الموضوع الشامل عـــن [ المقابلة الشخصية ]

هل لازم اسوي سيرة ذاتية؟..انا طالب..وش فيه من سيرة؟..توي متخرج من الثانوي..طلاب ابتعاث سابك ما طالبوهم في سيرة ذاتية.

حبيبتي نورة صباح الخير ، حبيت اسالك ... من جد الاكثر بيكون الي يقابلونا رجال ؟

لان جهة المتعاقدة [ السياحة ] مافيها اصلا موظفات نساء!! فهل ممكن رجال يتقابلون معانا وجه لوجه او خلف شاشة وشكرا

ايوه من الارجح انها رح تكون من قبل رجال ،
لان التخصص الواحد بيكون متقدم له بنات وشباب
فمن المستحيل اعداد لجنتين

غير كذا ، لاتقلقي من كونهم رجال
هما جاين لهدف المقابله معك ، وانتي جايه تثبتي كفاءتك
وبالتوفيق 😘

ان شاء الله تمر على خير ، بس خايفه يستقعدون لي في دكتور بالجامعه طفش اهلي كل ماجاوب على سؤال يسال اسئلة لما ابلم
ما اعرف ارد ولا بكلمة وخلاص اعتبر فاشلة !! اعوذ بالله يارب مانلاقي زي ذي العينه ، شكرا عالجواب

ايوه ، لابد يكون معك سيرة ذاتيه
اساسيات السيرة الذاتيه تكون كذا :
1. أسمك
2. بينات الاتصال الخاصة فيك
3. الهدف الوظيفي
4. التعليم تبعك ( المؤهل )
5. المهارات

هو أنت ابحث بالنت عن كيفية إعداد السيرة الذاتيه
من شان تفهم أكثر ، غير كذا فيه نماذج اطلع عليها

آخر شيء ابحث عن قوالب للسيره الذاتيه >> اقصد فيه التصميم اللي رح تكتب داخله .
واذا حاب انها تكون اقوى خلها باللغة الانجليزيه

واخيرا بالتوفيق لك

= ) أي استشارة بخصوص [ المقابلات الشخصية ]
- تفضل بطرحها ،



، #قريبا نتائج القبول ، دعواتكم لي بالتوفيق
( النصائح الذهبية ستبدأ فترة ما بين القبول المبدئي والمقابلات )

هيئة السياحة والاثار اذا تقصدين فيها نساء انا سبق ورحت لهم في حي السفارات مكانهم ..

وصادف لقيت بنات يسوون مقابلات توظيف عادية في القسم النسائي ..

لكن الابتعاث اتوقع كل الجهات تكون المقابلات مع رجال ويمكن بعضها يكون نساء ورجال لكن مايحطون نساء يسوون المقابله بدون رجال .. الرجال افضل من النساء لنا غالباً تجي نفسياتهم افضل ولا يستقعدون ..

اللي انقبل لايك 😍

الف شكر الصراحه ابدعتوا والله يبشركم بالقبول ولايضيع لكم تعب مجهود رائع . بالتوفيق للجميع

عندي سؤال اليوم تم اظهار النتايج ولله الحمد لكن لم يخبرونا بأي جهه وظيفيه راح نكون فيها فكيف نعرف؟
وشكرا لك