الجامعات المتميزة: هل وجدت قبول جامعي؟

هلا حبيبتي
لا والله انا دورت بنفسي وراسلت الجامعات بنفسي
اول شي حطيت في بالي انا عن ايش قاعدة أدور يعني مثلا في الجامعات الكندية كنت مستوفية جميع الشروط ماعدا الجيمات فلما قررت اشوف خارج كندا حطيت حيلي في الجامعات اللي ماتشترط جيمات
رحت لموقع الوزارة صفحة الجامعات المميزة واخترت تخصصي وشفت الدول الموجودة واللي المفترض تكون مفتوحة للانتقال مثل أمريكا، استراليا، ايرلندا ونيوزلندا

بالنسبة لاستراليا جامعاتها قليلة فتحتها وحدة وحدة ودورت على تخصصي وشفت الشروط وكنت أسجل في نوت اذا عندي استفسار معين للجامعة لانه بعد البحث افتح ايميل واحد واحط استفساراتي وأرسلها للجامعات في BCC اللي هي النسخة الخفية

حصرت الجامعات اللي فيها تخصصي و البرامج اللي تناسبني وقدمت تقريبا على اربع جامعات وبما انه الجيمات مو مطلوب فأنا باقي المتطلبات كلها كانت موجودة عندي فرفعتها وجاني بعدها قبول من ثلاث منهم الحمدلله

صدقيني الموضوع جدا بسيط ومايستاهل مكاتب ومصاريف راس مالها الأوراق اللي تحتاجينها وفيزا واستمارة مجرد انك تعبينها .. الموضوع ابسط مما تتخيلين.

اهم شي تأكدي انه الجامعة مميزة وحتى لو لغتك ماكانت قوية كل جامعة فيها خيار البحث اكتبي مسمى التخصص بالإنجليزي واذا موجود راح تطلع لك صفحة البرنامج ..

اكتبي ميزة كل برنامج - مدته - مكانه - شروطه في نوت او في اي مكان عشان لما تخلصين تحصرين خياراتك وتقدمين على الانسب

إن شاءالله أكون أفدتك .. بلغيني اذا فيه اي شي اقدر أساعدك فيه

ربي يسهل امورنا جميعا

السلام عليكم
انا مبتعثة في المانيا وخلصت فتره اللغة خلال دراستي للغة قدمت على ٤ جامعات وتم رفضي من الجامعات لان التخصصات الي قدمت عليها ماكانت نفس تخصصي وبعضها كان لاختلاف مسمى التخصص .. بعد ماخلصت اللغه اخذت اللان تأجيل بعثه والوزاره وافقت حتى اجد قبول وقدمت ع ٤ جامعات تم رفضي من جامعتين بدون ذكر سبب الرفض و ووحده من الجامعات بلغوني انه مستوى اللغه اقل من المطلوب ورفضوا تامين الملحقية واخر جامعه للحين ماردولي اي خبر
سؤالي الان ايش اقدر اسوي ؟ لان تخصصي ( تصميم داخلي واثاث ) مو موجود الا في جامعات قليله فقط في المانيا وبصراحه ما اعرف لو رفضتني الجامعه الاخيره ايش ممكن اسوي بخصوص البعثه لان ماعندي امكانيه انتقل لدوله ثانيه رغم اني نفسي احول بعثتي على امريكا لان التخصص موجود هناك في جامعات اكثر لكن مشكلتي اللغة لان عندي لغة المانية وماعندي شهاده الايلتس
ياليت الي عنده فكره يفيدني ..

^^^

الله يكون بعونك!
عفوا وش كان تخصصك بالبكالوريوس بالضبط!
وما هو مسمى تخصصك بقرار إبتعاثك من الوزارة!!
وكم الفترة الزمنيه الذي أنقضت بدراسة اللغة الألمانيه؟
-----
عموما أستمري بالمحاولات بجامعات ألمانيا لتخصصك أو تخصص يعنبر امتداد له بالملحقيه أو الوزارة!

وبنفس الوقت أبحثي عن تخصصك بجامعات الدول الناطقه بالالمانيه مثل النمسا أو باللغه الالمانيه من جامعات سويسرا!

كذلك وكخيار أخير حاولي تحسين وتقوية لغتك الانجليزية والتدرب على اختبارات الايلتس تدريب مكثف والتقدم لاختباراته عدة مرات حتى الوصول لدرجة الايلتس المطلوبه لتخصصك بأحدى الدول الناطقه باللغة الانجليزية...وطلب التحويل لها بعد الحصول على قبول جامعي مباشر للماستر!!!

=====

المهم هو المحاولة بكل الوسائل على المحافظة والاستمرار ببعثتك الحاليه وعدم فقدانها مهما كانت التضحيات.

تخصص البكالوريوس - تصميم داخلي واثاث
تخصص الابتعاث - تصميم داخلي
فتره اللغة - اخذت سنه وبعدها مددت ٦ شهور لان دخلت اكثر من اختبار وخلال هذه الفتره كنت اقدم ع الجامعات ..

انا الان رجعت جده واخذت كورس انجلش لان ناويه اختبر ايلتس ان شاء الله ..

الله يسهلها من عنده

^^^

well done! go ahead

خلاص صممي على التصميم بالالماني أينما وجد!

وبنفس الوقت صممي على درجة الآيلتس كيف ما كان!!

لكي يكون عندك خطة إحتياطية لدراسة التصميم بالإنجليزية أينما وجد!!!

وبأذن الله ستحققين هدفك النهائي لأنك كما يبدو لي تملكين مقومات النجاح ولا ينقصك سوى المزيد من العزيمه والتصميم على الحصول على ماستر التصميم فلا تيأسي من ذلك لأن ربك كريم.

تحياتي وأفضل تمنياتي.

ان شاء الله .. الله يعين مشكور اخوي

السلام عليكم ,

معاكم عادل , ماستر هندسة صناعية المرحلة العاشرة.
انا يا شباب خلصت معهد ELS , او فتحت لي كثير جامعات , وكل الجامعات الي اقدم عليها المتميزه يجيني منها رفض . ايش الحل ؟؟؟
وقدمت على جامعات المرحلة التاسعة وجاني قبول رفعت طلب للملحقية تم رفضة لاني من طلاب المرحلة العاشرة .؟؟؟

لية كل ذا التعقيد . الجامعات الي جاني منها قبول معترف فيها وفيها تخصص وماهي متكدسة ..

الموضوع جدا صعب , احد عنده حل ؟؟؟

هذا ايميلي
adelzj@hotmail.com

^^^

جرب مراسلة الجامعات المميزة قائمة ال200 لآخر مرحلة! رقم 12

http://departments.moe.gov.sa/Schola.../BestUnis.aspx


Good luck bro

تخصص اشعة

بالنسبة لتجربتي كانت جدا مريرة اضطريت للتأجيل فترة طويلة بسبب ان الجامعة تسجيلها سنوي

في البداية، عندي ٣ جامعات في كندا لديها تخصصي، اضطريت اجيب قبول في الثلاث جامعات، على اساس جامعة التخصص مباشر، و جامعتين اول سنة ادرس بايوميديكال ساينس بعدها اتخصص اشعة.
ولكن في الواقع جامعة واحدة فقط ستقبل الوزارة أن ادرس فيها نظرا لاشتراطها ان يكون التخصص مباشر دون سنة تحضيرية او غيره!

و هذا الشرط الملحقية ما تدري عنه و لا عندها اي معلومة عن هالشي و ظلت توجهني بتوجيهات كلها نهايتها الرفض من الوزارة لان الوزارة مغيرة في سياستها و الملحقية خبر خير. و تم رفض قبولي في الجامعتين و اضطريت انتظر يفتح تسجيل الجامعة الثالثة ولله الحمد لقيت قبول و تمت الموافقة عليه و ان شاء الله يتم الموضوع لنهايته على خير.

الموضوع جدا متعب ومرهق و كندا عملية القبول فيها مدته طويله و بطيء خصوصا للي يفوته التسجيل ويضطر يتنظر. و لكن الحمدلله على كل حال...

السلام عليكم
حبيت اسأل هل الجامعة تطلب اختبار الجي ار اي وهل لها درجة معينة؟