و روحي لهم , أنشبي لهم, و لا تيأسي.... و هذا اللي أنصحك فيه.

و شكراً

عزمي قوي وما عندي أي مشكلة لكني مو في الرياض بالإضافة لأن موعد معهدي قريب جدًا مافي وقت للنشبة للأسف.
عالعموم شكرًا لك..

العفو, و المعذرة على الكلام القاسي.و قصدي أستفزك قليلاً, و لاكن الأوضاع تتطلب, و لا تيأسي أبداً مع الظالمين, الله أرحم الراحمين.

و الشكر لك

متى موعد دراستك ؟ وهل الـ I-20 معك ؟

موعد دراستي في بداية سبتمبر ان شاءالله، وايوا الحمدلله عندي الآي توني..

طيب يا اختي ،
إذا البعثه تهمك وامورك متيسره انك تطلعين وماعندك مشاكل ..
1000 ريال للسفاره ما اشوف انها خساره بما انها راح تخلي فرصتك للبعثه مفتوحه وماتروح عليك الفرصه ..
انتي امورك جاهزه قدمي ع الفيزا اليوم وادفعي رسوم سامبا بكره بحيث ان مقابلتك تكون في 19 او 20 اغسطس ..
وان شاء الله تستلمين جوازك قبل 25 وتطلبين قرار الابتعاث ..

لما عاد تطلعين ققرار الابتعاث ، تشوفين اذا يمديك تسافرين قبل دراستك او تأجلين الدراسه .. معك ثلاث شهور بعد اصدار قرار الابتعاث وقابله للزياده مع ظروف معينه ..


بالتوفيق

صادق مو خسارة، وأصلًا أنا دافعتها خلاص وحجزت موعدة بس كنت أتكلم عالسفيس وأقول أكمل دفع ولا لا؟ بس خلاص دفعت وحطيت نفسي أمام الأمر الواقع والله يسهل الأمور للجميع، وكمان كنت خايفة من قرار الابتعاث ومتى راح يوصلني وهل راح يوافقوا يعطوني إياه ولا راح يلتزموا بكلامهم اللي في الإيميل لأني متأخرة.بس خلاص اللي يسير يسير وأنا سويت اللي عليا. لكن تأجيل الدراسة لو سار ما يترتب عليه طلب آي توني جديد؟ وبالتالي فيزا؟ وتعقيدات جديدة؟


يعطيك العافية وشكرًا.

آمين ولك يارب.

هههههههه الله يهديك بس يعني وقفت ع رسوم السيفيس :P ،
مو متأخره انتي ، اهم شي تصدرين قرارك قبل 1 سبتمبر .. ولسى باقي شهر ..
ومثل ماقلتي انتي الواحد يسوي الي عليه ويجتهد للشي الي يبيه ويطمح له بكل ما يقدر والتوفيق والتيسير من رب العالمين ..
الا يترتب عليه اي توني جديد ، لكن اذا نفس المعهد مايحتاج تغيير فيزا ..

الله يعافيك ، وبالتوفيق لك وللجميع ..