المرحلة الحادية عشر من مراحل الإبتعاث

السلام عليكم ورحمه الله وبركاته انا عندي استفسار اتمني الاجابه عليه بالنسبه للشروط الجديده للالتحاق ببعثه هناك شرط مجموعه من التخصصات المطلوبه وانا خريجه كليه علوم تخصص كيمياء وتخصصي غير مطلوب هل هذا يعني انه لايحق لي الابتعاث اقصد هل الابتعاث مقتصر علي هذه التخصصات فقط ؟!

وعليكم السلام ورحمة الله وبركاته
بالنسبة للتخصص حقك إذا م كان موجود من ضمن تخصصات المرحلة القادمة م تقدري تكملي .. بس اتوقع كلية العلوم موجودة من ضمن التخصصات المدرجة..

السلام عليكم .
الميزة الأولى في استمارة الترشيح المرحلة 11
من خلال إدخال السجل المدني في الاستمارة يظهر العمر والميلاد . وكذلك إذا موظف ام ﻻ .. واقصد الوظيفة الحكومية.. وذلك كما ذكره الاخ مراحل في الأيام السابقة .. موفقين..

ارجو الرد فضلا لا أمرا

السلام عليكم ورحمة الله وبركاته
سؤال لاهنتم .
الحين لو بقدم على بكالوريوس وماعندي جواز سفر ... لازم اطلع الجواز قبل صدور الشروط ؟! ولا وش الوضع .

لازم الان باقرب وقت تروح تطلع جواز سفر لانه بدونه ماتقدر تسجل ابتعاث

وعليكم السلام
أهلا اخي ..
بالنسبة لتخصصك من خلال موقع الوزارة يظهر لك الجامعات المميزة في ذلك. . بالنسبة لدولة بريطانيا كان فيها تكدس ومغلقة لمراحل سابقة من الممكن فتحها في المرحلة القادمة. . افضل الدول في التخصصات الطبية امريكا .. وﻻية كاليفورنيا.. او وﻻية بوستن .. وكذلك أستراليا وﻻية سيدني.. لكن حسب اختصاصك سيكون متاح لك ثلاثة دول اتوقع تختار منها مرتبة حسب الرغبة.. بالنسبة المستندات المطلوبة .. الوثيقة وجواز السفر.. ومن الممكن اضافة شرط اللغة .. لكن لحد الان م ثبت ذلك فيه الدول اللي هي اوروبا وامريكا مطلوب شرط لغة ايلتس .. اختبار القدرات الجامعيين م كان مدرج ضمن شروط الابتعاث السابقة .. وكذلك شهادة الامتياز..من المستندات المطلوبة ارفاقها
أتمنى اكون افدتك بالكثير. .
دعواتك ..

تسلم على الرد. .
ولكن الجواز كان مطلوب بالمرحلة 10

الجواز مطلوب في جميع المراحل مستحيل ما تحتاج الجواز الجواز هو الي يخولك لسفر وانت رايح تسافر ! في كل الاحوال تحتاجه وتقدر تطلعه عن طريق خدمة ابشر في يوم واحد بس .

الله يعطيك العافية والصحة شموخ انسان يعني الاهم عندي اني ما أحتاج اختبر القدرات للجامعيين لان قياس كاتبين انه شرط لاكمال الدراسة ووقت التسجيل للاختبار انتهى واخاف تضيع علي البعثة