تجمع المتقدمين على الخطوط السعودية

السلام عليكم ..

اليوم كانت المقابله والحمدلله كانت حلوه وسهله من كل النواحي ..
بحكيلكم ايش صار معايا ..
اول شي انا جيت بدري بساعه .. وصلت الساعه ٨ وكان في ناس برا انا كنت الخامس .. ٨ ونص فتحو الباب وبدأو يسجلو اسماء ومعلومات المطلوب فقط كان بطاقة الاحوال وشهادة الثانويه .. طبعا انا كنت خامس واحد فا تقريبا دخلت عاللجنه الساعه ١٠ ونص والقابله كانت اقل من ١٠ دقايق ..
رحبو فيني وكذا وسألني واحد منهم عرفنا عن نفسك مين احمد ومتى اتخرجت وايش سويت بعد ما اتخرجت اتوقع سؤال سهل جدا .. وبعدها قالي قولي قصتك مع الطيران ليش حبيت الطيران وكذا .. قالي كمان انتا عارف انو الطيران له مساوئ وكذا تعرف عنها شي يعني قد مرت عليك وفي حالة انو عليك ضغط ايش راح تسوي وكذا ..
اهم شي زي ما قالو بقية الاخوان خليك هادي ومبتسم وشكلك مرتب

قبل لا ندخل المقابله .. اللي سجل اسمائنا جا وعطانا كلام خفيف وقال انو هما محتاجين السنه هذي ٦٠٠ طيار والمتقدمين حوالي ٢٠٠ بس !!

طبعا انا مقدم بكالوريوس

بالتوفيق للجميع

بالتوفيق عقبال القبول النهائي .

السلام عليكم
يا ليت اللي خش المقابلة يقول لنا ايش المستندات اللي طلبوها وهل نحتاج سيرة ذاتية وايش الاسئلة اللي في المقابلة

محتاجين السنه هذي ٦٠٠ طيار والمتقدمين حوالي ٢٠٠ بس !!



يعني نفهم من هذا الكلام ان المقابلة روتينية والجميع مقبول ان شاء الله ؟!

على كلام الرجال ..

قال انو المقابله هذي عشان نحدد شخصيتك اذا تنفع طيار او لا
قال لو ال٢٠٠ كلهم ينفعو راح نقبلهم كلهم

الله يبشر الجميع بالقبول بإذن الله

بس انا اللي مستغرب منه ان مافي فحص طبي للطيارين ؟ مع انه مهم جدا خاصة فحص النظر .. ماجابوا لكم طاري عنه ؟

حسب ما ورد في الاتفاقية بين الوزارة والخطوط السعودية أن العدد سيكون 5000 لل 5 سنوات الخاصة بالبرنامج .. 3000 طيار و 2000 فني لل 5 سنوات .. بمعدل 600 طيار لكل سنة و 400 فني .. 400 فني تنقسم على اثنين 200 .. فني صيانة و 200 مرحل جوي سنويا .. أعتقد أن التقسيمة على هذا الشكل .. إذا أحد عنده إضافة أخرى أتمنى يفيدنا

في فحص طبعا وسيتم الإعلان عنه للي نجحوا في المقابلة الشخصية فقط ..

معليش نسيت اذكر المعلومه هذي

كلامك صحيح