إجراءات الجهات الوظيفية !!! هـــام للجميع !!!

المفترض يكون في محاسبة في ذا البرنامج للجهات المقصرة والغير ملتزمة سواءً من جهة الوزارة او من جهات العمل ويحاسبوهم على التاخير والمماطلة !! ( اذا هم مايحترموا الناس ويحترموا اوقاتهم اللي ضاعت على حسابهم ) وبدون اي اعتبار لهم. يعني معقولة نص سنة وما اعلنوا عن النتائج ( نص سنة!!!) هذه تعتبر جريمة برا . ولا ، ايضاً بدون وظائف او دراسة !!! .

للاسف الان ادركت نعمة البرنامج اللي قبله ( في ذا الوقت نكون خلصنا الملتقيات ) وكل واحد يكون مستعد للسفر.

لكن عندنا كالعادة فجاة يطبقوا نظام جديد بدون اي دراسة مسبقة وسوء تنظيم ونحن نكون الضحية.

الله يعيننا ، ويعديها على خير .

لابد بداية كل نظام جديد يكون في عقبات ...
(وظيفتك - بعثتك) قفزة نوعية لاااااازم تاخذ دورتها كاملة في الإجراءات المطولة التي يمر فيها كل نظام مستحدث ...
نحاول نلتمس العذر حتى تهون على النفس ...
بس نقعد نتحلطم ونتأفف وهذي الوزارة سوت وهذي الوازارة فعلت ماراح نوصل لشيء بالعكس يضيق الصدر وينفذ الصبر ويزيد التشاؤم ...
أدري أدري الكل منتظر ( بما يرجع به المرسلون )
بس مافي يدينا غيرالصبر وما اشتدت إلا فرجت ...
وأكرر انتظرنا ٦ شهور ماراح تفرق اسبوعين او ثلاثة ...
وتأكدوا أن الخيرة فيما أختاره الله ...

أخ شموخ ممكن تفيدنا إذا عندك مصدر مطلع , متى بيتم الإعلان عن نتائج الترشيح النهائي ؟

شكراً

كلام سليم الله يجزاك خير
وكل تأخيره فيها خيره واللي رايده رب العباد هو اللي حيصير سواء اليوم او بكرا او بعده
فتفائلو بالخير تجدوه لاتتوترو وتجلسو على اعصابكم لانكم ماراح تستفيدو شي
صحيح الموضوع طول بس ان شاء الله يكون في صالحنا ..

نبغى نعرف مواعيد القبولات النهائيه ومتى راح نطلع لدوله الابتعاث مشان نضبط وضعنا من الحين ، خاصتن ان بعضنا عاطل والاولى انه يشتغل له بوظيفة ولو بدون تأمين بسس المشكله مانعرف المده الي بننتضر فيها ولو حتى نسبيه

للاسف احنا دايم ضحايا مافي حسيب ولا رقيب عليهم ليتني لحقت على ابتعاث السنوات اللي راحت كانت من أفضل برامج الابتعاث وايسرها ...: وين هيئه الرقابه والتحقيق هذي شغلتها قاعدين يلعبون بارزاقنا

الصبر الصبر الله يفرحنا بالقبول النهائي

والله مافي الا انهم لعبوا باعصابنا ، وحرقوا دمنا لكن على الله ، الله يسير لنا الامور .

ملاحظات هامة :
1- النتائج راح تظهر تدريجيا .
2- المرحلة القادمة الملتقيات .
3- النتائج النهائية بعد بداية السنة الميلادية 2016 .
4- بعض الجهات لديها مقابلات في أواخر ديسمبر .
5- أعداد المقبولين النهائيين لدى بعض الجهات حسب الاحتياج .

إدارة مبتعث تتمنى لكم كل التوفيق والنجاح .

اخوي شموخ الله يعطيك العافية ..
لكن النقطة رقم 3 و 4 ما فهمتها
هل تقصد في النقطة رقم 3 انه الإعلان عن اسماء المقبولين النهائيين بعد السنة الميلادية؟ ولا نتايج ايش بالضبط ؟
اما نقطة رقم 4 طبعا هنا تقصد الجهات الي ما انتهت من مفاضلتها صح ؟