ماذا بعد انتهاء التسجيل للمرحلة الحادية عشر ١١

هل تكلمت عن مراحل شخصيا ؟ رجاءً لا تقولني كلام ماقلته .. ثانياً اذا انت ماتبي احد يتبع كلامك ياخي لا تجي وتلوم الطلاب كانك مستبصر على المستقبل وتقول تراني قلت وقلت كانك مصدر رسمي ناخذ منه الاخبار وفي الاخير اذا ناقشناه يقول سترون ومدري ايش كان كلامه منزل من السماء مايخطي ابد ومافي مجال تتغير الاوضاع ابدا !

عزيزي .. القصد من كلامي انو قبل المرحلة ذي من الابتعاث فيه ابتعاث خاص بالخطوط ...

وللمعلوميه الخطوط الغت الابتعاث الخاص بالطلبه فقط اما الموظفين مازال مستمر ..

وكلامك جميل جدا ويؤيد كلامي من ناحية ان الخطوط حصلت من حيدفع تكاليف بعثاتها وبحكم اشرافها على المبتعثين الخاصين فيهم تصير كسبانه من الجهتين خريجين مؤهلين و بدون تكلفه ماليه يعني ببلاش ...

سحبتو على الوزاره وقمتو تهاوشون بعضكم... وكان مراحل هو الوزير ههههههههههههه...فعلا عجيبين

وعلى فكره كمان... انتم مدلعين ..بتطلعون ببلاش ووظيفتك قدامك ولا احد يفصلك وفوق كذا تهاوشون الوزاره وتهاوشون الاعضاء !!!!
ماجربت تشتغل وتدرس بنفس الوقت وفوق كذا تدفع للجامعه... وغير كذا تعض الارض علشان تلقى وظيفه.. وفوق كذا تقعد على اعصابك في اي وقت تنفصل... الى حاب اقوله شويه مسوؤليه.

لاحول ولا قوة الا بالله تركتوا موضوع مراحل الابتعاث وجيتو تتهاوشون هنا

جد يا اخوان ويا اخوات عيب الي يصير
عندكم كلام خاص للعضو ارتقوا وارسلو له خاص عندكم كلام للعاميه قولوه بدون خلط كلام خاص لاحد الاعضاء
النصيحة لها اصول واداب تتغلف بالخصوصية
التزموا بمحور الموضوع بدون التطرق للشخصية البشر انتم اخوان بالاسلام يتعبني قلبي لما اشوف خواتي واخواني المتعلمين وصلوا الى هالمرحلة كنت التزم الصمت لكن الان بصدق ادخل واشمئز احترموا الاعضاء الاعضاء هنا يدخلوا بيشوفوا معاومات تهمهم مو يشوفوا ادله تكذيب فلان وفلان واذا وصلنا لهلمرحلة للاسف لاتفكروا تبتعثون لان الابتعاث قبل يكون تلقي علم انتي وانت تمثل مجتمعك وتمثل دينك
اضطريت اكتب هالنصيحة بالعام لان قلب المنتدى بكل موضوع خصام
الله يهديكم كونوا يد وحده

ياخي ايش قصدك طالعين ببلاش !!؟ اكيد نطلع ببلاش اجل ندفع من جيبنا !! محنا طالعين للسياحة او للتمشية !!

الدراسة ، الشغل ، الوظيفة ، التدريس ... الخ اياً كان جميعها فيها تعب ( ما اعتقد في شيء في الدنيا ما يتعب ) كله يتعب لكن سرنا مع التعود والممارسة ما نحس الا في بعض الامور .

ومشكور على تلطيف الجو .

مدري نصدق الوزارة ولا مصادر المنتدى

الوزارة تقول انه هي اللي عليها الفرز والترشيح المبدئي ( الاولي )

أنا سجلت تعقيباً على الأخبار من أحد الإخوان بأن جهة الابتعاث هي التي تتولى مصاريف البعثة.. أتمنى تحري الدقة في نقل الأخبار. إعلان المرحلة الحادية عشر نص على الآتي:

خطوات #وظيفتك_بعثتك:

تقوم الوزارة بالبحث عن الفرص الوظيفية المتاحة لدى المؤسسات والهيئات في القطاع العام، وذلك بناء على مجموعة من المؤشرات تشمل: أهمية القطاع، وعدد الفرص المتاحة، وتقدير الحاجة للتخصص.
تقوم الوزارة بتوقيع اتفاقية تعاون مع الجهات المستفيدة (الشركاء) لمدة خمس سنوات (مدة المرحلة الثالثة)، والتي بموجبها تبتعث الوزارة العدد المحدد سنويا من إجمالي الأعداد التي تم الاتفاق عليها.
يكون الإعلان عن البرنامج والتقديم عليه من خلال بوابة وزارة التعليم، التي تقوم بعملية الفرز والترشيح الأولي، وفقاً لشروط البرنامج وضوابطه.
تشارك الجهات المستفيدة في اختيار المرشحين لها، بناء على الضوابط المهنية ذات العلاقة بمجالاتها وأنشطتها، وترفع القائمة النهائية بالأسماء المرشحة للابتعاث للوزارة.
تشارك الجهات المستفيدة في متابعة أوضاع مبتعثيها بما يضمن الجودة وتحقيق البرنامج لأهدافه.
يقتصر الابتعاث على المرحلة الدراسية التي تم الابتعاث من أجلها.
تلتزم الجهات المستفيدة بتوظيف الطلبة الذين تم ابتعاثهم لصالحها بعد تخرجهم.​

مما يعني أن جهات التوظيف تقتصر مهمتها على اختيار المرشحين ومتابعتهم ومن ثم توظيفهم والوزارة هي التي تبتعثهم. وهذا إعلان رسمي من الوزارة وموجود على موقعهم الإلكتروني. مع الأسف نشر الشائعات بهذا الشكل يثير توتر بلا أي فائدة ويقلل من مدى مصداقيتكم.

he.moe.gov.sa/ar/studyaboard/King-salman-hstages/Pages/your-scholarship.aspx

من قال انه مطلوب على جميع التخصصات الطبية؟
الشرط في موقع الوزارة تقدر تشوفه بأي وقت ومكتوب مطلوب على طلاب الطب للدول اللتي تشترط ذلك فرجاء لا تدلي بمعلومات مغلوطة

خلوكم مثلي من اليوم ورايح مانيب مصدقه احد حتى عزام الدخيل ، بنتظر لما تطلع النتايج بالموقع وبكذا اصدق ، مليت من الاحباط كل شوي