فورمات

اول شيء تحملين برنامج جالب تعاريف ,, وتجمعين التعاريف كلها و تحطينها في سي دي او فلاش ,,
ثاني خطوه تدخلين سي دي الويندوز وتعملين ريستارت للجهاز ,, اول ماتسوين ريستارت وقبل مايفتح معك الويندوز تدخلين على السيت اب الخاص بالجهاز ,, اغلب الاجهزه بضغط زر F2 وفيه بعضها تضغطين ESC بعدها F11 وفيه اجهزه بزر الـ TAP ,, ما ادري عن ديل ما اتذكر والله ,,
عموما اذا دخلتي السيت اب تدورين على شيء اسمه boot وتختارين ان يكون الـ boot من الـ سي دي روم , وعقبها تطلعين من النظام وتحفظين التعديلات , عقبها راح ينقلك على صفحه ويقول لـ عمل بوت من السي دي اضغط اي حرف , تضغطين اي زر , وعقبها ينقلك للشاشه الي عقبها اختيارات عادية تختارين الجزء الصلب الي تبين تعملين له فورمات ,, وتحذفين وتعدلين في الاقراص الصلبة ,, والباقي كله سهل ,, فيه بيجيك اختيار سريع وبطئ واي نظام هذي تختارين الي تبين من الانظمه بس نصيحه لا تختارين السريع ,,
وعقبها تكملين باقي اعدادات الجهاز واسماء المستخدمين الخ الخ ,,
بعد هذا راح يفتح معك الويندوز ,
اول شيء عشان تعرفين الجهاز ,, تحملين نفس البرنامج الي جلبتي منه التعاريف + تستردين التعاريف الي حفظتيها على السي دي او الفلاش ,,
ثاني شيء التعريب , تدخلين سي دي الويندوز وفيه شارحين طريقة التعريب ,, واذا ماكانت مشروحه فهي اصلا سهله مجرد بـأأك راح يجي مع الجهاز تحملينه وتختارين العربي , وعقبها من لوحه التحكم تختارين اللغه العربية ,,
وتسوين ريستارت للجهاز ,,
وبس !


بالتوفيق ,, داري ان شرحي على قدي ,, بس وقت القايله من له نفس يشرح ؟