مراحل المرحلة الحادية عشر من الابتعاث

طيب اللي بمناطق نائيه او مناطق غير موجود فيها لجان للمقابله الشخصيه كيف يمكنهم اجراء المقابله ؟؟تتوقعون لازم يحضرون او عن طريق السكايبي يفي بالغرض !!!

ياجماعه لحد يفسر على كيفه ويوزع الايام على كيفه خلاص انتظرو بهدوء والابتعاث حبه حبه ماهو شغلة يوم وليله .

عادي جدا يمديهم بأسبوع يسون الاختبارات والمقابلات
بالنسبه للاختبارات وضعها سهل انهم يختبرون مجموعات كبيره مثلا خمسين واحد بفصل
اما بالنسبه للمقابلات الشخصيه لا تتوقعين ان جهات التوظيف عندها لجنه وحده تسوي المقابلات الشخصيه كلها اغلب الشركات عندها لجان كثيره تسوي المقابلات
يعني مثلا ممكن كل شركه عندها عشر لجنات تسوي المقابلات ولو فرضنا كل لجنه تسوي 30 مقابله شخصية بنفس الوقت مع اللجان الاخرى صار العدد كبير وعليك الحساب
والمفاضلة بتكون ع الدرجات اللي حصل عليها المتقدم بالمقابلة
راح تكون في ورقة فيها عدة نقاط مع اللي راح يسوي معاك مقابله وهو يقيمك بالدرجه المستحقة لكل نقطة بالمقاببلة(المظهر الخارجي,الثقة,الالمام بالتخصص,اللغة الانجليزيه,الخ...)
كلامي من واقع تجربتي بمضمار المقابلات الشخصية^_^

بالتوفيق للجميع

المقابلات الشخصية. تشوف المتميز اللي لديه دورات تدريبية . هل هو مؤهل للوظيفة. . مقياس لثقة بالنفس.
وغير ذلك

كلامك صحيح ... بس زهقنا والله يا حماس يا حرق اعصاب
ان شاء الله تطلع النتائج بسرعه وكل الي قدم ينقبل ونرتاح من هالتوتر

والله ان الوزارة تمشي بالعكس

طيب انت بتبعث خريجين جدد مامداهم يجي معهم خبرات ودورات ولغه ومن هالخرابيط
هذي كلها يكتسبها بعد البعثه يرجع وهو فعلاً جاهز للمفاضله ليش تطلبها منه من بدري

والله المفروض العكس يعني ابتعاث طبيعي زي كل سنه وبعد مايرجعون متخرجين يسوون لهم مفاضله افضل درجات ومعدل ودرجة لغة ودورات و و و ، ويختارون منهم الافضل ويوظفونهم عندهم

الله يعيننا بس ويسهل امورنا

اخوي ازلا الكل نفسياته تعبانه من الانتظار

ولافينا للنقاشات التافهه

روح موضوع اخر والا منتدى اخر ولا تزعجنا والا خله قارئ جيد

**فيه ناس **

ليه تتكلم؟؟
ليه تكتب ؟؟
ليه تاكل ؟؟
ليه تتنفس؟؟
نفس الوزن

المنتدى هذا جعل للإستفسارات اما كل واحد يقول نفسيتي تعبانة ما ادري ايش اللي كاتبه الله بيصير وارجوا لا أحد يأخذ بخاطري
وبالتوفيق للجميع

اللهم اميين .. ويوفق الجميع. مو كل الناس م معهم دورات انا اعرف ناس حديثي التخرج ومعنا هنا بالمنتدى وعندهم دورات وانجازات علمية.

الذكي يعرف كيف يوازن بين دراسته وبين تطوير نفسه أول بأول.
الله يسهل للجميع

انا عن نفسي جامعتي كانت يالله تعطينا المقرر وكثر الله خيرها لا انشطه ولا دورات ولا حتى اعمال تطوعيه ، مو كل الدارسين البيئة تساعدهم يكتسبون مهارات
هذا شي والشي الثاني لو انا مقدمه على وظيفة عاديه مهما سووا مفاضلات بكون راضيه ولا اعارض لانهم بيوظفون على مستوى الشخص ومهاراته الحاليه

لكن لما نجي لبعثه فمن العدل والمنطق والعقل ان المفاضله تكون بعد مايرجعون خريجين
لان الجهه ماراح توظفهم الا بعد تخرجهم من البعثه ماراح توظفهم قبلها فمن الغباء انها تفاضل عليهم وتوظفهم بعد ٥ سنوات ؟؟؟؟ خلال هالخمس سنوات كثير اشياء تتغير