حالة الطلب لم يتم القبول

انا ماني عارفه التضييق حصل في ايه ... الابتعاث العشر سنوات الماضيه كان مفتوح لكن ما كان بالنتيجه المرجوه يعني المبتعث يروح ياخذ ماسنر او دكتوراه مخالفه لامتداد تخصصه وبدون تخطيط منه ويتخرج ... يعني بكالوريوس رياضيات ماستر ادارة دكتوراه ف التربيه ويرجع واذا ما حصل وظيفيه زعل وقلب الدنيا طيب الجهه اللي بتوظفه وتريد تخصص معين كيف تعينه على اي شهاده يتم تعيينه ؟؟؟ ...


وبالنسبه للدارسين على حسابهم الله يوفقهم ويضموهم للبعثه لكن بالمنطق طالب ما حقق متطلبات الابتعاث .. يعني تقديره جيد ف الثانويه او البكالوريوس ويروح بلد الابتعاث وبعد كم شهر يطالب بضمه للبعث لمجرد انه درس كم شهر ... في وجهة نظري اشوف الابتعاث للمتميزين فقط ... ليس حسداً لأحد ولكن خطوة في الاتجاه الصحيح ...

هذا لايعني ان الوزارة لم ترتكب اخطاء ( مثل الدارسين ع حسابهم اللي اخذوا الموافقه من الوزارة للدراسه وحضروا الملتقيات المفروض يضموهم بدون شروط جديده او تأخير )


وبالنسبه للمنح الداخليه قبل شهرين تقريبا وصل تعميم من الوزارة للجامعات الاهليه بعدم طلب تكاليف الدراسه من الطلبه وعليها حصر وارسال الاسماء للوزاره ...


وربنا يوفق الجميع ويسهل امورنا ويفرحنا بالبعثة وتحقيق الاحلام ..

انا ما اوافقك الرأي ان البعثه للمتميزين فقط ،، بالعكس الحياه فرص وبعض الناس تتخرج جيد من الثانوي والله يكتب لها التوفيق وتروح وتكمل دراستها وترجع بأحسن شهاده يكون الله كتب لها فرصه ونصيب. يعني اللي اخفق في الثانوي يجلس خلاص طول عمره على شهادة الثانوي ؟؟!

وكثيييير اعرفهم راحوا على حسابهم وانضموا وكملوا تعليم واتخرجوا

آمين يختي الله يوفقنا جميعاً ويكتب لنا اللي فيه الخير

ممكن رأيي فيه خطأ ولا انكر وجود اشخاص مثل ما قلتي تخرجوا بجيد ودرسوا واتخرجوا والله فتح عليهم ... اعتقد انها نسبه وتناسب ليس من المعقول ابتعاث من حصل على جيد او معدل عادي واضع احتمال انه ينجح ويتميز بنسبه كبيره ... لأن الشواهد موجوده وهي معدله ... لكن الطالب المتميز شواهد تميزه موجوده واحتمال نجاحه وتميزه يكون بشكل اكبر ....

والله يوفق الجميع ويحقق امانيهم

الاخت قانونية قالت الي كنت ابي اقوله واكثر

خلاصة الموضوع ... لاتحكمو بفشل المشروع بسبب تاخير او عدم وضوح او اي سبب ثانوي اخر

وجهة نظري بعثتك ووظيفتك مشروع ناجح جدا .. لاتحكمو عليه الا اذا انتهى واتت ثماره

عزام وزير مجتهد وصاحب رؤية ... برضو لاتحكمو عليه الا اذا اخذ كفايته من السنوات

واسأل الله التوفيق للجميع ..

شوفي اي شي يبدأ يكون سهل بالبدايه زي دخول الجامعات زمان كانو يقبلون 60 والكليات 80 والان الجامعه توصلين95 وفي تعقيدات لانو صار في طلب وقدرات عاليه وكفايه ... يعني صار الظلب اكثر مم العرض عشان كذا المفاضلات وكذلك الابتعاث في البدايه كان سهل وميسر الى المرحله التاسعه مع كذا ماكان في ظلم زي ذي المرحل بكل امانه انت مستوفي لشروط بتروح يعني تروح الان يعتمد ع حظك ونصيبك اكثر من انه نظام ومعايير بس عموما اهتمامات عزام الدخيل بعيده كل البعد عن التعليم العالي هو مكرس جهده واجتهاده ع التعليم العام ولو تشوفين قراراته وانجازاته الي قد تكون يوميا جلها اذا ما كان كلها تخص التعليم العام
عشان كذا مهمشنا ولا داري عن امرنا فقط يوم يخلص الابتعاث اجراءاته بيقول الان انا تم الانتهاء بأنجاز ونفتخر انه تم تحقيق الهدف من وظيفتك بعثتك بكل احترافيه وبدون مشاكل وتم ابتعتث 10 الاف مبتعث .فقط لاغير

بشكل عام الميزانية ما لها دخل فالموضوع والدليل ان عدد المبتعثين ماتغير عن السنوات اللي قبل 10.000

اللي تغير هو سياسة الدولة ..
يعني ومن غير تعميم الدولة خلال المراحل السابقة وجهة عدة مشاكل السلبية
1 - فساد أخلاق بعض المبتعثين وسوء مستوياتهم الدراسية نتيجة عدم الرقابة لطلاب

2 - دخول كثير من المبتعثين في تخصصات لا تفيد سوق العمل وبرنامج الابتعاث ليس ملك لشخص المبتعث حتى تكون له حرية اختيار التخصص بل هو ملك الدولة وهدفها رفع مستوى الكفائة لدى الطلاب مما يأثر على تنمية البلد واقتصاده وحضارته ..
تبغا تدرس تخصصك الخاص اطلع على حسابك

3- دخول بعض المبتعثين في جامعات ومعاهد سيييئة جدا وتتفوق عليها جامعاتنا المحلية ومعاهدنا

4- بعض تلمبتعثين نتيجة لأحد الاسباب السابقة أو غيرها عند عودته لا يجد فرصة وظيفية ومن ثم يتهم الدولة في تقصيرها

وغير ذلك من الاسباب
جعلت الدولة تغير سياستها مع البرنامج
كويس انهم ماقفلوه هههههههههههه

المهم ركزوا معاي اني كنت مركز على كلمة ( بعض)


وعسى الله أن يختار لي ولكم مافيه خير
للبلاد والعباد ..

والله المشروع فاشل فشل ذريع كان ممكن ينجح ويكون توب لكن التخطيط والتنفيذ اكبر غلط
لو الوزير فيه دم على الاقل بعد هالتخبط الي صاير وخصوصا ع البنات الي فتحوا لهم التقديم وبالنهاية اسفين مانبيك يخلي للبقية المطابقين للشروط وما اخذتهم الجهات ابتعاث حر مثل السنوات الي راحت
لكن استبعد هالشي منه

عموما كلها توافيق من ربي وأقدار ، يكفينا سعينا وبذلنا بالأسباب والله وحده الي يختار
اللخبطة الي صايرة مسيرها ربي قبل كل شي

انا عن نفسي طابت نفسي وبدات في ترتيباتي للخطة ب والله ييسر امري وامركم اجمعين ️️