صور من الطائف..بعدستي..

اختي سارة .. السلام عليكم .. ردي هذا عبارة عن فلسفة قاعد اتفلسف عليك شوي بس تحملي ابسوي نفسي فاهم شوي ..

الصراحة ولاحظي (الصراحة) لا مجاملة ولا شي انا ما اعجبني من الصور الا الصورة الاخيرة ...

ليه ؟؟

طيب بقولك ليه ..

أولا لا الصورة تعبر عن البساطة (وذلك من خلال وجود بيت قديم وسيارة قديمة .. اتوقع كامري موديل 94 )

ثانيا وقت اخذ الصورة مناسب جدا والظاهر انه في الساعة السادسة والنصف صباحاً ( ومدري وش اللي مقومك)

ثالثا باين (ولو قليلا انك معدلة شوي على الصورة) وهذي ليست مذيبة مني ولكن لعل الفوتوشوب خانك شوي وطلع إمالة أعلى الصورة .. عشان كذا دريت انه فيه تعديل ولا أخوك درج قاعد ..

رابعا الصورة (من رأيي الشخصي قمة الروعة ) وتزيد روعتها لو ان هناك احد جالس على الدرج (طفل مثلا) ..

عموما أتمنى لك دوام التوفيق والنجاح في الدارين وأتمنى أن أحصل على باقي صورك ..

تقبلي فائق احترامي وتحياتي..

أخوك/ محمد2007

أنا شفتها من زاوية ثانية ..إن السيارة حديثة و البيت قديم ..
لكن إنت لقطتها ..أنا قاصدة إن السيارة تدخل بالصورة..و هذا اللي إنت لاحظته..
مرة ثانية توقع صحيح ما شاء الله ..و دقيق..
و ليش قايمة الساعة ستة ..نظام سياح ..
و البرنامج يبدأ في هذا الوقت<< إجباري ولا ما ألحق على الفطور ..
أكيد تأثيرات الفوتوشوب باينة ..بداية من التأطير ..
كاميراتي ما هي بامكانيات عالية ..و الفوتوشوب يكمل النقص في الصورة..
و بالنسبة للغلطة(التمويه) في أعلى الصورة ..
انتبهت لها بس ما في أعيدها مع إن عندي الصورة الأصل<< كسلانة ..
فكرة حلوة ..لكن أحيان ما أفضل أدخل العنصر البشري في الصورة ..عشان لا ياخذ الاهتمام على المكان..
الصور هذه قديمة ..تقريبا من خمس سنوات ..و لي فترة متوقفة عن التصوير..
بانتظار اشتري الكاميرا الحلم(قريب إن شاء الله) و أصور لكم جدة..
عندي مجموعة من الصور (ما تجمل ) ..بارسل لك الرابط على الخاص إن شاء الله..
شاكرة مرورك محمد 2007و تحليلك الجميل للصورة..
و يسعدني إن في ناس عجبتهم الصورة..و يسعدني كمان إن في ناس ما عجبتهم ..المهم لا أحد يجامل..

على فكرة ..الصورة اللي في توقيعك روعة..

و عليكم السلام الماجد..
هلا بأهل الطائف..و ننتظر تصويرك لجدة..
أحسن ..عشان ما يقدروا يستخدموا الكمبيوتر و يكتبوا أي شي ضد البنات..

ما أدري و الله ..ما أدل الشوارع ..بس الوالد كان بيورينا بيت كان له فيه ذكريات ..و هذا البيت قريب منه ..و عجبني..
شكرا الماجد على المرور ..

قمة الروعة يا سارة وأتمنى انك تحصلي على الكاميرا (الحلم) قريبا باذن الله ..

وبالمناسبة شفت الصور اللي أرسلتيها على الخاص وهي ممتازة جدا .. وعندي بعض الاسئلة سأرسلها لك على الخاص ..


ارجو اني ما اكون ثقيل ...

أخوكــ / محمد2007

غير مسموح لي بارسال رسالة لك على الخاص .. لذلك ارسلتها على البريد ..

بالله عليكي ساره ثاني مرة لا تصوري التصوير المحترف هذا عشين لا الاجانب يغتروا و يجيوا الطائف و بعدين يصدموا بالحقيقة

مرة رحت الطائف قلت آآه بس لو حقوق الحيوان تجي ؟؟ << قصته في حديقة الحيونات بالطائف تبغي تسمعيها اطلبي

و بعدين البرشومي دا ما يحتاج لمن تروح الطايف شيين لازم تسويها ... تقطف برشومي و تتصور مع القرد

بس الصورة الاخيرة تعكس المدى الحضاري اللي وصلنا اليه في المملكة ( ابو سعد و ابو عواض ) ههههههه شعب لازم يخرب يهوي التخريب

و يسلمو عالصور الفلللله

باحبي للطائف واهله ..


مو كأن اخر صوره في وادي النمل ؟؟؟

الله يعطيكي العافية فعلن صور رائعة .. وقمة في الاختيارات...




وشهيتينا في البرشووومي واياموو ,, وافتكرت التوت اللي يبسطوا فيه في الطائف ...




الله يردنا للسعودية بالسلامة.... وثانكس على الصور الروعـــه...

شكرا أخ محمد 2007 على مشاهدة الصور و التعليق..
و ما في أحد ثقيل في مبتعث..
بالنسبة لملاحظتك على حقوق الطبع ..ما فاتتني ..الحقوق محفوظة ..أنا مسجلة صوري بالموقع عشان هم بيعملوا copy right..يعني أي واحد يستغلها ممكن أرفع عليه قضية بس كان المفروض أكتب على الصور فعلا..
لكن تبغى الحقيقة ..مو مهم ..الي يبغى ينسخ ينسخ..الصور بين يد الكل ..أهم شي نعمل ترويج للطائف..
و بالنسبة لسؤالك عن الشخص في الصورة مو مهم هويته المهم إن الصورة حلوة ..و هو فعلا زي ما ذكرت..
ملاحظاتك رح أخذها في عين الاعتبار..و إن شاء الله آخذ لقطات ثانية أحلى..
شكرا على النصائح و الأفكار.. و الدعوات الحلوة..