تجمع طلاب ادارة الاعمال للماجستير

اول شي اتوقع يسألونك الاسئلة المعتادة
عرف عن نفسك
نقاط قوتك وضعفك (حاول تحطها بشكل إيجابي)
ايش تعرف عن الجهة
ليش اخترت الجهة
ليش أخترت هذا التخصص
ايش طموحك
وين تشوف نفسك بعد ... سنة .
ليش حاب تكمل دراستك برة ليش ما تكملها في السعودية
وممكن يسألونك اشياء أساسية عن تخصصك واذا كنت ماستر او دكتوراه راح يسألونك بشكل اكبر عن تخصصك ..
اذا كانت جهة لها فروع يقولون ممكن تتوظف باي فرع مو شرط هنا ..
توقع يسألونك اي سؤال واطلع على تجارب المقابلات في نفس الجهة ممكن تكون قريبة منها ..

اهم شي الثقة بالنفس والجلسة تكون منتصبة والمنطقية بالجواب اذا ماتعرف نهائي قول ما اعرف ..

كثير في اليوتيوب وفي مواقع اخرى نصائح عن المقابلات الوظيفية ممكن تتطلع عليها اذا كانت اول تجربة لك راح تستفيد منها ..
الله يسهل علينا جميعاً

بالتوفيق لنا جميعاً عزيزي،

وان شاء الله راح نفيد بعض.

انا ملاحظة الغالبية ماشاءالله طالعين ع تخصص المالية والاستثمار
احد يعرف ايش وضع تخصص السياحة والفنادق !!!

في احد مثلي ماجاني غير التنبيه بدون اعادة رفع وثائق وهذا مخوفني

تنبيه بإيش اللي جاك ؟؟

عموما اذا جاك تنبيه باعادة الوثائق اعطيهم كم ساعة ويفعلون ايقونتك ..
اما اذا جاك التنبيه بخصوص الاطلاع المستمر على ملفك ، فهذا عادي كل المتقدمين جاتهم هالرسالة او التنبيه

انا مقدمة على ماستر اسثمار
مؤسسة النقد العربي السعودي فقط هي اللي متاحة لي

متخوفة من التخصص بس اقدر اقول انه عاجبني اخترته من قلب يعني
اما البلد اخترت الولايات المتحدة الأمريكية
لسببين لانه فيه تجارب لاقاربي هناك
والثاني لانه كما سمعت ان القبولات فيها اكثر مرونة من كندا

الله يوفقنا جميعاً،
الخطوة المنطقية الحين الكل يستعد لشغله "المقابلة الشخصية".

كلام صحيح امريكا القبول اسهل بكثير، لكن كندا افضل في عدة نواحي: الكفاءة والامان، ومكافات ( الموقع عامل يؤثر على غلاء المعيشة) ايضاً شعبها مرة طيب ومن حاله في بالة.

سلبيات: برودة الطقس وصعوبة القبول للماستر. من واقع تجربة تحياتي

بالتوفيق ان شاء ويتم قبولنا، بالنسبة للمقابلة الشخصية، فيه موضوع مطروح من قبل الاخ القدير" شموخ إنسان" وتم مشاركة عدة اعضاء الله يجزاهم خير جميعاً، ان شاء راح يستفيد الجميع للموضوع.

شباب انا درست في كندا وفي امريكا ،،، امريكا اسهل شوي من كندا وانا خريج امريكا وكنت اساعد طلاب الماستر في واجباتهم واختباراتهم. فيه تخصص اسمه بالانجليزي سبلاي شاين ممتاز ، وتخصص ريادة الاعمال ، وتخصص ادارة المشاريع .. كلها تخصصات حلوة ومستقبلها ممتاز .. والي يبي مساعدة في اي شي يسال .