فنون المقابلة الشخصية !!

مؤسسة النقد شرطهم اجتياز المقابلة الشخصية فقط،،

يعطيك العافيه عالرد ...، بس اختي المقابله كيف طبيعتها يعني شفوي بس ولا فيها اختبار كتابي والله يسعدك ويكتبلك اللي تبين ويوفقك دنيا واخره سواء افدتيني او لا

استفسار بسيط الله يعطيكم العافي ..

في موضوع اللغة ؟؟
انا مستواي للاسف صفر مكعب فاللغة
فلو جهزت تعريف عن نفسي باللغة الانجليزية
يعني استعين بواحد من الاصحاب الفاهمين فاللغة واحفظ الكلام اللي يقوله لي صم
واذا جيت وقالولي عرف عن نفسك باللغة الانجليزية اسمعلهم اللي حفظته

يصلح كذا ؟؟

جهزه مبكر هاذي الطريقه مفيده بس اذا سألوك لاتتكلم وكأنك جالس تسمع لهم درس او تبين لهم انك حافظه صم لا سوي نفسك انك جد جالس تعبر عن نفسك من عقلك

بس اجلس مع الشخص اللي راح يكتبه لك بالإنجليزي وقوا له ايش تبغى يكتب لك

بالتوفيق وفالك القبول النهائي

لا ماعليك انا مثثل محترف والله لا اخليهم يقولون هذا دارس برا مو عندنا

بس أخاف يسالوني سؤال وأخبط ..
عموما مشكور ياغالي وفالنا جميعا التوفيق وعسا ربي يسهل لنا جميع

اخوي انت زيي قلقانه وحايسه بموضوع الاختبار هذا
في ناس قالولي المقابله شفويه كلام بس وفي ناس قالوا اختبار ع ورق انقلش ورياضيات
وانا مو عارفه وين الكلام الاكيد

بس ممكن تقول لي وش الكلام اللي تحضره بالانقلش لان وخيتك مييييح ولا عارفه وش احضر
وبكون شاكره لك والله يوفقك ويوفقني ويوفق الجميع وننقبل يارب

صراحه انا مريت بتجربه
في تقديم لوظيفه اكاديميه سألتني عن الدراسه في الخارج قلت لها انا مستعده وعندي قبول مشروط من جامعه امريكيه فهي على طول سألتني سؤال بالإنجليزي وكنت اسمعه كذا (هالفزبيسنمكليسمخببيثنمبسثكيس؟؟)
ماشاء الله هي عندها دكتوراه من امريكا
انا هنا قلت لها مستواي متوسط او اقل شوي فسألتني سؤالين بالإنجليزي والحمد لله جاوبتهم وبعدها على طول قالت تكلمي عن نفسك باللغه الإنجليزيه(مسويه نفس الحركه حافظته مع تمثيل)بس هي وقفتني وانا اتكلم قالت يكفي كويس
وانتقلت لسالفه ثانيه
توكل على الله وجمع لك كم معلومه عن تخصصك باللغه الإنجليزيه وبإذن الله خير

اسمك وجامعتك اللي تخجتي منها
ثم اذكري اكثر شي تتميزين فيه واذكريه على سبيل الاقرار
واذا عندك خبرات عملية سابقة اذكريها
أو حتى نشاطات اجتماعية

يعني مثلا انا اسمي حسن محمد خريج جامعة الامام تخصص كذا وبمعدل كذا

انا رجل جيد في كسب العلاقات واتميز بالذكاء الاجتماعي متميز في الحساب وفي وضع الخطط

اتوقع هذي كافية ترجميها واحفظي الايسبلينق حقها مزبوط واستعيني بمن يفهم فاللغة سمعيها عليها وخذي من عنده ملاحظات
والله يوفقك دنيا وآخره

اميييين يارب وياك ويسعدك ويوفقك ويكتبلك اللي تبي

بس بسألك انتا مقابلتك وين ف مؤسسة النقد ؟؟


واذا كانت بمؤسسة النقد في اختبار كتابي بالمقابله ولا بس شفوي ؟؟

بس مقابلة شخصية