تغيير الدولة للمرحلة العاشرة

اليوم ردت علي الوزارة ... للأسف بالرفض :

"عدم الموافقة على انتقال الطالب من أمريكا إلى هولندا لدراسة الماجستير في جامعة Wageningen Uniiversity وبتخصص Environmental Sciences، وذلك لأن اللغة الأصلية للدراسة في هولندا هي الهولندية وليست الإنجليزية، ولعدم قبول مبررات الانتقال."


مع العلم ان البرنامج بالأنجليزي وليس الهولندي !! .. والمبررات واضحة !!


احد عنده نصائح ؟؟

مالك الا ترفع مره ثانيه و توضح لهم ان البرنامج بالانجليزي
( لازم تكرر عليهم عشان يستوعبون )

عملت هذا الشيئ وان شاء الله خير

الله ييسر لك يا رب ويسهل امورك
اخوي يا ليت تفيدينا وش الاوراق اللي يطلبوها لغرض تغيير الدوله
وهل فيه خطاب نكتبه نوضح فيه سبب التغيير ؟؟

يا الله .. جميعا

تحتاج :
خطاب القبول من الجامعة
اذا كنت طالب لغة ترفق السجل الأكاديمي حق اللغة
درجة الايلتس
الخطة الدراسية للتخصص المطلوب
تكتب مبرراتك ليش تبي تغير الدولة ... يفضل تكتبة بخانة المبررات وليس ملف مرفق ولازم أولا يكون عندك سبب واضح ومقنع (لازم تبدع في هذي النقطة بإستخدام جميع وسائل الاقناع والاثباتات قدر الامكان وكل شخص حسب ظروفة ومافيه طريقة واحدة للجميع) بالاضافة الى انطباق الشروط الخاصة بالمرحلة العاشرة على القبول الجديد

وغير كذا سلامتك .. امورك ماشية اذا توفر جميع ماسبق

السلام عليكم

انا مبتعثه مرحله الباكلوريس وطالبه لغه في امريكا، رفعت طلب تغيير دوله الى ايرلندا وتم رفضه بعد شهر لبسبب ان قبولي مشروط بسنه تحضيريه (مع العلم ان كل جامعات ايرلندا تتشرط سنه تحضيريه اذا كنت انترناشنل)

فاعدت الطلب وطلبت اعاده نظر لطلبي وارفقت قبول غير مشروط بسنه تحضيريه (يعني استوفيت جميع الشروط) مع العلم ان تخصصي ليس طب. وتم رفضه بحجه ان ايرلندا موقفه وان ليس لدي تأشيره دخول)

كيف ايرلندا موقفه وكثير تم نقلهم واصلا لم يخبروني بالرفض الاول؟ وكيف سيكون لدي تأشيره وانا مانقلت ولا تمت الموافقه على نقلي وليس من شروط تغيير الدوله ان يكون لدي تأشيره دخول!!


حالياً انا باقيلي شهر وتنتهي فتره اللغه وكنت متفائله بالنقل لكن رفضهم كان غير متوقع ولا مقنع.. ممكن احد يفيدني بهالحاله ايش اسوي؟

ممكن تحاولي تتواصلي مع القنصلية الإيرلندية في مدينتك وتطلعي تأشيرة بس أتأكدي أول كم تحتاج وقت بروسسنج عشان لاتتعطلي على جوازك.
بكل الأحوال حسب نظام الفيزا الدراسية بموجب القبول اللي عندك تقدمي طلب فيزا دراسية، يصير تقدري ترفقي للملحقية عالأقل ورقة إن فيزتك تبع إيرلندا إن بروسس عشان يمشوا طلب تغيير الدولة.

رد الوزاره لك احبطني سويت تغيير دوله و انرفض مرتين و رجعت سويت اعادة نظر و الحين وصل لاصدار القرار عساها تنفرج

السلام عليكم هل نقدر نغير الدوله لو ماكانت موجوده في اختياراتنا؟؟لما اخترت اول لتخصصي نظم معلومات اداريه كان موجود بس كندا وامريكا ودرست اللغه في كندا ولكن لم اجد قبول فآبغا اغير الدوله هل اقدر اختار غير امريكاا؟

اهلا ,
انا طلبت تغيير دولة و وقف عند ادارة متابعة المبتعثين (تقييم الطلب) من 21 فبراير الى الحين ؟
كم ياخذ الطلب بالعاده ؟
للعلم الدراسة تبدي في شهر 5