:: ابي اشتري لابتوب ومحتـــــار؟! ,, ادخل وتعرف على اخر المواصفات وافضل الاجهزة!! ::

اخوي ياسر انا عندي جهاز توشيبا تكرا A-7 tdi يبيله شغل واجد اولهاwindows جديد
والجهاز شاريه قبل 7شهوور وفيع عطل مادري وش هوه وديته محلات صيانه كثيره ويقولون وده
للمكان الي اشتريته منه والمشكله انا بعيد عن الرياض مكان الضمان وبرحع بعد 9ايام
وسفرتي بعد 13يوم وش تنصحني جديد ولا اصلحه.<<أرجو الرد في اسرع وقت>>

انا اشتريت لاب توب من دل وبعده بكم شهر شفت مواصفات جدا اقريبا نفس الشي من ايسر لكن ايسر اقل من جهازي بالف تخيلو الفرق الف على نفس المواصفات يعني كاني دفعت الف زيادة على اسم الشركة
صراحة شراء لابتوب من ايسر مرة يبرد القلب لان تحصل مواصفات عالية بسعر مغري مقارنة بالماركات الثانية وكمان الماركات الثانية دايما يسوون دعاية عشان كذا لابتوباتهم اغلى مع ان نفس المواصفات
بس الناس اللي ما يعرفون يختارون جهاز ينظرون الى السمعة الشركة وهي كمان تأثر بس الاذكياء يعرفون يشترون لابتوب باعلى مواصفات لاقل سعر ولا يعتمدون على الاعلانات ولا على سمعة الماركات

انا في رأيي المواصفات اللي ارشحها لاي لابتوب core 2 dou 2 ghz
1024 DDR2 RAm وتاكد الرام تكون قطعة وحدة وتاكد من امكانية تطويرها في المستقبل الى 2 جيجا
الهاردسك ما يكون اقل من 60 وانصح بشراء هاردسك خارجي اضافي وتخزن فيه اي شي تبيه بدلا من الهاردسك اللي بالجهاز لانه صحة الهاردسك وكل قطعة داخل الجهاز تاثر على الجهاز نفسه
اذا تحتاج محرك الاقراص يكتب سيديهات او تحتاج كمان يكتب DVD اما اذا ما تحتاج مافي داعي تضيف فلوس على اشياء ما حتحتاجها
اذا الابتوب فيه ازرار من برا تخص الملتيميديا فمعناته هذا غرض تصنيع الابتوب واستعماله يعني يناسب الناس اللي يشاهدون افلام على اللابتوب
الشاشة انا افضل 14 انش لا اقل ولا اكثر ومهم جدا تكون عريضة يعني 14.1 انش بس في ناس تفضل اكبر واصغر على حسب الاذواق

والله يا جماعه أنا أظم صوتـــي لأخوي طالب السعوديه أيســـر لا يعلى عليها من ناحية المواصفات والسعر والشكل .

ولا يفوتكم أيسر الجديد بتحصلونه بس في جرير أنا إن شاء الله أبأشتري واحد مثله
, وهم الوحيدين الي مسوين عليه عرض على كلام واحد من الشباب .

مميزاته :
الرام 1 غيغا تقريبا

المعالج : كور 2 ديو سنترينو , الجديد ثنائي النواة

سرعته تقريبا 1.7

الشاشة فيه 14 و 15 كريستال

كرت الشاشه : 251 تقريبا

الهارد ديسك : 120 غيغا

معاه كميرا مدمجه دقتها : 1.3 ميغا بكسل واظحه جدا عن مثيلاتها

.ويندوز فيستــــا

بلوتوث / وايرلس/مدخل للتلفزيون/4مداخل يو إس بي/قارئ وناسخ دي في دي / ومدخل لشرايح الجيل الثالث للنت أتوقع / ومدخل للمومري للجوال وشريحته
وغيرهــــا

ووزنه والله خفيييييف لأنه مصنوع من مواد خفيفه أخف من الموديلات الي قبله .


وسعره في حدود الــ : 3000 ريــال بـــــــس :120:






بس زي ماقلت لكم أيســـــر والله ما ينتفــــــوت

ولقد ذكرت معلوماته للفائده ولا أحد يفهمني غلط .









سلامي لكم وأتمنى إني أكون أفدتكم . :89:

بسم الله الرحمن الرحيم


بصراحه انا بشتري جهاز ديل وغير كذا كل الي سألتوهم قالو حلو جبت مواصفات وكل شي وعلى مواصفاته سألت كم خبير حاسوب قالو زينه وحلوه والديل نوع Xpsأفضل من Inspironوالاهم من كذا افضل نوع كروت الشاشه هوnividia افضل من الانتل وAtiوكمان على حسب ماقالو ان الديل نادرا مايخرب والحقيقه التوشيا تخرب بسرعه انا عندي واحد وخرب لكككككككككككن المشكله سمعت ان الديل شركه يهوديه وهذا الي مخليني ماشتريه الى الان يجي بعد الديل من ناحيه الافضليه الHP والتوشيبا بالاخير والافضل مانشتري ويندوز فستا نشتري linuxلانه قابل للتغير بعد كم سنه لو تبغين تحولين ويندوز فستا بالمستقبل لان ويندوز فستا الان مو كل البرامج تشتغل عليه
لكن السوني غالي جدا وقطع غياره غاليه في حال خرابه وسعره الغالي يرجع لاسم الشركه فقط على حسب ماسمعت

ياخى تنصحنى اشترى الجهاز من السعودية ولا من كندا اذا جات البعثة ان شاء الله

مساء الخير بعد ثلاثة ايام , ان مقدم ابتعاث ان شاء الله على بريطانيا وا شاء الله اكون معاكم دايم على الخط , واساعدكم بخبراتي.
خبراتي:
العمل في شركات حاسب الي مبيعات وادراتهاواعرف كيف الفنك كله وكيف تتلاعب بالزبون لو جاء يشتري توشيبا ما يطلع إلا بشنطة acer ,hgu;s>
العمل في محلات صيانة الحاسب لمدة سنة إلا شوية" مساكين الزباين وخصوصا اللي ماعنده خلفيه عن الحاسب ، يصرفونه مهندسي الحاسب سواء المتخصص أو المتعلم الجديد قانون الصيانة الاسهل تعلم والاكثر فلوس " صحيح اني بزعلكم بس ان المهندسين الاجانب يتلاعبون باسواق البلد.
المفيد والمختصر وخصوصا ان الاذان عندي يؤذن اقول:
جميع الاجهزة اللابتوب في العالم واتحدى اي مهندس فهمان يعارض كلامي 80% من الاجهزة تصنيعها واحد.
acer جهاز جيد وسعر مواصفاته أقل من النصف في الشركات الاخرى أو بألف ريال.
toshiba جهاز ممتاز ومواصفات وضمان محترم بس الحجم كبير وكي بورد في التكرا بيضاء سيئة
والباقي أكتبه بعد الصلاه.

صلينا والحمدلله،
نتابع المواصفات
acer جهاز جيد وسعره حلو بس متانة الجهاز ضعيفه جدا يعني لو تحطه تحت كفر سيارة ينكسر.
Toshiba مواصفات عالية في الاجهزة الجديدة وضمانات شركاتها ممتازة وفيستا محمل جاهز وتصميمها جيد عيوبها الحجم الكبير والكي بورد البيضاء في التكرا الجديد بالإضافة إلى الوزن الثقيل في الحمل وأزيدكم إن Toshiba يشتريها غالب السوق السعودي لأجل السمعة فقط وصراحة ان الاجهزة الحديثة مايمدحونها واللي ناوي يشتريها يبحث عن الموديلات النازلة قبل سنة ديو سنترينو.
dell يعتبر تصويت الأخوة في الموقع صائب حيث ان الاجهزة الحديثة تعتبر ممتازة جداجدا حيث ان تصميمه انيق نوعا ما ومتانة الجهاز جيدة ومواصفات عالية وراحة استخدام في الكي بورد بدرجة عالية وسعر معقول جدا مقارنة بالتوشيبا والسوني.
asus جهاز عملي جدا زي مايقول حمار مكده عزكم الله وموصفات ممتازة وشركته واضعه عليه ضمانات وامتيازات راقيه جداجدا في الضمان واستبدال الجهاز بسرعة واعطائك جهاز بديل وقت الصيانة بس العيب ان الشركة لاتوجد الا في المدن الكبرى الرياض والدمام وجدة ومرغوبة حاليا بشدة وأسعارها عادلة.
LG تعتبر اجهزة لابأس بها ولها زبائنها وتعتبر أقل من التوشيبا بقليل وأعلى من acer إلا ان العيب في تسويقها من الشركة ذاتها ولا أدري عن ضمانتها.
hp الاجهزة المنتجة في الشركة ذاتها تعتبير اجهزة عالمية فعلا وحتى اجهزتها الصينية الان تعتبر راقية جدا وخصوصا الاجهزة الحديثة الان تعتبر افضل موديلات تصميم في الشركات ونزل منها في السوق الشهر الماضي موديلات مختفلة بأسعار متفاوتة و تصاميمها فظيعه جدا وتجيب الهبال.
compaq هي بنت hp لكن عموما تعتبر موازية لأجهزة acer الصينية لكن موديلاتها الحديثة تفرق في كرت الشاشة nividia و السماعات من شركات عالمية فخمة والشاشات وايد سكرين وسعراها حليوة.
sony الاجهزة الحديثة فقط أعرف انها ممتازة جدا بس المشكلة في مخباك هل يقدر يدقق الفلوس ولا لا.
SIEMENS الاجهزة الالمانية منها هي اجهزة ممتازة وعملية جدا وخصوصا موديلات FUJITSU ولكن الاجهزة المجمعة في الصين سيئة جدا وثقيله ومواصفاتها ضعيفة ويفضل اللي بيشتريها ياخذ شاشة صغيرة وافضلها 13.
بالنسبة للاجهزة الامريكية ماعندي عنها خلفية لانها ماتمشي في السوق السعودي بكثرة IBM .

عموما انا في الخدمة لااستفسار عن الاجهزة ومحلات الحاسب والانترنت وخدمة لمنتدى مبتعث ورواده على البريد (تم حذف الإيميل لأن عرضه مخالف لشروط المنتدى)

الى الان لاب توب توشيبا الفائز ههه
بس على علمي مميزات سوني افضل !!!

انا توشيــــــبا " حبيب ألبي " ... من جد مستحيل اشتري ماركة غيره ,,

رغم اني جربت استعمل سوني , HP , و آيسر في الشغل ,,, بس مافي شي ملا عيني زي toshiba ,,,

بصراحة الي يبغى جهاز له و للزمـــان <<<< يشتري توشيبا