تجمع المتقدمين على الخطوط السعودية

السلام عليكم
انا تخصصي علوم طيران موعد الكشف الطبي الاربعاء
اليوم جاني اتصالين من رقم الخطوط بس كان الجوال مقفل دقيت عليهم بس ما يردوا شكل دوامهم انتهى
مدري وش السالفة ليه دقوا علي ؟

اللي حضر المقابلة اليوم ياريت يفيدنا ب اي شي وكيف متساهلين ولا

انا ماحضرت لسا , لكن على كلام الشباب ان المقابله سهله واهم شي خليك مستعد جهز اجابه كم سؤال ولا ترتبك

- - - Updated - - -

احتمال انهم يبغوا عنوان البيت لانهم جالسين يتصلوا ذي الفتره ياخذوا العناوين

الحمد لله فعلا دقيت عليهم وطلع بس يبغوا عنوان البيت

ها يا شباب الترحيل اللي حضرو المقابلة اليوم يا ريت تفيدونا .. كيف كانت المقابلة ايش الأسئلة ايش الإجراءات. ..

حسب معرفتي الفنادق هناك غالية جداً ، لانها على طريق الملك و حي الخالدية ، استأجر في الأحياء القريبة منها مثل السلامة الزهراء او شارع (( صاري )) بشكل عام ، كلها جداً قريبة من المستشفى

عنوان ايش البيت ولا المدينة ، أتذكر سألوني وين ساكن بالمقابلة ،، مافي احد دق علي

طيب اخوي تعرف اسماء الفنادق القريبة

سويت المقابلة اليوم والحمدلله ،
وللاسف توترت وتلخبط بالكلام ولكن جاوبت ،
عندي احساس اني من غير المقبولين ،
انصحكم ي رجال ب تجهيز الاجابات من بدري ،
بيسالونك اسئلة بس ب لف و دوران ولكن الاجابة نفسها اللي مجهزها ،
مثلا سؤال تكلم عن نفسك او تحدث عن نفسك :
كنت جاهز ل ذا السؤال ولكن تفاجات ب سؤال :
تكلم عن نفسك من صف التمهيدي للليوم !!
هنا بديت اتلخبط واجوبتي راحت وما عرفت رد ل سؤال ذا ، م عرفت وش اقول وش اخلي قصة حياة ذي
ممكن سؤال واحد يضيعك ف المقابلة ،
وسؤال الثاني اللي ضيعني وخلاني اشك اني برى قائمة المقبولين :
اذ لم يتم قبولك في الترحيل الجوي , ايش راح تسوي وايش خططك ؟
وبقية اسئلة جاوبت عليها ولكن باقي علي علامات التوتر
انصحكم بالنوم والحضور المبكر ،
كنت نايم ساعتين او ثلاث فقط وحضرت ٨:٣٠ ص وما دخلت المقابلة الا قبل العصر ، اثر التعب والارهاق والتوتر كله فيني وجبت العيد .
الحمدلله ع كل حال ويارب اختار لي ولا تخيرني وان شاءالله اللي كاتبه ربي بيصير ،

وااعتقد والله اعلم ، اذا قالولك ارجع ل وكمل بيانات عند الشباب اللي سجلو بياناتك هما المقبولين ١٠٠٪

وشباب ترحيل اذا جاكم القبول بشرونا وعطونا خبر ،
عشان الواحد يعرف يدبر نفسه ويدور ع وظيفة لي ٦ شهور عاطل منفس بسبب الوظيفة ذي ،

وبالتوفيق لكم جميعا

بس سأل وين ساكن في اي مدينة والحي ورقم الشارع ورقم البيت اصلا ما اعطيته غير المدينة واسم الحي لان الحي اللي انا ساكن فيه جديد وما فيه اصلا ارقام شوارع.