فيلادلفيا ؟؟

يمكنك أن تبحثي ب قوقل
ولكن من شروط الارتياح في السكن
1-منطقه هادية وأهلها متفتحين بعيده عن الجرائم والعنصرية لأنه يساهم في الارتياح وخاصة الأطفال اذا عندك طفل فوق 8 سنوات يبي يكسب صداقه وانتي بعد مو حلوة تقعدين طول مدة الدراسة أو الغرض الي انتي جايه عشانه بس البيت الجامعه الجامعه بيت راح تحسين في ملل بعدين ودج تطلعين تكشتين تكسبين أصدقاء تزورينهم يزورونج ولدج يلعب معاهم وهم يلعبون مع مولدج ولا راح تحسين بضيقه وما يكون عندك روتين اكيد تفكرين تقولين أتمشى اروح السوق سينما ايه وبعدين؟ ماراح يكون فيه شي ونفس الشي تروحينه أكثر من مرة راح تبط جبدك
2-منطقه قريبه الي الجامعه الي الحد المسموح به ولكن الأهم الهدوء يعني ما تجي الجامعة في وسط المدينة وانتي راح تسكنين في وسط المدينة عشأن الجامعه قريبه لا يوبه اروح بعيد وأرتاح احسن من أسكن في منطقه ما يجيني النوم فيها واذا ما جاك النوم ما تركز بالدراسة
3-قريب من محطة القطار ولكن مو لازق عند منطقه القطار عشان صوت القطار ما يزعجكم
4-قريب من سوبر ماركت ومراكز بيع الأغذية
5-قريب من منتزه لأنه كما تعرفين البحر و مناطق الطبيعيه(منتزه ) تمتص الطاقة السلبية
وعدة أسباب لكي تحدد مكان الي تسكن فيه مو على حسب الإيجار الحين واحد يعطيك بيت كامل ب 900$ ولكن يجيب الغم والحزن والضيق وعدم الارتياح وواحد يعطيك شقه ب 3000$ ولكن ترتاح فيها وتستانس فيها ويوم تبي ترجع لدولتك تحزن انك تبي تترك المكان هذا لما يحمل من ذكريات جميله التي حصلت معاك وخاصة منظرة الخلاب
يعني بالمعنى الأصح و الاوضح لا تشوفين السعر وشوفي إمكانيات السكن

اختي كم شخص معاك وكم المدة

......
معاك حق ... حاليا هأروح لوحدي ...
ملاحظة انا ولد هههههه واسمي رائد ..
ربنا يرفع قدرك ويسعدك ...
أشوي متضايق الكلام كثير وبعد مو منطقي وكل واحد يقولك سالفة ...

لا لا ابد مو حاب أسكن مع عائلة ...
طيب السكن في سكن الجامعة ممتاز كثيرين يشتكوا منه ....
أما الشقة مع شباب مو مشكلة لو قدرت أخذ غرفة مستقله انا بفضل كذا ...

مو حكاية معدوم اللغه بس أحس الخصوصية شويااات مطلوبة ... اما من السعودية

الله يبقيك ويرفع قدرك...
حقيقي لساتي ما بديت بس حاط ببالي كذا معهد في بنسلفانيا وجالس أجمع معلومات زي منت شايف

الله يوفقك اخوي انت يبيلك تأسيس في الاختيار المناسب اذا تسمح اخوي على أي قرار اتخذت فلادليفيا ؟