انهاء بعثة ؟!!

August 21st, 2019, 09:46 AM

السلام عليكم

معليش راح اطول شوي بس سالفتي طويلة ومعقدة اتمنى احد يعرف حل ؟!

انا كنت ادرس في جامعة من ٢٠١٥ الى نهاية ٢٠١٨ بتخصص هندسة وكان باقي لي تقريبا سمستر وسمر واتخرج لكن الملحقية وقفو علي الصرف لان اكتشفو ان تخصصي مو موافق عليه من شي اسمه American society
وطبعا كان نهاية السمستر فجلست احاول ادور جامعات في اقل من شهر عشان اقدر ابدا في السمستر الي بعده واخيرا لقيت جامعة تعادل اغلب موادي وتخصصي موافق عليه من الملحقية وبدت الدراسة والملحقية لسه ماردت وبعد شهر رفضو الطلب وبعدها عرفت انو التخصص حقي تقفل من الوزارة عشان كذا لازم اغير التخصص او الجامعة فطبعا ما غيرت الجامعة غيرت التخصص ولان تغير التخصص المعادلة صارت اقل من الموافق عليه في الملحقية ووقتها مر ٣ شهور وانا مانقبلت الجامعة وموقف علي الصرف اختبرت الفاينل ورحت الملحقية عشان الجامعة قالت لي اذا ماجبت الضمان بينحذفو المواد وطبعا الملحقية مامششت الموضوع بسرعة فجامعتي حذفت كل موادي فصار المعدل صفر ومشت الامور مع الملحقية ووافقو السمستر الي بعده تخلص بعثتي وطلبت تمديد وبديت السمستر الي بعده ع اساس انو هم قالو لي بس تطلعي من الملحقية التمديد بيجيك وخلص السمستر وعشان معدلي في الترم الي قبل صفر وانا مخلصة مواد كثيرة معدلي صار تحت الاثنين والجامعة كانت عاطيتني بروبيشن ولما خلص السمستر هذا فصلوني سمستر وطبعا لسه الملحقية ماوافقت ع طلب التمديد صار له شهر واقف عند مساعد الملحق سويت طلب استئناف والجامعة رفضت واول سبب للرفض انو الملحقية مو قاعدة تدفع الرسوم بأنتظام

حياتي قاعدة تتدمر وسبب الملحقية واللحين مو عارفة كيف اتصرف هل انهي بعثتي وارجع اكمل في السعودية ولا اقعد هنا واضيع عمري مع الملحقية للعلم انا مخلصة فوق ١٠٠ ساعة فياريت الي عنده خبره او نصيحة يعطيني اياها لان ضاعت الحلول عندي
شكراً

• نشر عبر تويتر
• نشر عبر فيسبوك
• نشر عبر جوجل