بعثتك على أمريكا؟ أدخل هنا إســـأل! المرحلة الحادية عشر #وظيفتك بعثتك

أعلم .. وصلت إلى مرحلـــة الحيرة القُصوى !!
إستخير فـــــي أمرك وَ إذا كنت مرتاح لهذا الأمر، إعزم وَ إحزم أمرك وَ توكل على الله علـــى هذه المدينة لأنه يتضح بأنك ترغبها بشدة ..

لعلمك، أعرف طالب تخرج هذه السنة وسكنه طيلة السنتان وَ النصف السابقة في هذه المدينة وَ لكن الرجل هذا من عائلة تعتبر ثرية ماشاء الله
ومسألة السكن وَ الصرف كانت غير مُهمه بالنسبة له، وَ الرجل حسب ما أذكره كان يمدح المدينة كثير ..

الله يسهل أمرك ,,

السلام عليكم
كيف حالك اخ حروف
عندي سؤال اذا تعرف
وش رايك بولاية كولورادو بشكل عام وبالذات مدينة دنفر وهل المعهد اللي فيها
ESL Academy University of Colorado Denver
جيد ام لا ؟ لان في موقع الملحقية متكدس لكن متاح لنا فما ادري احس ان المعهد المتكدس بالسعوديين له سلبية ان ما تمارس اللغة بشكل اكبر مقارنة بالوضع لو كان اغلبه اجانب
عموماً ياليت تقول رايك بخصوص هالنقاط ..
وشكراً جزيلاً على تفاعلك الجميل مع الطلاب..

وعليكــــم الســــلام وَ رحمــــة الله وَ بركاته
حياك الله وَ يا هلا فيك أخوي ,,

من الولايات الجميلة في أمريكا ولاية كولورادو، لأنك تشوف الفصول الأربع في مُدنها وهي من الولايات المُحببه بالنسبة للسعودين ..
حقيقة المعهد ماعندي أي خلفية عنه وَ لكن هذا الموضوع يتكلم عن المدينة بشكل عام:
http://www.mbt3th.us/vb/forum40/thre...l#.VvjD8xgcaRs
الموضوع بالأعلى به عدة روابط لمواضيع مختلفة .. والروابط بالأسفل باقي المواضيع:

http://www.mbt3th.us/vb/forum40/thre...l#.VvjDERgcaRs
http://www.mbt3th.us/vb/forum40/thre...l#.VvjDnBgcaRs
http://www.mbt3th.us/vb/forum40/thre...l#.VvjDphgcaRs

وَ هذا الموضوع عن المدينة ويعتبر تجمع لطلاب المعهد:
http://www.mbt3th.us/vb/forum40/thre...l#.VvjDSxgcaRs

الطلاب السعوديين وَ العرب لا مفر منهم صدقني، ستجدهــــم في كل معهد بأمريكا بعد تضييق الملحقية بإغلاق بعض الولايات في السابق، وهذه الولاية تم إيقاف عدد كبير من المعاهد.
لذا، أعتقد بأن العدد أصبح أقل من السابق، والمدينة جدًا مرغوبه من الطلاب ..

سبب وجود السعوديين في مثل هذه المعاهد يعود لثلاث أسباب من وجهة نظري:
معاهد الجامعة قوية مقارنةً بالمعاهد التجارية ..
معاهد الجامعة تؤهل لدخول الجامعة إذا تحصلت على قبول مشروط بإنهاء مستويات المعهد ..
رسوم معاهد الجامعة عالية مقارنةً برسوم المعاهد التجارية لذلك أغلب الطلاب من الدول الأخرى يُفضلون الدراسة في المعاهد الرخيصة لأنهم على حسابهم الخاص ..

أنا درست سابقًا بمعهد يتبع لجامعة وَ عدة معاهد تجارية ..
معهد الجامعة إستفدت منه بالذات في المستويات العُليا منه .. معهد ELS تجاري وَ لكن كان ملائم بالنسبة لي وَ إستفدت منه ..
باقي المعاهد التجارية ماهي إلا مضيعة للوقت للأسف وهدفها ربحي بحت !

أتمنى أفدتك..
بالتوفيق ,,

شكراً جزيلاً اخ حروف كفيت ووفيت
انا خلاص المدينة بنسبة 99% مقرر اروح لها
الله يوفقك وجزاك الله خير ..

الله يعلم اخوي حروف المدينة ماتهمني ابد
الا هامني المعهد
يعني المعهد الا عاجبتني فيه انه اكاديمي اي تبع جامعة و اللفل الواحد 12 اسبوع
باقي المعاهد الاكاديمية الغالبية منهم 15 اسبوع
والبعض 9-10 اسابيع بس لفلاته تشوفها قليله 5 لفلات تقريبا

انا انجليزيتي ولله الحمد جيدة يعني اتوقع ان شاء الله اذا رحت امريكيا ان ابدأ اما من اللفل المتوسط او اخر لفل في المتوسط ( وانا ولله الحمد ادرس الان في معاهد وول ستريت انجلش )

اما من ناحية المدينة مو مهتم مره لان اصلا فيه مدن اكثر جمالا من بوسطن ( انا واحد مايحب اطلع لا يمين ولا يسار بس احب الطبيعة ) وبوسطن ماتعرف الطبيعة خير شر

أنا ماقررت اكيد ولكن الا بخليني اقرر هو الضمان المالي
اذا وصلني خاص بالمعهد الا اخترته فكده خلاص بقرر اروح بوسطن اما اذا جاني عام ( لجميع الجهات ) هنا احتمال افكر بالتغيير ماودي اطلب ضمان مالي لمعهد اخر لان بياخذ وقت طويل وراح اتأخر
هذا الضمان الاول صارله 11 يوم ولا جاني شيئ فما ابي ااخر نفسي زيادة.

من ناحية الأسعار تعتبر غالية جدا بالنسبة لي شخصيا
عائلتي ليست بالغنية بل هي من ذوات الدخل المتوسط

وسألت الاهل اكثر من مرة وقلت لهم ان دراستي في هذي المدينة راح تكلفكم مبلغ وقدره -_- ( ما أتوقع يقل عن 30 الف سنويا واتمنى اكون مخطأ اتمنى توقع المبلغ السنوي منك اخوي حروف...)
لكن في كل مرة يقولوا لي اختر المدينة الا ترتاح فيها والمعهد الا ترتاح له. ونقطة الفلوس مو هامتنهم ولله الحمد.

لكن المسألة مو مسألة فلوس
المسألة مسألة قوة معهد و راحة نفسية و غيرها من الامور
يعني لو يحصل لي معهد ممتاز في مدينة جيدة بالتأكيد لا افرط في الفرصة

أنا عارف كثير قالوها أن المعهد مهما كان ماراح يعطيك أكثر من 30% وان 70% او اكثر راح تكون جهد شخصي
أتفق كليا مع هذا الكلام

ولكن أنا احد الاشخاص الا اذا يدرس في معهد او مكان ماحد يمدحه او بختصار حتى لو ممتاز بس ما ارتاح فيه...راح يكون صعب علي أتأقلم مع الوضع وراح يأثر في دراستي ويمكن حتى يسبب لي الأحباط ( لي تجربة سابقة مع هالأمر )

ولكن إن شاء الله إذا وصل الضمان راح نشوف ايش نسوي
وان شاء الله مايصير الا الخير

اقول بلاها بس .. المدن الي حوالي بوسطن فيها طبيعة لكن غالية انا قلت لك وبكيفك..و30 الف ماراح تكون سنوية ابشرك راح تكون شهرية ..عندي مايقارب 14 شخص يدرس فيها كلهم يعانون بس ميزتهم انهم عزابية وساكنين مع بعض كل 4 او 5 لجل يوفرون.. ساكنين في مولدن او ميدفورد اقرب شي لبوسطن وهناك قطارات يروحون لبوسطن الجامعه حقتهم..
وواحد متزوج وله ولدين .
وساكن في ميدفورد جنب محطة القطار 5 دقايق.
شقته ضيقة حيل غرفتين مع صالة صغيرة وحمام عزك الله ومطبخ صغير. ب 2400 دولار

قد اعذر من انذر
والله يوفقك

أخوي اشكرك على اهتمامك
ولكن اسمح لي انت تبالغ في الاسعار وبشدة :/
انا الاستديو مع الكهرباء و الماء و الانترنت اذا مرة ماراح يعدي 2000 دولار
يبقى عندي 600 دولار تقريبا راح تكفي ان شاء الله

اضافة وش الا 30 الف شهرية ؟ إنت اكيد تمزح

شوق مواقع الشقق مثل rent و zillow و Apartment guide
أبحث فيها عن بوسطن وحط السعر من 1000 الى 1600
وراح تشوف الكثير من الخياريت
اسمح لي اخوي الشخص الا 30 الف ريال تكون شهرية بالنسبة له هذا شخص تخطى حاجة اسمها اسراف ووصل الى ابعد من ذلك

إضافة اخوي انا راح أدرس في بوسطن فترة اللغة فقط والتي اعتقد الا تتجاوز سنة واحدة
اضافة من المبكر ان اجزم بالذهاب الى بوسطن قبل وصول الضمان المالي
ولكن في حال وصول الضمان المالي خاص بالمعهد في بوسطن فلا ارى مشكلة بالذهاب

بالتوفيق انشالله وربي يحفظك

الله يوفقنا ويفقك ويوفق الجميع ان شاء الله
والله يكتب الا فيه الخير

أنا أبغى أقدم على أكثر من جامعة فأحتاج أكثر من ضمان، هل إذا طلبت واحد ثاني ينلغي الا قبله؟ مع العلم إني جربت أحط "إلى من يهمه الأمر" بدل جامعة محددة بس رفضوه وطلبو تحديد الجامعة. غير كذا في جامعة قبلتني بس وضعت تخصصي مفتوح وقالت لي لازم أخلص بعض الكورسات وبعدين يدخلوني بتخصصي، هل هذا يؤثر على إصدار القرار؟ هل ولايةIOWA وبالتحديد IOWA CITY مدينة مناسبة للإبتعاث؟ وما رأيكم بجامعة IOWA وجامعة CU boulderوالولاية؟ شكرا لكم وأتمنى الرد