الدراسه على حسابي الخاص 9 ساعات اكاديميه!

يعني تدرس بعدين تضم على البعثة ؟ ما انصحك تجازف هذه المجازفة خصوصا بالوضع الحالي , يا أنك تتحمل كامل السفر ولا تنطبق عليك شروطهم النرجسية , أو تحط لك ملبغ يكفيك كامل دراستك

وعليكم السلام حسب النظام الجديد الانضام لطلاب الجامعات فقط ، يعني كطالب لغه لا يتم ضمك للبعثه بالتووفيق

انا اللغه بدرسها على حسابي بس البري ماستر هل معقوله بعد اللغه ادفع سنه كامله؟

انا نفس وضعك اختي امل عندي اللي يكفيني 9 أشهر او 10 اشهر تقريبا بس محتار اسافر او لا أحيانا أقوال ماابي انكب نفسي واسافر وادرس واجتهد و يرجعوني ولا يضموني وانقهر واحيانا أقوال أروح واللي بيصر عالناس يصير علي او يمكن ينزل قرار او شيء يضمونا فيه والوضع وسوسه

طيب محد يعرف أحد نفس وضعنا لأن اشوف على تويتر أن الطلاب الي بالدول يناشدون بالانضمام الي موجودين هناك لأن ممكن يرجعون مايقدرو يكملو وهذا الي خايفه منه يصير معاي ... بس انا تأكدت من ملحقيه ايرلندا أن الانضمام باقي موجود بس الشروط زادت وهذا الي ابي اتأكد منه باقي موضوع 9 ساعات يعني تقريبا نص ترم ماستر على كذا احسب حسابي لسنه البري ماستر ونص ترم الماجستير تكاليف كامله دراسه وسكن ومصاريف.. الله يفرجها علينا جميعا ويحقق طموحنا يارب.

تدرسين في الجامعه ٩ ساعات يعني بديتي الدراسه هذا المهم .
والاهم لازم تعرفين مو شرط انو يضمونك . بحيث انهم يدرسون طلبك ويمكن يوافقون ويمكن لا.
لان الان صارت صعبه وفيه ناس دخلو الجامعه ولم يقبلو طلباتهم

لاحول ولا قوة الا بالله..طيب وين نروح لا الجامعات هنا تقبل ولا بعد هناك استغفرالله العلي العظيم الله يكتب الي فيه الخير بس

زي ما ذكر الإخوان إذ عندك تقريبا مبلغ الدراسه كاملا أو حتى السنة الأولى بما في ذلك المعهد ومصاريفك بالماستر يكون أفضل لأن الفترة الحالية الإلحاق صار مبهم و كثير طالعين ع حسابهم انظلموا الفترة الأخيرة والبعض رجع هنا السعودية وخاب ظنهم بالملحقية أو الوزارة بشكل عام , إستخير و إدرس هالشيء مع نفسك وصدقني كل صعب راح يتيسر بإذن الله دام تملك أمل و طموح و حلم

انا تراودني الفكرة حتى ولو قبلت هاذي السنة

انا ابي الماستر في بريطانيا ومقفلينها عشان كذا افكر اروح على حسابي بس ما ادري الانضمام في بريطانيا مفتوح او مقفل بعد

بريطانيا الماستر فيها تسع شهور بس وهذا الي محمسني غير انها قريبه