مراحل المرحلة الحادية عشر من الابتعاث

يعني من جدكم ههههههه بيحطون النتائج قبل العيد


اكيد هم حطوا النتائج بس مخفيه ووقت لما يجي الاعلان عن القبول المبدئي بيظهرونها زي مايسون بالجامعات


لما يحطون الدرجات بس تبقى لنهاية الاختبارات ويظهرونها كلها ويحطونها مع المعدل ، اهم شيء الشرح !!

خلصنا من سالفة بأقواس وبدون أقواس وجينا لفتح وتقفل 🏽

خلوا إيمانكم بالله أقوى وتوكلوا عليه كبروا هللوا سبحوا نطقاً وكتابتاً ليزول الضغط والتوتر

( أستغفر الله وأتوب إليه )

عاد تصدقون سالفة الأقواس عندي لها تفسير كيسي .. واحد من اخوياي معدله 2.80 من 5 ومقدم لهم افادة وانا معدلي 4 ومقدم افادة .. انا كلموني ورفعت الوثيقة اول ماجات وخويي ماكلموه وحالته فيها اقواس ..

فمن هذا المنطلق فسرت ان اللي عندهم اقواس ماهم مقبولين

مجرد تفسير ولحد ينبرش رجاء

طيب وقتها وثيقتك طلعت ولا ارسلت الافادة ثاني مره

لان شفت كثير وثيقتهم ماطلعت وصاروا يرسلون الافادات

- - - مشاركة محدثة - - -

لديك مايقارب عشرين يوماً قبل نهايه العام,
جرب أن تـتخلص مـن شيء لا يـستحق
الإنتقال معك للعام المُـقبـل"...

جلست اماطلهم لين طلعتها قبل لا ينتهي الموعد وارفقتها ..

لاني رحت لهم للمركز ومعي الافادة وكان باقي لي تدريب ومعي افادتين وحدة من القبول والتسجيل والثانية من الجامعة تفيد بان معدلي مارح يتأثر من التدريب الصيفي لا نظام كليتنا يعتبر التدريب نجاح او رسوب ولا عليه نقاط بالمعدل ..

رحت لهم ودخلت على مدير البرنامج بنفسه ووضحته كل شي وقال لو معدلك خمسه مارح نقبل افادتك .. بجلست اماطلهم لين طلعت وارفقتها الحمدلله

معليش ، انت يعني تكون خريج صيفي ، متى طلعوا لك الوثيقة ؟بعدها بشهر ؟

انا كان عندي تدريب وخلصت وثيقتي قبل اختبارات الصيفي .. وللعلم حطوني خريج فصل ثاني ليش مدري ..
لكن النقطة هنا اني لحقت ارفع وثيقتي ونقول يارب ننقبل لان المنافسة على امن المعلومات كبيرة
واللي بيقول غير كذا لان امن المعلومات تطلبه اربع جهات ولان هيئة الاتصالات طالبة 500 امن معلومات احب اقول لك انت غلطان .. لان هيئة الاتصالات قالت 500 طالب في الاربع + رح نركز على امن المعلومات وتخصصات الحاسب .. يعني ما تقدر تقول 125 فرصة امن معلومات بالسنة .. واللي مقدمين على امن المعلومات كثير لانهم شافوا انها اربع جهات والشي هذا بيسبب تنافس ملعون والدين اذا جاز التعبير

عالعموم انا اشعر برغبة بالتحدث لافراع ما اكنّه من ذاك التوتر الذي ينهش احشائي

احمد ربك جهتكم قالت عدد المقاعد ، هيئة السياحة والتراث ، ماتكلم ولا شيء سكتم بكتم نفسي اعرف من جد الهيئة مشاركة بالابتعاث ولا زينه

حتى متطلبات بس مقابلة !! طيب كم مقعد كم ميزانيتكم شيء ياهوه فكوا الازمة واللي يزيد الطين بله مافي متقدمين كثيرين مره للهيئة احس ببكي

احيانا عدم العلم بالشي افضل من العلم به

انا اهلكني التفكير بعدد المقاعد لين وصلت لقناعة ان تفكيري ذا بيدهورني وبس ومارح يأثر ولا واحد بالمية .. لان بالعقل اللي يختارون مارح يدخلون المنتدى ويشوفون من اللي قلقان اكثر ومن اللي لا .. كل شي بيصير ومالك فيه حيلة

فوصلت لقرار وحلفت بالله ما ادخل الموقع لين بعد العيد واشغل نفسي بالمسلسلات والنوم

فوض امرك لله وخلاص ، انت عملت بالاسباب