معدلي ممتاز ارغب في البعثه ولكنن

وليه ما تتزوجين طيب !؟

وعليكم السلام ورحمة الله

مممم ما ادري وش اقولك والله ، الله يعينك ويسخرهم لك ياحي ياقيوم

حاولي فيهم يمكن رفضهم لان مافيه امكانية احد منهم يكون مرافق لك ؟
دوري اقرب اخوانك لك والعبي بمخه الين يقتنع وروحي انتي واياه عاد اقنعوا الرؤوس الكبيره

او اقنعيهم ع الاقل تروحين كم شهر تاخذين لغه وترجعين ، وشوي شوي يمكن يقتنعون

او استخدمي دموع التماسيح :$ تفيد مع الاباء كثيير
والله يسخرهم لك ويوفقك ياحبيبتي ️️

والا وكلي امرك لله وتأكدي انه خييره لك وطوري لغتك اكثر هنا وابحثي عن وظايف بما ان معدلك كويس ماشاءالله وتوظفي وانبسطي
وممكن مقر العمل يطلعك بعثه يمكن وقتها يتغير رايهم !



دعواتك

السلام عليكم
انا طالب مبتعث لحالي. وجامعتي كويسة في قرية صغيرة بما يعني إنّو ما فيها اي معهد للغة. وأهلي ودهم أني اتزوج اليوم قبل بكرة لاكن مشكلتي الوحيدة أنه لازم زوجة المستقبل تكون عندها لغه عشان تدرس بالجامعه " يعني تقدر تختبر ايلتس او توفل"
رسالتي غريبه ادري ولاكن إنتي اهلك شارطين الزواج وانا أدور وحدة عندها لغه عشان تنقبل بالجامعه

اشكرك على ردك اهلي واعرفهم ماينفع معاهم
انا انسانه ارغب في الابتعاث حتى اكسب لغة اكثر واكثر واكثر واطور نفسي وحابة اني اخذ ابتعاث
وكل شروط الابتعاث متحققه

البنت دائما في مجتمعنا رغبتها وطموحتها محظورة الا بتوافر وسبب المحرم ؟؟الزواج ..؟؟
طيب واللي ماربي كتب لها زواج تجلس بدون بعثه ..!!
اللهم يارزاق ارزقني وياكريم اكرمني

وعليكم السلام ورحمة الله وبركاته
اقرأي كلامي وحاولي ان تجعلي العقل قبل العاطفه اعلم انه صعب لكن حاولي
الإبتعاث حلم الكثير وربما يتحقق وربما لا
والزواج قرار ليس بالسهل فلاتجعلي حلمك بالإبتعاث يتحكم بقرارات تؤثر تأثيرا كبيرا في حياتك
الزواج استقرار وأمن وارتباط وتفاهم وتوافق وليس قرار عشوائي
او وسيله للإبتعاث
عاطفتنا الإناث تغلب كثير وبقوه علينا لكن عندما أقرأ آيات الله افهم لماذا لم نحصل او يتأخر مانريد لذا أقرأي الأيات الكريمه بالعقل
قال تعالى (وَعَسَى أَنْ تَكْرَهُوا شَيْئَاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئَاً وَهُوَ شَرٌّ لَكُمْ وَاللهُ يَعْلَمُ وَأَنْتُمْ لَا تَعْلَمُونَ)
ويقول المولى (فَعَسَى أَنْ تَكْرَهُوا شَيْئَاً وَيَجْعَلَ اللهُ فِيهِ خَيْرَاً كَثِيرَاً).

، عَنْ ابْنِ عَبَّاسٍ قَالَ كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا فَقَالَ:
(( يَا غُلَامُ إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلَامُ وَجَفَّتْ الصُّحُفُ))

ويقول تعالى { إنَّ مَعَ العُسْرِ يُسْراً }

لذا علقي كل آمالك بالله وتوكلي عليه والحي في الدعاء وتحري اوقات الإستجابه واستغلي رمضان والصيام وقبل الإفطار فالله اذا اعطى ادهش ولاتنسي ان تسألي الله ان يرزقك الخير ويصرف عنك الشر ويبارك لك في امنياتك ويجعلها تقربك منه

الله بيده رزقك الله هو يعلم ماهو الخير لك والله ارحم بك من والديك
رزقك الكريم ماهو افضل واعلى من البعثه وبارك لك فيه

الامر لايحتاج مشورة لانه بيد اهلك والمجتمع ماله دخل .. بس ليه ماتقولين نفس حلطمتك هذي لاهلك وتشوفين رايهم ؟

الله يرزقك بزوج ويكون مبتعث وياخذك معاه..

اللهم أمين يا رب

اهني اهلك بصراحة.

اذا بغيتي تبتعثين اشترطي بزواجك انك تدرسين بالخارج.

او شوفي لك اخوك كلميه لين يقتنع و يدرس معك حتى لو لغة لو كان المحرم مايفرق معك. و انا اقول خلي معك محرم احسن.