بخصوص تخصصات ادارة الاعمال

مساء النور اختي اهلين فيك

انا ادارة اعمال بس مقابلتي وزارة التجاره بشروطها مافي
اختبار بس مقابله واتوقع مؤسسة النقد مثلها مافي اختبار
بس مقابله ارجعي شوفي شروطهم وش وتاكدي
والمقابله اكيد بتكون سؤال واجابه اول سؤال بديهي عرف بنفسك
انا مدري عن اسالتهم وش بس لازم تتجهزي للمقابله
تحطين اساله متوقع انهم يسالونها وتجاوبي عليها
مثال على الاسئله
ليش اخترتي التخصص هذا
ليش اخترتي مؤسسة النقد
ايش الدوله اللي تبين تبتعثي لها وليش اخترتيها
ايش نقاط قوتك ايش نقاط ضعفك
وايش تعرف عن مؤسسة النقد
ايش وظائف ومهام مؤسسة النقد
يعني اسالتهم اتوقع بتكون كذا وانتي تجهزي لها زين
اهم شي لا ترتبكين نهائي ولا تخافين مافي شي يخوف
وبالمقابله بيني لهم ان عندك طموح وانك متحمسه للابتعاث
وانك جاهزه للابتعاث
ويمكن يسالونك وش الجامعه اللي ناويه تدرسي فيها
وليش اخترتيها

طبعا كل اللي قلته اساله متوقعه يعني مو شرط تجيك
لكني انا متوقعها ودرسها للمقابله
والله يوفقك يا رب ويوفقك الجميع

انا تخصصي ادارة خدمات صحية ومستشفيات ومن كليه الاعمال .. فيه نوعين .. إما تخصص من كليه الاعمال وإما مسار من الاداره العامه


فاتوقع يقبلون اللي من كليه الاعمال لانها من فروعه