محتار ، معيد او #وظيفتك_وبعثتك +نصائحكم

انصحك بالمعيد لانهاا فرصهةة مضمونهة وراح يبعثونك لاكمال الدراسات العليا ، اما وظيفتك وبعثتك للان ماطلعت النتائج المبدئيهةة وراح تكون هناك مقابلات واختبارات ، فانصحك بالمعيد ؛)

لو خيرت انا اختار معيد بدون تردد

يعتمد ع طموحك وميولك الشخصي .. اذا كنت تفضل انه يكون عملك اكاديمي صير معيد بدون تفكير

ماشاء الله اولا ابارك لك قبولك كمعيد وهذا ما اطمح اليه .. انا الصراحه بالنسبه لي معيد هي الاولويه دائما وافضلها على اي قطاع اخر

وانا انصحك اذا لك رغبه تكمل اكاديمي خلك معيد واذا تحب شغل الشركات وغيرها اقبل الاعاده وانتظر رد الجهه المعينه وانظر الى شروطهم وعرضهم واستخير ربك عز وجل واختار الي يناسبك

هذا من وجهه نظري ولا تنسى فيه شرط من الشروط انه مايكون موظف حكومي او خاص .. للتوضيح بس ما انصحك ابدا ترفض الاعاده

وعندي سؤال اخوي انا لي فتره احاول اقدم على جامعات وماحصلت رد منهم انت خريج اي سنه و اي جامعه قبلت فيها اذا مافيه احراج ؟

وبالله التوفيق

معيد وهم يبتعثونك
موفق

مبروك القبول
الإعاده أفضل وأضمن
وظيفتك بعثتك قدامك مشوار للترشيح والإختبار اذا طلب والمقابله وبعدها تطلع النتائج ويمكن تكون الوظيفه في مكان بعيد عن منطقتك

الإعاده انت انهيت متطلباتها وقبلت ولله الحمد وارتحت من التوتر والقلق فتمسك بالإعاده والجامعه تبتعثك

بالتوفيق يارب

وعليكم السلام

الإعاده طبعا فرصه ذهبيه.. أول شي ضمنت وظيفتك بمكان زين ثاني شي بعد سنه اجباري يبتعثونك أو تقدم الحين وتتواصل مع الاداره اذا يبتعثونك بعد ترم

فوق هذا تستلم راتب من وظيفتك كمعيد + راتب البعثه اثناء فترة دراستك ..

ويمديك تختار دول غير الموجوده بنظام الابتعاث اذا الجامعه منزله لكم دول ثانيه نقول مثلا بريطانيا يعني خيارات أوسع عندك

وبعد دراستك مكانك موجود وراتبك زاد مع الزياده السنويه

الله يبارك لك فيها

لاتفوووتها ابدا منها تضمن وظيفتك كمعيد وبعدين قدم عالابتعاث وبيبعثونك بسهوله .

جزاكم الله خيرا على تجاوبكم وطرح نصائحكم .

جامعة الملك سعود للعلوم الصحية اللي قبلت فيها .
وأي وظيفة معيد اجراءاتها طويييييلة .

أتمنى لكم التوفيق والله يحقق طموحاتكم