مراحل المرحلة الحادية عشر من الابتعاث

السلام عليكم

هذه للتوضيح من ناحية التدقيق و الترشيح وش صار معنا في المرحلة التاسعة

الطلب تحت التدقيق 1434/09/06 - 14/07/2013
تم تدقيق طلبك 1434/11/22 - 27/09/2013
تم ترشيحك . 1434/12/25 - 30/10/2013

يعني نحن وضعنا طبيعي لا فيه تأخير ولا شيء

لا وضعكم طبيعي باذن لله تعالى بس صدقوني لا تشيلون همها ..

نقول إن شاء الله ..
دعواتكم ..

المشكلة الان بين مرحلة تم التدقيق وتم ترشيحك

لأن المراحل الماضية على علمي اذا انطبقت عليك الشروط يتم ترشيحك دايركت لكن الان عدد البعثات محصور والمفاضلة شي ضروري وبتاخذ وقت والله اعلم وبعض التخصصات مظلومة في جهة وظيفية تملك عدد ضئيل جدا من البعثات مثل الهيئة المكلية في ينبع

مادري ليش عندي احساس انهم حايسين ومتوهقين والمفاضله والحوسه هذي بتصير اي كلام وبالنهاية كل الي مقدمين بيطلعون بعثه

ان شاءالله

احساسك غير صحيح ههههه

المتقدمين تجاوزوا ال ٣٠ الف مستحيل يسوونها ..
هم ياخذوا الي انطبقت عليهم شروط الوزارة يوزعوهم عالجهات بعدين الجهات على ماتنقي الطلبات الي على مزاجها تاخذ وقت بعدين تاخذهم وتعمل لهم مقابلات وتختار عدد معين ..

يعني لو نفكر فيها ما صار شهرين والعدد كبير يبغالهم وقت خاصة السالفة فيها جهات مو مثل المراحل السابقه ..

ماقول غير الله يزينها وييسرها لنا من عنده ويسخر لنا كل من تولى امرنا

امييين يا رب ..

حرام يستعبدون لو عالاقل يخلونهم يكملون ابتعاث بدون وظيفه الله يسيرها ي رب 😢