مشكلة توافق التخصصات مع قائمه الجامعات المتميزة

والله مادري لكن جربي وشوفي وش يصير مع المحلقيه
انا جاني قبول في متميزه لكن مو ع نفس التخصص بس مقارب وسالت المشرفه لكن مارفعت طلب . قالت لي لازم نفس المسمى
انتي ماتدرين جربي وحاولي ممكن يتغاضون ويمشون المعامله لك بحكم انها متميزه وقبولها صعب

الله يعيننا واياكم*

المهم انا ماعندي مشكله اجمعكم في قروب واتس أب
نتبادل اخبار الجامعات والقبولات
بس مادري هل هو مسموح احط رقمي والا لا ؟!

شباب نضم المعلومات ايش سار معكم انا نفس المشكله تخرجت من ELS ووقفت ماحصلت جامعه هل فيه احد قدر يغير التخصص من المرحلة العاشره

لا يمكن التغيير نهائيا مع الملحقيه والله تعبت معهم وانا احاول، لكن مايمنع انك تحاول وتشوف

فيه بعض الجامعات من الجامعات المتميزه مثل Drexel University , University of Washington in St Louis ماتطالب باختبار GRE ولكن يطلبون درجات عاليه في الايلتس والمعدل

جامعه University of Maryland, Baltimore County مايطالبون بالجي ار اي

جامعه Purdue بعد مايطالبون بالجي ار اي لتخصص علوم الحاسب ولكن فيه شروط

السلام عليكم جميعا ،،،

شاكر لك أختي غاده فتح مثل هذا الموضوع ، نفس الحاله معي ،،،
أنا تخصص نظم معلومات اداريه من جامعة البترول وحاليا طالع ماستر لأمريكيا

من اربع شهور سويت فرز كامل لجميع الجامعات المتميزه في المرحله العاشره ، بعض الجامعات حاطه التخصص تحت مسمى (Information Systems) بعضهم (Information Systems &Technology)لأن كثير من الجامعات غيرت مسمى التخصص نفسه والجامعات الي حاطه نفس المسمى الي موجود لقرار الابتعاث تنعد على الاصابع ، الشي الثاني الي مصعب الموضوع علي هو أني أحصل الجامعه المتميزه فيها تخصص قريب من المسمى الي عندي ، لكن ألقى أن التخصص متكدس أو مش موجود لما أشيك عليها عن طريق قائمة الجامعات الموصى بها ،

وللأسف لم اجد الجواب الشافي لمشكلتي ، أنا لسى ماقدمت على الجامعات لكن على أمل الأسبوع القادم بإذن الله راح أبدأ التقديم على الFall

أنا أأيد فكرة أختي "خريجة حاسب تقنية" بخصوص التواصل بين الطلاب بنفس التخصص وأقترح الواتس اب كوسيله للتواصل ، رأيكم ؟

انا بحثت عن تخصص نظم المعلومات الاداريه بمرحلة الماجستير لمدة ست شهور وتوصلت للتالي

لايوجد الا 8 جامعات فيها التخصص بمسماه الموجود في الجامعات السعوديه وفي قرار الابتعاث ويندرج تحت البزنس كالذي موجود في السعوديه

الجامعات شروطها صعبه جدا الى جانب شرط اللغه هم يريدون جي ار اي او جيمات عالي جدا ويريدون معدل عالي جدا جدا جدا ويريدون اقل شي خبره سنتين وبعد هذا كله تدخل في مفاضلة اي انك لاتضمن حصولك على قبول

الاجراء الصحيح لكم هو ان تتحدوا جميعا وتقدمون شكوى رسميا الى ادارة الابتعاث في الوزارة وانا اتطوع واقوم بتسليمها هناك ومناقشتهم حيث انني سوف اكون في السعوديه خلال الصيف ان شاءاللله

والله والله والله حسب مابحثت ومن خلال معرفتي بالطلاب السعوديين اني اتوقع انه لن يجد قبول في الجامعات المتميزة الا نسبة 5% من الطلاب اي ان 6000 طالب ماجستير في المرحله العاشرة تقريبا سوف يقبل منهم فقط 300 طالب فقط وانا اتوقع ايضا اقل من هذا العدد بكثير.

لا تقفوا متكوفي الايدي ولا تنتظرون الجامعات المتميزة ترحمكم او ترأف بوضعكم فإن لديها من المتقدمين من دول العالم مايكفيها

طلاب العاشرة قضيتهم الاساسية والتاريخيه هي مع الوزارة وليست مع الجامعات الامريكية.

صحيح كلامك اذا استمرت الوزاره بهذا الشرط ممكن نسبه كبيره من الطلاب يرجعون للسعودية عذر الملحقيه ( المرحلة العاشرة تابعين للوزارة ) مافيه جديد للاسف !

اتمنى انك تقابل احد مسؤول في الوزارة وتكلمه عن وضع الطلاب كيف وصعوبة القبول في الجامعات المتميزه
والتعهد تبع الجامعات المميزة ليس عذر كل المراحل السابقه وقعوا على تعهد عدم تغير التخصص ..
وفجأه الكل غير تخصصه اقرب مثال المرحلة التاسعه !

السلام عليكم،
غادة ممكن تخبرينا وش اخر ما توصلتي اليه؟

كلنا نعاني معك بنفس المشكلة و التخصص

الله يسهلنا و يغنينا بغناه و رضاه

وعليكم السلام ورحمة الله

اللهم اميين يارب .. والله ماعندي تجربه مع تغيير التخصص لان عندي قبول ع نفس التخصص ،، اللي عنده خبره ياليت يفيدنا

نفس التخصص information systems تبع كلية الحاسب ونفس المشكله للاسف شوفو لنا حل يالربع