ملتقى جدة

اظن الحل الافضل لكل اللي مابتظهر لهم المواعيد الين يوم الاحد، انهم يحضروا يوم الاثنين في الصباح ويشرحوا لهم الوضع ويشوفوا ايش يقولوا

لو سمحتو انا حجزت الملتقيات صباحي وحابه اغير ل مسائي هل في طريقه اقدر اغير ؟؟؟

اختي الله يبارك فيك وويسرلك ,,

في الحقيقه عن طريق النظام ما تقدري لانه يقفل خاصية الحجز بعد ما تختاري الموعد .

يمكن افضل طريقه انك تروحي قبل الموعد حقك وتكلمي اللجنه هناك وممكن يخدموك وممكن لا .

وصلني ايميل قبل شوية ورسالة كمان انه في محاضرات اضافية غير العامة الي سجلت فيها ..... مع العلم انه انا الى الآن لم يظهر لي التسجيل والايميل للمحاضرات الاضافية لالمانيا ولكن شكلهم معتبريني ذكر لانهم حاطيني ف البرنامج العاشر من جد حيروني حسبي الله فيهم ...

المشكله اني قد سجلت خلاص ع البرنامج العاشر.. وما اعتقد ينفع اغير الحجز..ينفع اروح بدون حجز -سمعت ناس مشي معاهم-

في مشكله ثانية: البرنامج الخاص ما ارسلولي هوا ع البريد ..انا طالعه ع ايرلندا بس هما ارسلولي البرنامج (الخاص) ل طلاب وطالبات امريكا !!! اش الحل . ضرورررري

البرنامج العاشر (طالبات أمريكا) + (طلاب الدول الآتية: اسبانيا, استراليا, الصين, ألمانيا, بولندا, المجر, اليابان, ايطاليا, تركيا, سنغافورة, كوريا الجنوبية, نيوزلندا, هولندا)
اليوم التاريخ وقت بداية البرنامج وقت نهاية البرنامج القاعة
الأربعاء 18صفر،1436 8:30 صباحاً 12:05 ظهراً ذكور(ج) , اناث(أ+ب)
الخميس 19صفر،1436 8:30 صباحاً 11:00 صباحاً ذكور(ج) , اناث(أ+ب)

ع حسب الجدول ان المانيا تبع البرنامج العاشر وهل المقصود به طلاب فقط ما اعتقد . انا ارى انك تحضري احتياط عشان ما يروح عليك الملتقى قبل البرنامج بساعة اقل شي عشان تشوفي يش المشكله وتستوضحي اكثر من الموظفات اللي هناك ..
بس انتي متأكده انك اخترتي الجنس أنثى ممكن تكوني اخترتي بالغلط .؟؟؟ مجرد سؤال ..
اتمنى لك التوفيق ..

متاكدة اني اخترت انثى مو لهالدرجة توصل فيني وهنا في المنتدى لقيت كثير نفس حالتي حسبي الله فيهم واتصلت ع الوزارة ومافي اي رد رموني من خط للثاني وبالاخير محد رد وفصلت الخط

ابشرركم الي مو طالبات امريكا توه فتح الحادي عشر لي بس برضو لا توجد بيانات

الحمدلله الحمدلله اخيييرا فتح الحجز ادخلو احجزو اللي برنامجهم المفروض الحادي عشر انا حجزت الحمدلله اخيرا

هذا موعد المحاضرة الخاصة لألمانيا وهولندا وبولندا كما وصلني منهم