تجمع المتقدمين لمؤسسة النقد العربي السعودي ...

اقصد مقابلة واحدة

أخواني خلاص الجميع يعلم إن بعثتك وظيفتك فاشلة طيب الحين وش الحل معهم يعني اللى جاب اقل من ٨٠مستبعد وثاني شي انا كنت حاس ان هالوظائف لطلاب البكالوريوس يعني بالعربي طلاب البكالوريوس الابتعاث مضمون لكم لانه موسسة النقد يوم عملت اتفاقية بين التعليم ١٠٠٠ الف طالب كل سنة ونسبة قليل من طلاب الماستر والدكتوراة وتكون النسبة الاكبر لطلاب البكالوريوس علشان كذا اشترطوا اختبار القدرات واي طالب يجييب اقل من ٨٠ مستبعد و السبب علشان وظائف الماستر قليل اقل من ٢٠٠ بالعربي برنامج وظيفتك وبعثتك هو. موجه لطلاب البكالوريوس بنسبة كبييييير جداً في كل الجهات ياليت يرجع الابتعاث زي قبل كان الحين متواجدين في دولة الابتعاث.

مستحييييييل يقيسونها بنسبة القدرات بس، لانو كمان لازم نحط في بالنا التخصصات يعني لو اكبر عدد تخصص ماستر مالية .. وكانو هما اكثر ناس جابو فوق الـ ٨٠ وباقي التخصصات مو عدد كبير او فيه تخصص بالمرا مافيه فوق الـ ٨٠ ، ماراح يتخذون بس اللي تخصص ماليه لانو لازم ينوعون حسب احتياج البلد واحتياج الجهة الوظيفية .. عشان كذا ما اقول كلام الأخ ماجد غلط بس طبيعي راح ياخذون بأعلى النسب و حسب كل تخصص و حسب معدل الجامعه و هذا الشيء هوا اللي مأخرهم لو بس راح ياخذو بنسبة القدرات فوق الـ ٨٠ كان قد اختارو و خلصو ..

قوله صلي الله عليه وسلم "وأعلم أن الأمة لو اجتمعت علي أن ينفعوك بشيء ، لم ينفعوك إلا بشيء قد كتبه الله لك ، وإن اجتمعوا علي أن يضروك بشيء ؛ لم يضروك إلا بشيء قد كتبه الله عليك، رفعت الأقلام وجفت الصحف "

يعني مهما حاولت مؤسسة النقد تقلل او تحد من العدد ماراح يصير الا اللي كاتبو ربي لنا حتى لو كان واحد ما اختبر قدرات خير شر 🏼

الله يسمعنا خير ...
أنا أقترح على أحد الشباب لانها فيها صعوبة للبنات يروح مؤسسة النقد ويسأل عن المهندس ماجد وياخذ منه العلم الأكيد ...
لانه في تويتر كما سبق وأسلفنا أنه ممنوع من الإدلاء بأي معلومة ...
وياخذ فينا أجر ويريحنا من الغموض والمتاهة اللي إحنا فيها

انا اقول بما انهم توهقوا كذا خلاص يخلونا نبتعث بدون وظيفة حرام يستبعدونا بعد كل هالانتظار
يعني يخلوا الوظايف للناس اللي جايبين فوق الثمانين والغلابا يبتعثوهم بدون وظيفة

يا جماعة عندي اقتراح
عزام الدخيل حاط رابط تواصل ف التويتر حقه هذا هو
http://Tawasul.moe.gov.sa
لو نحاول نصيغ خطاب او معروض بشكل كويس ونرسله كلنا
طبعاً ملف وورد
لان لو جاته رسايل كثير راح يعطينا وجه اكيد
اللي عنده اسلوب في الكتابة ياليت يساعدنا في الصياغة
انا بحاول اكتب واحد مع ان مالي ف الكتابة والمعاريض بس بحاول
المهم اذا خلصت منه وكتبته ابيكم تساعدوني ننشره على اكبر شريحة من المتقدمين للبرنامج
لازم نتحرك
وان شاء الله اول مااخلص منه بحطه هنا

صدق بس جهة وظيفية وحدة ؟
طيب كيف كان العدد تقريبا ؟

بسم الله الرحمن الرحيم

سعادة معالي وزير التربية والتعليم الموقر
السلام عليكم ورحمة الله وبركاته وبعد :



أنا أحد المتقدمين على برنامج ( وظيفتك بعثتك ) التابع لمؤسسة النقد تقديمي هي مرحلة الماجستير ,
تقديمنا كما تعلمون هو من شهر 9 رمضان حجزنا مواعيد مقابلة ثم أُلغية المواعيد وأجبرُنا على اختبار القدرات وهذا الاختبار لم يكن من ضمن الشروط لكي نجتاز , بعد اختباراتنا لم يتم التواصل معنا وإبلاغنا بأي خطوه ,
أنا وزملائي المتقدمين التابعين لمؤسسة النقد مرحلة الماجستير اجتماعاتنا تكون في أحد المواقع الالكترونية التي تساعد الطلاب قبل الابتعاث و بعد الابتعاث من استشارات ونصائح من جميع النواحي الأكاديمية والغير أكاديمية ,
فأردنا أن نخاطبكم ونرجو منكم النظر في موضوعنا الذي من بعد الله نراه تحديد لمصير مستقبلنا والأغلبية منا في مرحلة الانتظار ـ وجميعنا لا نستطيع أن نلتحق بوظائف خشيتاً أن نتعارض مع أنظمة البرنامج , وأحد الزملاء أقترح أن نخاطبكم فأجبنا بنعم آملين الإيجابيات والدعم المعنوي وتوجيهاتكم لنا ولمن يعمل بالبرنامج فانتظارنا دام 6 أشهر .

والله يحفظكم ويرعاكم ,,,




طـلاب الماجستير التابعين لجهة العمل في مؤسسة النقد

-------------------------------------------------------------------------------------------

( خطاب بسيط وقصير أن اراد أحدكم استخدامه لمراسلة معالي الوزير ) ما عليك سواء تنسيق السطور عند إرسالها .

اتمنى من جميع طلاب الماستر اللي مقدمين على مؤسسه النقد نتعاون ونكون يد وحده لان اللي جالس يصير ظلم

كيف ندرج اسامينا في خطاب واحد ولا كل واحد يرسل خطاب