رحلة ابتعاثي قريبة جداً.. اتمنى المساعدة منكم

ما يحتاج تتوترين الامور سهالات وما راح يكثرون اسئلة متعودين على الطلاب، يمكن يسألون ليش جايين وش بتدرسين نفس الأسألة اللي يسألونها عند إستخراج الفيزا.
أول ماتوصلين ديرة الإبتعاث إفتحي ملف بالملحقية قبل إنتهاء صلاحية القرار حسب ماهو موجود بموقع الوزارة.
الأوراق بما إني رحت لأمريكا ما احتجت إلا الجواز والبوردنق والـ i20 مدري كندا وش يطلبون.
وتروحون وترجعون بالسلامة.

لا تخافين حبيبتي لانه الوضع سهالات باْذن الله مثل ماقال الاخ .. انا لما دخلت كندا دخلت من مطار تورنتو وسألتني أسئلة بسيطة وش راح تدرسين ؟ وفين راح تدرسين وهل ناوية تشتغلين هنا ؟ طبعا قولي لا .. راح تسألك اذا ابوك فيزته سياحية كم راح يجلس ؟ لانه ممنوع يجلس اكثر من ست شهور متواصلة .. قولي لها كم شهر وراح يرجع .. وراح تسألك اخر شي اذا عندك مرض معين ؟ قولي لا وراح تسلمك تصريح الدراسة وتعطيك الورقة اللي عبيتيها في الطيارة " بالمناسبة فيه ورقة راح تتوزع وتحتاجين تعبينها" طبعا هذا كله اذا وصلتي هاليفاكس ان شاء الله


الشي الثاني اوزني الشنط قبل ماتطلعين من البيت عشان لو كان فيه وزن زايد راح تدفعين زيادة .. اول ماتوصلين اذا حاجزة سكن في فندق ارتاحي وبعدها اطلعي اقرب بنك وافتحي حساب فيه بجوازك وتصريح السفر .. وطلعي لك رقم جوال .. الأماكن هذه كلها تلقينها في قوقل ماي لو بحثتي بعدها استخدمي نت الفندق وافتحي الملف بعد وصولك على طول وارفعي الأوراق .. شيكي علي موقع الملحقية فيه أوراق تحتاج طباعة عشان توقعين عليها وتسوين لها سكان وتقدرين تفتحين ملف مبدئي قبل السفر بس ترفعين الأوراق الموجودة عندك وتختارين حفظ واذا وصلتي ارفعي الباقي من تصريح دراسة وختم الدخول لك وللوالد .. اجمعي كل شي في يو اس بي عشان يسهل عليك .. وبعدها ارفعي الأوراق واختاري "تسليم" غالبا فتح الملف مايطول .. انا ارسلت في الليل صحيت الا وهم موافقين.
اذا انفتح الملف اطلبي بعدها ضمان مالي عشان تباشرين في المعهد
وشوي شوي راح تعرفين المنطقة وتحاولين تشوفين لك سكن قريب وأمورك مسهلة بإذن الله.



و انا متواجدة في هاليفاكس حاليا مالي كثير من وصلت بس راح احاول أساعدك باللي اقدر عليه ومانبي منك الا الدعاء

راح ارسل لك رقمي على الخاص تواصلي معاي بأي وقت.


بالتوفيق يارب