تسآؤلاتي وحيرتي فيما يخص التقدم للبعثه ، اتمنى القى جواب شافي :(

June 25th, 2015, 01:56 PM

السلام عليكم

اخواني أنا ناويه بإذن الله أقدم على المرحلة الحادية عشر ( ماجستير )
وللان ما اخترت التخصص بشوف التخصصات المتاحه امتداداً لتخصصي اول شيء
ومبدئياً اخترت بريطانيا لإنها اقرب للسعوديه من امريكا وكندا بالاضافه الى ميولي لها
مالكم في الطويله .. مارح اسأل في اجراءات التسجيل او البحث عن سكن او الفيزه أو أو
لانه عارفه لو بحثت كويس رح اقدر اجمع كل الخطوات والمعلومات بإذن الله ..


مشكلتي تكمن بالمرافق : أنا المحرم اللي بيطلع معاي هو أبوي
وطبيعي كنت مخططه ياخذ اجازه ونروح بكل بساطه ، كله تمام
لكن ابوي عسكري ، وانصدمت لما قريت موضوع هنا ان الاجازات الاستثنائية للعسكر متوقفه
وقريت الموضوع اكثر من مره ماقدرت اطلع بخلاصة عدله ..


اللي هو (( حوار وتجمع المتضررين من الغاء الاجازة الاستثنائية للعسكري ))
علماً ان ابوي شخص كبير بالسن يعني داخل عالخمسين ولا يبغى يدرس ولا شيء
مجرد مرافق ..

ايش مصير حالته كذا ؟ وايش الحلول المقترحه .. يعني لازم الاقي حل لهالمشكله
الله يجزاه خير اللي يفيدني

وايضاً قريت في الموضوع اللي قلتلكم عنه انه اصلاً مايخلوني اطلع من السعوديه لين اعطيهم ورقه تثبت ان ابوي عنده اجازه استثنائيه طول مدة دراستي !!
وهالشيء بالنسبه لي مستحيل لانه ابوي بيضطر يرجع لأهلي بعد مايتطمن عليّ هناك

هل فيه امكانيه يطلع معي شهر وبعدها يرجع للسعودية ؟

عارفه ان كلامي ملخبط ، من الفجر انصدمت بخبر انه ماعد فيه اجازات للعسكر
واللحين الظهر ولسى ماني قادره انام وانا ابحث ادور عن حل

• نشر عبر تويتر
• نشر عبر فيسبوك
• نشر عبر جوجل